:: keipdúnkur atla bollasonar ::

:: laugardagur, maí 31, 2003 ::

Það er einhver vægast sagt viðbjóðslegur Friends þáttur í sjónvarpinu. Ekki beinlínis Friends þáttur, heldur þáttur um Friends-þættina; Allt um Vini virðist hann heita. Þetta eru brot úr gömlum þáttum fléttað saman við viðtöl við veruleikafirrt, heimskt og ógeðslegt lið sem kallar sig Friends-aðdáendur. Og þetta eru Íslendingar. Og íslenskur þáttur. Ég hefði látið vera ef Kanarnir hefðu skapað svona óskapnað en ég gerði mér ekki grein fyrir að svona væri komið fyrir okkar eigin litla samfélagi. Ekki svo að skilja að ég þoli ekki Friends, ágætis þættir, sérstaklega þessir gömlu; eða bíddu, bara þessir gömlu. Fólk verður hinsvegar að skilja að um er að ræða sjónvarpsþátt og skal hann brúkaður sem slíkur.

:: Atli 04:56 [+] :: ::
...

Áfengi. Ég hef lengi ætlað að skrifa örstuttan pistil um áfengi hér á síðunni. Þannig er mál með vexti að ég tel áfengi eitt það bezta sem komið hefur fyrir mannkynið. Andmælendur mínir munu benda á hluti einsog alkahólisma, ofbeldishneigð, óhollustu o.fl., sem á kannski nokkrar rætur að rekja til áfengisneyzlu, en ég rek slík rök á brott með því hversu skemmtilegt það getur verið að drekka. Það er engin tilviljun að einherjar drukku öll kvöld í Valhöll og að ýmsar vísur í Hávamálum (o.fl. fornum kvæðabálkum) fjalla um lystisemdir áfengisvímunnar. Áfengi leysir vandamál. Hlutir einsog feimni eru á bak og burt. Mann langar til að dansa, ræða heimsmálin, kynnast nýju fólki, elska. Manni líður vel þegar maður er staddur í góðum gleðskap með félögum sínum að sumri til með ískaldan bjór í höndinni. Þetta er staðreynd. Og bjórinn er krúsjal, því án hans verða hlutirnir, hvað eigum við að segja…hversdagslegir. Og hver vill lifa í hversdagslegum heimi? Ég get ekki með nokkru móti skilið fólk sem tekur þá ákvörðun að drekka ekki, nema að 90% fjölskyldunnar séu alkahólistar eða aðrar sérstakar aðstæður komi til. Ég veit að líf mitt væri allt annað og verra án áfengis. Og ég skammast mín ekkert fyrir að segja það. Auðvitað hef ég drepist einusinni eða tvisvar, en það eru undantekningartilfelli, og hin hundruð skiptin - skemmtilegustu kvöld ævi minnar - standa eftir.
\\
Ég afsaka lágan gæðastaðal pistilsins hér að ofan. Í fyrsta lagi er hann ritaður án verulegrar umhugsunar á fimm mínútum. Í öðru lagi er í raun um að ræða óskipulagðar hugsanir sem á eftir að koma almennilega í orð. Í þriðja lagi er klukkan hálffjögur og ég er á næturvakt á Radisson SAS Hótel Sögu.
\\
Ég vona að það muni eitthvað sjást af þessum sólmyrkva á eftir, ég ætla að fara upp á þak og reyna að teygja augun yfir Esjuna. Helvítis Esja. Neinei, elskuleg Esja og sólroðin ský og fjólubláir draumar o.s.frv.

Plata dagsins:
Super Furry Animals: Guerrilla
„Don’t go chewing in bed; you might wake up with it stuck in your hair…“

:: Atli 03:46 [+] :: ::
...

Klukkan er tæplega fjögur. Ég er á næturvakt á Hótel Sögu. Það er fínt maður. Ég er í alvörunni, bókstaflega, ekki búinn að gera neitt að undanskildu einum rúnti um ganga hótelsins. Hinar klukkustundirnar hafa farið í Netið. Ég er búinn að lesa rosalega mörg blogg í nótt og hef ákveðið að krækja í Pétur Eggertsson, þar sem blogg hans er nokkuð skemmtilegt, frásagnir af verki dagsins en á skemmtilegan máta. Hann er líka með sniðugan lið sem kallast plata dagsins, og ég er að hugsa um að fá lánaðan. Ég skora einnig á Beikonið að skrásetja plötusafn sitt, en það yrði án efa spennandi lesning.
Þessi dagur (uppstigningardagur) var annars frábær. Ég man varla eftir betra veðri, og ég nýtti mér það náttla og lá í sólinni í skjólinu í garðinum hjá mér. Síðan fór ég með Svölu í sund í Hafnarfirði og það var mjög fínt. Ég er orðinn rosa brúnn og sætur. En stend öðrum feti framar þar sem ég hef aldrei nokkurntímann farið í ljós og mun aldrei gera. Þess ber einnig að geta að ég hef aldrei litað á mér hárið. Hah. Síðan var bara unnið í Bónusvídeó frá 18-24 og á Sögu frá 24-8, bara harkan sex og ekkert kjaftæði. Svona næturvinna er svakaleg, maður öðlast einhvernveginn glænýja og ferska sýn á heiminn. Þegar enginn er á ferð og himinninn er svona hvítur/ljósappelsínugulur/ljósblár og fjöllin dökkgrá úti við sjóndeildarhringinn jafnast fátt á við að standa uppi á svölum á sjöundu hæð og anda að sér morgunloftinu. Á þannig stundum virðist ég þess fullviss að Reykjavík sé fegursta borg í heimi. (Takið þó með í reikninginn að ég er staddur í 107 og ég myndi ábyggilega kúgast og æla massíft yfir sjálfan mig ef ég væri t.d. í 113).
Ég undirbjó mig undir næturvaktina með því að vaka lengi í gærkvöldi og gerði ég það með aðstoð kvikmyndanna Cristiane F og Jesus’ Son. Ég nennti ekki að horfa á The Basketball Diaries. Þannig var mál með vexti að ég + Orri + Kári + Leó ákváðum að leigja einhverskonar trílógíu og horfa á. Eftir nokkurt skraf varð niðurstaðan að við leigðum þrjár dópmyndir; þ.e.a.s. myndir sem fjalla um eiturlyfjaneyzlu. Cristiane F er byggð á skáldsögunni Dýragarðsbörnin, sem einhver ykkar hafa ábyggilega lesið. Myndin er þýsk, frá árinu 1981, góð, en ef til vill í lengri kantinum. Hún hefur ekki mikið forvarnargildi þar sem nær einvörðungu er fjallað um heróínneyzlu, en ég þekki engan sem hefur prófað það. Cristiane F fær 7/10 frá mér, en hana vantaði eitthvað touch, þó hún væri vissulega áhrifamikil á köflum (sérstaklega senan þar sem hún er að reyna að hætta). Seinni myndin, Jesus’ Son, var allt öðruvísi. Hún er frá 1999, og nokkuð gamansöm. Það kom reyndar í ljós að það er alls ekki dópmynd, í raun er um að ræða rómantíska gamanmynd – eða þroskasögu ungs manns, þar sem aðalpersónurnar eru eiturlyfjaneytendur. Ég fílaði Jesus’ Son í botn, ólínuleg frásögnin og létt yfirbragðið heillaði mig, sem og ástin og stússið í kringum hana. Einnig var ég geysiánægður með aðalleikarann Billy Crudup, sjarmerandi týpa. Jesus’ Son fær 8.5/10.
\\
Rosa hressar stelpur með mér á vakt. Ragnheiður og Maja. ’83 og ’82. Ánægður með þær.

Plötur dagsins:
The Flaming Lips: Yoshimi Battles The Pink Robots
„Do you realize, that everyone you know will someday die?“
The Strokes: Is This It
„I am too young – and they are too old“
Badly Drawn Boy: The Hour of Bewilderbeast
„I’ve been pissing in the wind“

:: Atli 04:02 [+] :: ::
...

I spent the summer wasting
The time was passed so easily
But if the summer's wasted
How come that I could feel so free?
I spent the summer wasting
The sky was blue beyond compare
A photograph of myself
Is all I have to show for

Seven weeks of river walkways
Seven weeks of staying up all night

I spent the summer wasting
The time was passed so pleasantly
Say cheerio to books now
The only things I'll read are faces
I spent the summer wasting
Under a canopy of

Seven weeks of reading papers
Seven weeks of river walkways
Seven weeks of feeling guilty
Seven weeks of staying up all night

Namminamm...þetta er hið ídealíska sumar einsog Belle & Sebastian orða það.
Dagurinn minn var ekkert svo fjarri þessu, ég vaknaði, lagðist út í sólina, lá, fór í sund með Kristínu og Kára, slakaði á og hafði það bara rosa fínt. Held ég hafi tekið lit og allt.
Á leiðinni heim úr sundi lentum ég og Kári þó í fremur óskemmtilegri reynslu. Við vorum fyrstir á vettvang þar sem ekið hafði verið á strák á hjóli á Fossvogsvegi. Ég steig út úr bílnum og ræddi við gamla konu sem hafði ekið á hann og reyndi að ná sambandi við strákinn. Hann var meðvitundarlaus. Kári hringdi á neyðarlínuna. Strákurinn vaknaði fljótlega, svona einsog hann væri að vakna af vondum draumi, og svo sofnaði hann alltaf strax aftur. Þetta gerðist nokkrum sinnum. Svo fór hann að opna augun og við gátum talað við hann og fengið hann til að hreyfa höndina. Siðan komu sjúkraflutningamennirnir og tóku við. Því næst kom löggan og ræddi aðeins við okkur. Gott að geta hjálpað.
\\
Ég gleymdi náttla að taka fram í tölvuleikjaumfjöllun minni í gærkvöldi leikinn Megaman. Ég var mikið Megaman-fan, og ef mér skjátlast ekki fékk ég Megaman 4, 5 og 6 í 9, 10 og 11 ára afmælisgjöf. Ekki amalegt það. Allar afmælisveizlur fóru í Megaman-spilun og kökuát. Það voru góðir tímar.

:: Atli 18:41 [+] :: ::
...

Ég var að vinna í kvöld og í vinnunni var stillt á útvarpsstöðina Muzik 88.5. Áður var Muzik hip-hop og danstónlistarstöð, en síðan var hún keypt af Valla Sport og Sigga Hlö. Þá fór hún í samkeppni við FM 957. Einhverra hluta vegna virðist stöðin þó hafa tekið talsverðum breytingum; og í kvöld var þetta allavega bezta útvarpsstöð sem ég man eftir að hafa hlustað á í laaaangan tíma. Hvert gæðalagið rak annað og einungis tíunda hvert lag var óáhlustanlegt. Einnig var mikil fjölbreytni í tónlistarvali. Þetta gladdi mig.
\\
Í gærkvöldi átti ég ágætis stund og spjall með Leó, Orra og Sóleyju, en við sátum frammi í eldhúsi og ræddum allt milli himins og jarðar, t.d. fór mikill tími í upprifjun á tölvuleikjum úr æsku okkar. Að mínu mati er Super Mario Bros. 3 bezti leikurinn fyrir NES. Hann hefur eitthvað rosalega klassískt og spennandi við sig. En meðal fyrstu tölvuleikja sem ég man eftir eru Super Mario Bros. og Prince of Persia. Einnig margir gamlir Mac-leikir, einsog leikurinn þar sem gæjanum er sleppt úr þyrlunni ofan í heysátuna á hestvagninum; leikurinn þar sem maður er læra heima en fer svo alltaf út um gluggann að drekka bjór meðan mamma mans er í burtu. Svo þarf maður að pissa þegar maður er búinn að drekka nokkra og passa sig á löggunni og einhverjum róna og eitthvað. Einnig leikir einsog Apache Strike en þar stjórnar maður þyrlu í svona „þrívíðu“ umhverfi, flýgur milli bygginga og sprengir skriðdreka. Svo náttla leikir einsog Crystal Quest, sérstaklega eftirminnilegur vegna kvenmannsstunu sem heyrist þegar maður klárar hvert borð. Og Load Runner, Artillery og Airbourne með tónlist úr Niflungahrings Wagner. Ég man að einusinni setti Mamma high-score í Airbourne, en þegar það kom að því að skrifa nafnið sitt þá fraus tölvan. Ég vorkenndi móður minni svo mikið, að metið hennar kæmist ekki á skrá, að ég skrifaði miða og setti við diskettuna. Þannig gætu allir séð að Mamma er best í Airbourne og enginn annar.
Síðan eltist ég og fer að spila fóknari leiki. Þegar ég er svona 10 ára gamall kynnist ég Marathon og ég stend ennþá svona nokkðu fastur á því að það sé bezti leikur í heimi, þá sérstaklega Marathon Infinity. Ég eyddi mest-öllum 12 ára bekk í að hanna borð fyrir Marathon og er stoltur af því. Enda bjó ég til nokkur mjög góð borð sem fengu frekar góða dóma á The Marathon Hyperarchives.
\\
Topp 5 listi yfir tölvuleiki frá upphafi:

1. Marathon Infinity
2. Perfect Dark
3. Marathon
4. The Legend of Zelda: The Ocarina of Time
5. Super Mario Bros. 3
(-> Næstur inn: Myst)

:: Atli 00:36 [+] :: ::
...

Eitt magnaðasta sköpunarverk guðs sjöunda og áttunda áratugarins (svo virðist sem þá hafi verið annar guð og menningarlegri) er progg-rokkið svokallaða. Splæsingur rokks, klassíkur, frí-djasss og sýkadelíu. Ég komst nýverið yfir plötuna Trilogy með Emerson, Lake & Palmer. Ég hef reyndar átt hana alla ævi á vínyl (eða pabbi minn þeas.), en ég kemst einhvernveginn alltaf betur í að hlusta á tónlist á geisladisk. Sennilega því að ég er bara með plötuspilara inni hjá mér, en einungis brot af áhlustun minni fer fram þar inni. Það er einna helst sem ég neyðist til að dvelja þar lengi, t.d. í prófum sem ég hlusta að ráði á vínyl. Að undanskildum stökum lögum náttúrulega. En allavega, Trilogy er stórkostlegt verk, besta ELP plata sem ég hef heyrt, og þá sérstaklega hið stórgóða verk The Endless Enigma, sem vekur upp magnaðar tilfinningar í brjósti mínu. Titillinn er fenginn að láni frá málverki eftir Salvador Dali. Fæst á þúsundkall í raftækjaverzluninni Expert, ekki spyrja hvers vegna.
\\
Elsku Svala mín náði bóklega ökuprófinu sínu í morgun og tel ég að hún eigi hamingjuóskir skildar fyrir það.
\\
Fyrri hluta dags eyddi ég með Svölu, en seinni hlutanum á fundi með hljómsveitinni Nortón. Við ræddum fyrirhugaða upptöku á breiðskífu. Eftir mikið skraf komumst þó því miður/sem betur fer að þeirri niðurstöðu að upptökum skal frestað þar til í haust sökum anna og Danmerkurfarar. Þegar platan verður tilbúin verðum við með í höndunum meistaraverk. Og ég er ekkert að djóka. Lög einsog Apalagið eru ekkert til að grínast með.

:: Atli 20:23 [+] :: ::
...

Ég ætti kannski líka að segja frá því að á fimmtudaginn var ég plötusnúður. Tvisvar. Fyrst á staðfestingardag, en þá kom fólk, fékk einkunnirnar sínar og gat síðan farið út í veðrið og fengið sér pulsu + pepsí á 50 kjell. Svo gat það staðið í bullandi hita og sól og hlustað á fagra tóna sem ég matreiddi frá 9:30 til 13:00. Ég var stórkostlegur. Í alvörunni; enda hef ég einn fágaðasta tónlistarsmekk heims. Fólk gat síðan notið hans enn fremur um kvöldið á bjórkvöldi MH á LA Café. Ég var á tímabili kominn í tryllta danssyrpu og spilaði m.a. Hard to Explain með Strokes, setti svo Can't Get You Out Of My Head með Kylie á í breikinu, og setti síðan seinni hlutann aftur á að Kylie lokinni. Hahaha! Ég vildi ég hefði atvinnu af plötusnúningum. Ég held að fólk hafi svona almennt verið frekar ánægt með mig. Alma og Siggi Kári (nei, ekki fíflið sem var kosið á þing) gáfu mér allavega bjór + skot fyrir. Takk. Endilega rýnið í plötusnúðahæfileika mína í kómentum. Undir nafni takk. Rökstutt. Ekkert kjaftæði.
Jói, ræðumaður Íslands, var allavega ánægður með mig. Sagði að ég hefði m.a. trekkt að. Hann var ábyggilega að ljúga.
Eftir bjórkvöldið lenti ég í dálítið skrítnum pælingum þar sem ég talaði við Gogga á þýsku, reyndi að komast inn á De Boomkikker, fékk geðveikt marga Nonna bita (haha), reifst við einhvern ókunnugan gæja um eitthvað ókunnugt, þóttist festa tippið á mér í afturhjóli blás jeppa, rúntaði í Öskjuhlíð o.fl. Þetta var allt eftir að ég króknaði næstum úr kulda undir Ingólfi Arnarssyni með bjór í hönd og hló með rónum sem voru að tala illa um framsóknarflokkinn meðan röð fornbíla keyrði framhjá.

:: Atli 18:55 [+] :: ::
...

Því er ekki hægt að neita að stofnfundur drykkjuklúbbsins Synir Skallagríms var haldinn á föstudagskvöld heima hjá Baldri Kristjánssyni. Hann býr í Sæviðarsundi, í stóru og glæsilegu og geysi tæknivæddu einbýlishúsi. Leikurinn hófst á því að ég og Orri komum klukkan tæplega átta og tókum í höndina á gestgjafanum; en þetta var í fyrsta skipti sem við hittumst augliti til auglitis. Síðan tók að fjölga og brátt voru þeir Bragi Páll Sigurðarson, Þorvaldur Davíð Kristjánsson og Oddur Ástráðsson mættir. Við grilluðum kjöt og borgara, átum og drukkum bjór með. Namm. Við spjölluðum um allt milli himins og jarðar og gullmolarnir voru fleiri en einn og fleiri en tveir. Hinsvegar er efni fundarins leyndarmál. En ég get þó sagt ykkur að við reitum nokkuð magn reglna sem félagsskapurinn skal fylgja. Kvöldið var alveg ótrúlega skemmtilegt, fór í raun fram úr mínum björtustu vonum. Þetta er gæðafólk, enda valið með það að markmiði, og treysti ég því að Synir Skallagríms lifi lengi vel. Hibbihibbhúrra. Ég endaði kvöldið þó í hálfgerðu móki milli tveggja stóla í stofunni hjá Baldri áður en mamma Odds skutlaði okkur heim og ég ældi í ruslafötuna í herberginu mínu. Þetta var stórkostlegur stofnfundur.
\\
Síðan þá hef ég verið nokkuð í Bónusvídeó, lágmenningunni. Það er ágætt svosem, maður getur horft á spólur ef það er lítið að gera, sl. tvo daga hef ég t.d. séð Ali G spólu og Best of Smack The Pony og Monty Python Live eitthvað og fjóra South Park þætti. Svo var ég einn í dag og hlustaði þ.a.l. á góða tónlist, DJ Shadow og Emerson, Lake & Palmer.
\\
Í gær fór ég í stúdentsveislu til vinkonu minnar Tobbu og félaga míns Helga en þau eru einmitt systkini. Þar var ágæt stemmning, en þar sem ég fékk eyrnabólgu fyrr um kvöldið og kvaldist óstjórnlega, dópaði mig svo upp af parkódín og byrjaði á sýklalyfjum eftir veru á slysavarðstofunni; var ég edrú, meiraðsegja á bíl. Þarna var þó krökkt af MSingum sem ég þekkti ekki. Flestir voru leiðinlegir, eða litu allavega út fyrir það. En gæða MHingar voru einnig áberandi. T.d. nýstúdentarnir Rósa Stefánsdóttir, Ýr Káradóttir og Lísa Kjartansdóttir; en ég vil óska þeim til hamingju. Og Tobbu og Helga auðvitað líka. Einnig fær Guðjón þakkir fyrir að bjóða mér í afmælið sitt, ég bara komst því miður ekki. Á þessu stúdentskvöldi var talsverð ölvun, sérstaklega hjá Orra, sem varð fyrir flugi óminnishegra, sem og Svölu sem var ansi liðug í kossum. Ég keyrði mikið, fram og tilbaka. M.a. niður í Vík þar sem einhverskonar evró-partí var í gangi. Varð þar vitni að ótrúlegum atburði. Addi litli, gamall félagi minn, kastaði bjór í kærustuna sína, snéri sér svo undan og gekk inn í bíl til mín, augljóslega miður sín. Þetta er kannski ekki efni í bloggheima, en mér fannst þetta ótrúleg en samt réttmæt aðgerð, þar sem kærastan hans lítur út fyrir að vera heimsk krakkhóra.
\\
Blogg hafa verið fátíð sökum anna.

:: Atli 18:39 [+] :: ::
...

Hlemmur
Sigur Rós
Krúnk\\2003
Hlemmur er nýjasta afurð drengjanna knáu í Sigur Rós. Tónlistin sem finna má á plötunni er skor fyrir heimildarmyndina Hlemmur eftir Ólaf Sveinsson. Platan er einungis til í 5000 eintökum, en hún hefur m.a. verið seld á tónleikum. Ég fékk hana þó í 12 tónum. Henni er einkar smekklega pakkað inn, framan og aftan á má sjá skiptimiða, og innan í má sjá helstu karaktera myndarinnar ásamt lagalista, en hann er settur upp einsog tímatafla strætisvagnanna. Platan er 19 lög, en þó aðeins 40 mín.
Hlemmur er ambient plata. Um það er ekki hægt að deila. Langstærstur hluti tónsmíðanna eru hljóð sem er drekkt í endurómi og taktar eru sjaldheyrðir. Áberandi hljóð eru píanó spilað afturábak og rödd Jónsa keyrði í gegnum hljóðsarp (sampler). Á köflum minnir platan óþægilega mikið á verk Brians Eno, t.d. plötu hans Music for Airports frá 1978. Einnig minnir upphafslag plötunnar, Jósep tekur fimmuna í vinnuna, ansi mikið á múm. Ekki nóg með það, þá finnst mér margt minna á tónlistina úr tölvuleiknum Myst. Platan hljómar semsagt ekkert sérstaklega mikið einsog Sigur Rós. En það kemur ekki að sök. Lögin eru almennt stutt, og það getur farið í taugarnar á manni, því þegar þú heldur að hlutirnir séu að fara að rúlla er laginu lokið. Einnig eru ákveðin stef endurtekin víðsvegar um plötuna, sbr. fyrrnefnt upphafslag. Hlemmur er ágæt plata, góð til að slappa af, góð til að hugsa málin. Hún er hinsvegar ekki frumleg. Allt sem heyra má hér hefur verið gert áður, og stundum betur. En þrátt fyrir það stendur maður nokkur sáttur upp að hlustun aflokinni.
7/10

:: Atli 18:27 [+] :: ::
...

Ég eyddi gærdeginum í að sleikja sólina. Ég veit fátt eða ekkert betra en einmitt það. Fór svo í sund. Þegar kvölda tók fórum ég, Leó og Sóley á flakk um bæinn, m.a. í Samlokur og ís. Síðan biðum við eftir gosi í Öskjuhlíð, en það varð ekkert úr því. Við enduðum sofandi heima hjá mér með The Big Lebowski í tækinu. Ég fullyrði að...
...The Big Lebowski sé ein besta mynd í heimi
...Requiem for a Dream sé ein besta mynd í heimi
...Mulholland Drive sé ein besta mynd í heimi
...Magnolia sé ein besta mynd í heimi
Þar höfum við það.
\\
Í dag hef ég ekkert gert. Ég er búinn að hanga, buxnalaus, yfir tölvunni, píanóinu og gítarnum. Er að vinna í útsetningu af Heims um ból sem fer á jólaplötuna sem ég er að vinna að og verður vonandi gefin út af Morr. Það væri nú ekki amalegt ef ég og Isan og Ms. John Soda værum labelmates.
\\
Ég sótti einkunnir áðan. Þær voru eitthvað á þessa leið:
eðl103: 9\\efn103: 10\\ens483: 9\\fél303: 8\\ísl403: 9\\lík401: 7\\spæ203: 9\\stæ503: 8\\sks100: 8.
Þetta gera 8.77 í meðaleinkunn ef miðað er við einingafjölda. Ég er ekki frá því að þetta sé mín besta önn hingað til, og ég er vitaskuld mjög ánægður með það. Sérstaklega er efnafræðin að virka vel, þar sem ég fékk t.d. 6.2 á kaflaprófi; og einnig stærðfræðin, en þar voru kaflapróf að skila u.þ.b. 4.5. Þetta sannar að iðni seinustu daga fyrir próf skilar sér, og vinna inná önninni er ofmetin.
\\
Nú styttist óðum í stofnfund drykkjuklúbbsins. Ég ætla að hafa samband við meðlimina í kvöld og reyna að finna staðsetningu á fundinn, en svo virðist sem að hann geti ekki verið heima hjá mér. Við höfum tekið þá ákvörðun að fyrsti fundurinn verði gestalaus, svo við getum þróað með okkar sérstaka siði og jafnvel einkahúmor. Þannig verðum þannig alltaf einu skrefi framar heldur en gestirnir okkar.

:: Atli 16:35 [+] :: ::
...

Undarlegt, ég taldi að eftir prófin myndi bloggtíðnin aukast, en hún hefur þvert á móti lækkað. Ég hef nú unnið tvær vaktir í Bónusvídeó á Grensásvegi. Það verður að teljast óeftirsóknarvert starf. Maður stendur í sex klukkustundir og blandar nammi í poka og leigir fólki myndir sem maður vildi helst ekki að það sæji. Mér er skapi næst að setja alltaf einhverjar allt aðrar myndir í hulstrin, sérstaklega þegar það er búið að spyrja 500 sinnum um Sweet Home Alabama á sama kvöldinu. En svona er þetta, iðnaðurinn virðist ætla að herða tökin á listinni enn frekar og við munum enda með einhverskonar maðka í augunum.
Annars er alveg ótrúlegt hversu mikil áhrif Hollywood hefur haft á saklaust, lítið samfélag einsog á Íslandi. Við miðum líf okkar við líf karaktera í kvikmyndum. Allar okkar hugmyndir um ást t.d. eiga rætur sínar að rekja til Hollywood. Sumir vilja meiraðsegja ganga svo langt að segja að ást sé tilbúið fyrirbrigði, eitthvað sem pródúsantar vestra hafi skapað. Ég veit nú ekki með það, en það er víst að allur umbúnaður um ást er komin frá Hollywood. Tökum sem dæmi brúðkaup. Ekkert sérstaklega gott dæmi, en samt: Fyrir tuttugu árum kysstust brúðhjónin ekkert frammi fyrir altarinu. Það var ekkert stráð yfir þau hrísgrjónum. Það var ekkert drasl bundið aftan í bílana þeirra. Þetta eru kjánalegir siðir sem eiga ekkert skylt við samfélag okkar. Ég vil að þeim linni, og það strax. En þetta nær lengra, þetta snertir tilfinningar okkar. Við gerum okkur öll í hugarlund að einhverntímann munum við hlaupa um í snjónum undir stjörnubjörtum himni, kasta snjóboltum í hvort annað, hlæja og veltast um í snjónum, búa til snjókarl og kyssast að endingu; án nokkurrar truflunar. Ég geri ráð fyrir að um 5% para upplifi nákvæmlega þessa stemmningu. Einu sinni.
Þetta er ekki ritað af biturð, enda er ég í mjög hamingjusömu sambandi, en mér finnst sorglegt að til sé fólk sem telji jafnvel að þeirra líf sé gallað, ófullkomið, vegna þess að það upplifir ekki senur úr bíómyndum. Þetta fólk er til, og í meira upplagi en þið haldið.

:: Atli 00:28 [+] :: ::
...

Í gærkvöldi hélt ég upp á afmælið mitt innan gæsalappa. Ég átti náttla afmæli fyrir tveimur vikum síðan, en prófum var lokið og ég ákvað að halda partí af því tilefni. Það var þó ákveðið með nokkuð skömmum fyrirvara, svo mér gafst ekki tími til að bjóða öllum sem ég hefði viljað, en mörgum þó.
Upp úr kl. 19 grilluðum við sex saman og áttum góða stund í borðstofunni með Belle & Sebastian í bakgrunni. Afbragðs góð stemmning og einkar gott marshmallow salat sem móðir mín hafði útbúið handa okkur. Nokkru síðar fór að bætast í hópinn og þetta gat farið að kallast partí um kl. 22; húsið hafði smám saman fyllst af háum og lágum, sem allir eiga það þó sameiginlegt að vera góðir á því. Svo var drukkið og spjallað og dansað og þeir seinustu fóru svona um hálffjögur. Ég fékk nokkrar afmælisgjafir, þar ber kannski einna helst að nefna eintak af Bleiku og bláu, en forsíðustúlkan er gamall skólafélagi minn. Reyndar átti ég minn fyrsta raunverulega koss (með tungu og öllu sjittinu) með henni. Hún er ekki í neinum fötum innan í blaðinu. Það er ágætt, gott að vita að hún er að gera eitthvað sem henni finnst skemmtilegt. Ég skemmti mér konunglega í gærkvöldi og tel að ég hafi ekki verið einn um það. Ég vorkenni þó Kristínu, en hún fór ælandi heim og hefur víst verið iðin við gubbið síðan. Þakkir fá foreldrar mínir sem voru einkar þolinmóðir og góðviljugir meðan á veisluhöldum stóð.
\\
Ég er að fara á eftir að vinna mína fyrstu vakt í Bónusvídeó á Grensásvegi. Það var hringt í mig í morgun og mér tilkynnt að einn starfsmaðurinn væri hættur og að þeim hefði litist svona þrusuvel á mig og að ég gæti komið í kvöld og unnið. Ég sló ekki höndinni við því og vona að úr þessu verði nokkrir fjármunir.

:: Atli 15:18 [+] :: ::
...

Já og hey; þetta er geðveikasti vefleikur sem ég hef spilað. Ég er venjulega ekkert svo heitur fyrir svona leikjum (að undanskildum Slime Volleyball), en þessi er fokking rosalegur.

:: Atli 01:16 [+] :: ::
...

Jæja, þá eru prófin búin. Ekkert mikið sem maður gerði til að fagna því svosem, ég fór bara að leita mér að vinnu. Fyrst tók ég reyndar til í herberginu mínu, en það var að drukkna í heildunardæmum o.fl. sambærilegu. Ræktunarstöð Reykjavíkurborgar sagðist vera búin að ráða í allt og engar fortölur dugðu, þá tók ég stefnuna á Austurver, lítið að fá þar; en Pizza 67 gæjinn virtist samt alveg ánægður með mig. Grensásvegurinn var aðeins betri, ég held ég eigi sjens í 11-11 og Grensásvídeó. Hugsanlega BK-Kjúkling.
Um fimmleytið mætti ég til Ásgeirs, en hann var ásamt fríðu föruneyti í fótbolta í sumarsólinni undir áhrifum áfengis. Við fórum heim til hans, settumst út í sólina og ég svolgraði einum Stella Artois í mig (af því að Julian Casablancas drekkur svoleiðis) áður en ég hélt út að borða með fjölskyldunni, þar eð bróðir minn stóð fyrir miklu og löngu og ströngu matarpartíi hér heima. Spilaði svo á tónleikum niðri í FÍH kl. 20 og restin af kvöldinu fór í hangs með Svölu, Bryndísi og Leó. Rólegt bara. Enda er maður hálfþreyttur eftir stærðfræðilærdóm til hálffjögur í fyrrinótt. Hugsa að ég skelli múm eða Isan eða sambærilegu á fóninn og svífi inni í draumalandið. Annars langar mig í Hlemmur sándtrakkið.

:: Atli 01:15 [+] :: ::
...

Það virðist vera komið í tísku að banna fólki að alhæfa, eða allavega vera á móti alhæfingum. Ég segi: Allir sem eru á móti alhæfingum eru nefapar. „En; hey! þú getur ekki bara sagt að allir sem séu á móti alhæfingum séu nefapar, ég meina hey! þekkir þú alla sem eru á móti alhæfingum eða hvað?, ég er viss um að það er einhver einn þarna úti sem er ekki nefapi...“ Oj. Ógeðslegt að fólk geta eytt tíma sínum í að gagnrýna fólk sem kemur með alhæfingar. Hversu trúanlegur er maður ef maður er að berjast fyrir sjálfstæði þjóðarinnar og segir: „Þessir helvítis Danir eru að draga úr okkur lífið með ormétnu mjöli. Ókei, ég meina ég þekki einn fínan gaur sem býr í Nyhavn og einn vinur hans er líka allt í lagi; en samt, Danir eru að murka úr okkur lífið...“ Þetta getur náttla ekki gengið og því alhæfi ég og dreg ekkert undan mínu mati og minni skoðun: Allir sem kjósa sjálfstæðisflokkinn eiga við einhverskonar hegðunarvandamál að stríða, það hlýtur að vera sía á hugsunum þeirra sem skilur allt góða stöffið eftir, þeir eru viðbjóðslegir.

:: Atli 23:23 [+] :: ::
...

Ég fór í stjórnmálafræðipróf í dag (FÉL303), það gekk sæmilega, verst samt hingað til. Það má rekja til tveggja atriða. 1) Ég sat ekki áfangann, heldur tók hann í P; en lærði aldrei heima, og las aldrei bókina. Reyndar eignaðist ég aldrei bókina. 2) Ég eyddi um það bil 3 klst. í að lesa undir prófið, ég las í einhverju handriti að bókinni sem er kennd; sem er víst orðið frekar úrelt. Ég gerði engar tilraunir til að ná mér í ljósrit sem kennarinn hafði útdeilt á önninni. Ég spái 7 á prófinu, 8 í áfanganum. Hins vegar hitti ég á leið minni út efnafræðikennarann Einar Óskarsson, hann tók í höndina á mér og tikynnti mér að ég hefði fengið tíu. Það fannst mér skemmtilegt.
\\
Mér ber skylda til að uppfræða lesendur Keipdúnksins um að ég er ekki með neina vinnu í júní. Reykjavíkurborg gat ekki útvegað mér vinnu, og ég tek hverju sem mér býðst. Vinsamlegast hafið augu og eyru opin. Ég þarf nauðsynlega á vinnu að halda hérna í júní, svo ég hafi svona öryggisnet úti í Danmörku. Hundraðþúsund kall áður en ég færi út væri ekkert til að drepa mann.
\\
Mér finnst ánægjulegt að vita til þess að ungir Hafnfirðingar leggi á sig langar og strangar strætóferðir til Reykjavíkur til þess eins að fá sér Nonnabita.
\\
Að lokum mæli ég með . Þetta er eitthvað Eminem/Saddam Hussein parody. Svona frekar fáránlegt, en það má brosa að þessu.

:: Atli 20:15 [+] :: ::
...

Ég mæli með þessu. Þetta er frekar hreinskilningslegur gagnagrunnur yfir MHinga sem Jakob Ómarsson heldur úti. Hann er reyndar bara kominn upp í D, en þarna er fullt af skemmtilegum pælingum. Svona dundar fólk sér við ýmislegt í prófum.
\\
Ég biðst annars afsökunar á bloggleysi, en virðist ekki einn um það. Ástæðan er stærðfræði 503 próf núna á fimmtudaginn, sem og gott veður. Í sumar má t.d. ganga út frá því að ef að það var vont veður þá hafi ég bloggað, en ef það var gott þá hafi ég ekki gert það. Ég elska gott veður. Ég skammast mín ekki fyrir að segja ykkur frá því að það fegursta sem ég veit er björt, íslensk júnínótt. Ég verð allur eitthvað svo melankólískur svona á vorin/snemmsumars. Stundum finnst mér einsog fegurð sólarlagsins sé óyfirstíganleg, og „ég mun aldrei lifa annað eins augnablik“ og ég reyni einhvernveginn að gleypa allt í mig. Og yfir mig hellast svona hugsanir einsog „hvað er hamingja?“. Svo dreymir mig um endalaus sumur á Norður-Spáni/Suður-Frakklandi, þar sem ég bý í stóru húsi við strönd Miðjarðarhafsins og hlýr vindur feykir svona hvítum léreftsgardínum frá svalahurðinni. Húsið er tómt. Á borðinu liggur hálfskrifuð bók. Ef þú lítur út um svalahurðina, sérðu fótspor í hvítum sandinum. Út við blágrænan sjóinn stend ég og horfi út á hafið. Í huga mínum er mjög skýr mynd af þessu öllu.
\\
Annars sit ég bara í stofunni og les aðeins í stjórnmálafræði. Um leið skammast ég mín fyrir þjóð sem kaus yfir sig íhaldsflokk. Allir þessir helvítis sjálfstæðismenn eru massívt heimskir. Að þeim finnist í alvörunni bara vænt um sjálfa sig. Að þeir finni ekki til samkenndar. „Fólki vill bara líða vel“, segja þeir og eiga við sjálfa sig. Hvað um hina, má þeim ekki líða vel? Þeim finnst eignarréturinn í alvörunni það mikilvægasta af öllu. Hvílík fásinna.

:: Atli 10:31 [+] :: ::
...

Einhverra hluta vegna get ég ekki skoðað mitt eigið blogg, en ég held að allir aðrir geti það. Skrítið mál.

:: Atli 20:59 [+] :: ::
...

Ég skemmti mér nokkuð vel í gærkvöldi. Ég, Orri, Kári, Leó og Svala fórum í bæinn með það að markmiði að finna eins mikinn frían bjór í boði stjórnmálaflokkanna og við gætum. Það lukkaðist ágætlega. Við hófum leikinn í Ingólfsstræiti hjá Vinstri-Grænum, en þeir voru að selja hann á 300,- stk. Við ákváðum að bíða með þá og kíkja til íhaldsins, en þeir voru að gefa bjór á Hverfisbarnum. Hersingin hélt þangað eftir misheppnaða tilraun til inngöngu hjá Framsóknarflokknum (rotnið í helvíti). Það var skoplegt að litast um inni á Hverfisbarnum, en ég tel að aðeins um helmingur viðstaddra hafi í raun verið stuðningsmenn D-lista; restin vildi bara bjór, einsog við. Við fengum okkur tvo á mann og settumst upp. Þar sátum við í góðu yfirlæti, ræddum þjóðmálin og Leó tók listrænar myndir. Ég sá m.a. Bent Harðarson, bróðir Brynjars Harðarsonar, fyrrum yfirmanns míns; en þeir eru einmitt óþægilega líkir í útliti. Geir Haarde var líka mættur, virtist nokkuð drukkinn, og ógeðið hún Jóna Sólveig líka. Ég drakk þrjá bjóra og svo stungum við af til Samfylkingarinnar á Felix (áður Sport Café). Ferðin tók þó nokkurn tíma sökum rifrilda við dyraverði Framsóknarmanna og samtala við fólk sem við hittum á leiðinni. Komumst þó á leiðarenda, og þurftum að tala okkur inn, því við vorum skilríkjalaus. Leiðir höfðu þó skilist og Kári og Leó farið til Vinstri-Grænna. Við, restin, hittum hina og þessa MH-inga inni á Felix, og enduðum á að setjast niður með Ölmu og Helgu Huld. Þar sátum við nokkra stund, drukkum meiri bjór, en ákváðum svo að fara og hitta Kára og Leó. Við þurftum ekki að fara langt því þeir voru beint fyrir utan Felix, víst búið að loka hjá V-G. Við héngum þarna fyrir utan í nokkurn tíma og drukkum meiri bjór og hittum fleiri hressa MH-inga. Kári og Orri fengu far heim með Pálmari rétt fyrir eitt, en ég og Leó vorum til í meira djamm. Héldum ásamt fríðu föruneyti MH-inga á Kaffi kúltúr, en þann stað hef ég ekki séð áður. Stórskemmtilegur þó, svona internasjónal yfirbragð, bæði á staðnum sjálfum og fólkinu, enda er það markmiðið. Þar héldum við okkur í einnoghálfan tíma, fylgdumst með trylltum útlendingum stíga villtan dans og spjölluðum um heima og geima, einhverra hluta vegna að stórum hluta á karlaklósettinu. Já, og við drukkum. Um hálfþrjú héldum við þó öll í átt að bílnum hans Péturs Eggertssonar. Ég var næstum því búinn að æla á leiðinni, en sleppti því og meig á eitthvað hús í staðinn. Hah. Bílferðin heim var stórskemmtileg, enda New-York sveitin Yeah Yeah Yeahs í botni.
Ég var frekar þunnur þegar ég vaknaði í morgun. Ég fékk mér beikon og spælt egg, og hélt svo út í sólskinið. En ég var með svo massívan höfuðverk og ónot í maganum, að ég meikaði ekki sólina og hitann, fékk mér parasetamól og lagðist inn í rúm. Og bara lá hreyfingarlaus. Fór svo í sturtu og kaus og er allur miklu hressari. Ég er ekkert búinn að læra í dag, þó svo að ég sé gjörsamlega lost í STÆ503.
Varðandi kosningar, þá kaus ég ekki Sjálfstæðisflokkinn því að...
...ég er ekki viðbjóðslegur og gráðugur kapítalisti
...ég er ekki ánægður með bandarísk áhrif á Íslandi
...ég er ekki ánægður með það að auðurinn færist á færri manna hendur
Ég kaus ekki Framsóknarflokkinn því að...
...ég er ekki bóndi yfir sextugu
...ég er ekki Lalli Johns
...ég er ekki með kindaælu í staðinn fyrir heila
Ég kaus ekki Frjáslynda flokkinn því að...
...ég hef áhuga á fleiru en sjávarútvegi
...gæjinn í Silfri Egils var einfaldlega of heimskur
...ég er ekki hægri maður
Ég kaus ekki Nýtt afl því...
...ég veit ekkert um þá
Ég ætla hinsvegar ekki að gefa upp hvort ég kaus Vinstri-Græna eða Samfylkinguna, þá vitneskju mun ég taka með mér í gröfina. Báðir flokkar hafa sína kosti og galla, og þá vóg ég og mat; þetta orsakaði m.a. mikið stress og erfiðleika með svefn. Djöfull á ég líka eftir að vera stressaður í kvöld. Varðandi kvöldið, þá held ég að ég fylgist með kosningavökunni, vonandi í góðra vina hópi.
\\
Ég fullyrði...
...að platan Is This It með The Strokes sé besta breiðskífa allra tíma
...að lagið Ventolin (Cylob mix) með Aphex Twin sé eitt besta lag raftónlistargsögunnar
...að frjálshyggjustefnan sé það heimskulegasta sem mannshugurinn hefur getið af sér

Ræðið fullyrðingarnar hér að ofan í bekknum og fáið sessunaut ykkar til að tjá sig um þær.

:: Atli 17:18 [+] :: ::
...

„Fokk off and dæ“, sagði ég við íslensku prófið um leið og ég rúllaði því upp og skipaði því að éta sjálft sig. Já ég myndi segja að mér hefði gengið vel í ÍSL403, og spái níu. Eðlisfræðin bíður mín í dag, ásamt píanótíma og fundi niðri í Vífilfelli. En ég er alveg með hana nokkurnveginn á tæru svo ég er ekkert að stressa mig.
\\
Niðurstöður könnunarinnar (afsökunarbeiðni til þeirra sem misbauð bold/italic/underlined/caps 'ríðingarnar') eru strax farnar að koma mér á óvart. Ég hvet fólk til að kjósa.
\\
Ég er að deyja úr stressi yfir því hvað ég á að kjósa. Ég gat næstum því ekki sofnað í gærkvöldi, því ég er ekki með á hreinu hvað verður fyrir valinu, þó valið standi í raun bara milli tveggja flokka. Ég fylgdist einmitt með Silfri Egils í gærkvöldi, en það finnst mér stórskemmtilegur þáttur. Þar sá ég einnig heimskasta stjórnmálamann sem ég hefi séð, en það var einhver sköllóttur, lítill og mjór og voðalega vesæll frjálslyndur, sem eyddi helmingnum af tíma sínum í að segja „leyfðu mér að tala“, „ég leyfði þér að tala áðan“ og „ekki grípa fram í fyrir mér“, en þegar hann fékk svo loks að tala sagði hann bara eitthvað rugl, og notaði oftar en einusinni hrokafulla brandara á borð við „jájá...gott að þú heldur það...“ og „jájá...einmitt, kallinn...“. Þessi gaur var algjörlega fáránlegur. Ég man ekki hvað hann heitir, hugsanlega Björn, án þess þó að vera viss. Ég ætla ekki að kjósa frjálslynda.

:: Atli 14:59 [+] :: ::
...

Ég játa það. Ég elska skoðanankannanir í skólablöðum. Ég elska að kynnast fjöldanum. Mér finnst unaðslegt að vita hversu hátt hlutfall svaf hjá þegar það var 13 ára. Mér finnst stórkostlegt að sjá að einn og einn gaur á stangli hefur prófað heróín. Gaman að sjá að 1998 áttu 20% gemsa, en 90% 2002. Frábært að vita til þess að 50% eiga fráskilda foreldra o.s.frv. o.s.frv....og í tilefni að því verður sett upp kynlífskönnun hérna vinstra megin. Þá fáum við að sjá hvernig er með RÍÐINGARNAR hjá lesendum keipdúnksins, eða þ.e.a.s. hvenær þær áttu sér stað í fyrsta sinni. Þetta er nafnlaust og IP-tölu laust, svo þið þurfið engar áhyggjur að hafa beibís.
(Þess má einnig geta að niðustöður fyrri könnunar komu ekkert sérstaklega á óvart; 51% aðspurðra ætla að drekka bjór í S-Evrópu í framtíðinni og 25% ætla að finna upp tímavél. 11% ætla að byggja hús, 7% hanga á skrifstofu frá 9-17 og 6% ætla að halda sig á Netinu. En ef ég gerist svo kræfur að spá fyrir um hvernig þetta fer raunverulega, þá munu 75% vera á skrifstofunni frá 9-17, 15% byggja hús, 8% hanga á Netinu, 2% drekka bjór í suðri og 0% finna upp tímavél. 117 atkvæði voru greidd. Skemmtilegir þessir draumórar...)

:: Atli 13:23 [+] :: ::
...

Ég hef legið yfir efnafræðinni í dag. Það hefur gengið mjög vel og geri ég fastlega ráð fyrir áttu, ef örlögin svíkja mig ekki. Það sem einkennir próflestur hjá mér er ávallt súkkulaði og te. Ef ég er að borða súkkulaði og drekka te eru 90% líkur á því að ég sé að læra undir próf. T.a.m. eru á skrifborðinu inni hjá mér diskur með botni úr páskaeggi, tómt mjólkurglas, tómur tebolli, tóm skál sem innihélt áður ávexti + súkkulaði + rjóma. Svo er mamma líka búin að vera góð við mig og færa mér reglulega skál með svona súkkulaðihúðuðum hnetum og jógúrthúðuðum og þurrkuðum bönunum og salthnetum, vitiði hvað ég meina? Svo var ég í sundi áðan, og viti menn! ég setti eigið þyngdarmet. Ég var 61,80 kg en ég hef aldrei mælst jafn þungur. Er ég að fitna? Hvað segið þið? Mér skilst að mikill grillmatur + mikill bjór + mikill Dr. Pepper + mikið snakk + lítil hreyfing sé samasem stór bumba...svo ekki sé nú talað um ferðalög til Danaríkis í fleiri mánuði og bjórinn sem því fylgir. Það er vel hugsanlegt að ég verði nýr og feitari maður í haust.
\\
Jökull Sólberg er sannkallaður öðlingur. Hann hreinsaði upp html-skjalið sem plötusafnið mitt var í, svo það hefur nú minnkað úr 500 kB í tæp 50. Þannig geta mótaldsnotendur glaðst, því nú á að vera lítið mál að sjá hversu mikill smekksmaður ég er. Ég vil skora á fólk að ræða óheflað um plötusafnið, gagnrýna það og hrósa og gefa einkunn, gjarnan á bilinu einn til tíu.
\\
Mikil stemmning ríkir fyrir fyrsta fund drykkjuklúbbsins sem ber vinnuheitið Heiðrún (en ég vil þó kalla Syni Skallagríms í bili), menn geta vart haldið í sér af spenningi, sbr. þessi gaur.

:: Atli 23:54 [+] :: ::
...

SPÆ203 í morgun, pottþéttur með áttu; níu með oggulítilli heppni. Svo er það bara efnafræðin á miðvikudaginn, djöfsi.
\\
Maður finnur alveg að bloggheimar eru í lægð, fátíðari og styttri blogg, allir í prófum. Sé fram á betri tíma að tveimur vikum loknum.

:: Atli 15:00 [+] :: ::
...

Á því leikur ekki nokkur vafi að Dr. Pepper er langbesti gosdrykkur alheims.
\\
Doktor Sindri er með lausnina á því hvernig á að kjósa á laugardaginn:

Svo niðurstaðan er: ég myndi mæta á kjörstað og skíta á kjörseðilinn og setja hann svo oní kassann. Spurning hvort er hægt að gera það í gegnum netið...

Annars hefur það bara verið spænska í dag. Es muy facíl, eða svona. Ég er búinn að uppgötva að það getur verið helvíti gott að standa sig vel í kaflaprófum og verkefnaskilum, þá þarf maður oft ekkert svo háar einkunnir á lokaprófi til að fá jafnvel 9 í áfanganum. Hefði kannski átti að pæla í því fyrr...

:: Atli 15:38 [+] :: ::
...

Andri Ólafsson hefur framið blogg. Það er sérstaklega eftirtektarvert fyrir vel skrifaðan og hnitmiðaðan texta, og ekki má gleyma glæsilegu útliti síðunnar.

:: Atli 21:07 [+] :: ::
...

Úff.
\\
Þess gleymdist að geta hér að strákarnir (Orri, Kári, Leó) gáfu mér bókina The Complete Lynch í tilefni gærdagsins.
\\
Á maður að fara á fyllerí í kvöld fyrst það býðst svona nokkurnveginn? Eða bara taka Usual Suspects á þetta?
\\
SUMMA
OG STUTT FRÁSÖGN
út af þeim hræðilegu plágum og píslum, sem yfir mig,
JÓN MAGNÚSSON,
[...]gengnar eru af trölldómi og djöfulgangi.
Þetta er inngangurinn að Píslarsögu Jóns Magnússonar, en hún er einmitt til prófs í ÍSL403. Mér finnst þessi inngangur mjög fyndinn, og hef því ákveðið að deila honum með ykkur.

:: Atli 20:58 [+] :: ::
...

Ágúst Þór Ragnarsson (0905794369), Alma Joensen (2006843469), Anna Dröfn Ágústsdóttir (2903852619), Anna Pála Sverrisdóttir (1909835449), Ásta Steinunn Thoroddsen (2404535259), Atli Kristófer Pétursson (1007852189), Baldur Helgason (2202843289), Bolli Héðinsson (0502543809), Bryndís Björgvinsdóttir (2403823269), Brynhildur Bolladóttir (1201893529), Dagbjartur G. Einarsson (2404852149), Dagbjört Hákonardóttir (1407842499), Elfa Hrund Þórðardóttir (1909853859), Erla Dóra Gísladóttir (1807853029), Guðjón Heiðar Valgarðsson (2804853149) Guðríður Steingrímsdóttir (1307842249), Hildigunnur Einarsdóttir (2601833119), Hrafnkell Stefánsson (1502842369), Högni Egilsson (0310852179), Ingvar Örn Ákason (1904843199), Ingveldur B. Thoroddsen (3110242999), Jakob Ómarsson (0205852189), Jökull Sólberg Auðunsson (1803862709), Jón Pétur Guðmundsson (0404842569), Jónína Ágústsdóttir (3005483509), Kári Hólmar Ragnarsson (2602842319), Katrín Björgvinsdóttir (0106862299), Kristín Steingrímsdóttir (1307842409), Leó Stefánsson (0507848199), Mulnings (2810823459), Nína Margrét Rolfsdóttir (1806833809), Oddur Ástráðsson (0712842989), Orri Jökulsson (1107848059), Sandra Ósk Snæbjörnsdóttir (2912832259), Signý Björg Guðlaugsdóttir (1307842839), Sigrún Tinna Sveinsdóttir (2702872209), Sigurður Tómas Guðmundsson (1910824199), Sóley Valgeirsdóttir (1704843209), Stígur Helgason (0911842739), Sturla Bragason (1709864319), Svala Ragnarsdóttir (1310842429), Sverrir Bollason (3001802999), Ugla Jóhanna Egilsdóttir (0902862429), Valgerður Árnadóttir (3003848039) og Valgerður Sigmarsdóttir (1209473389) óskuðu mér til hamingju með afmælið í gær. Ef nafnið þitt er ekki á þessum lista, þá ert þú í vondum málum.
Svona fer þegar maður er til í að gera hvaðsemer annað en að læra undir próf. Þá gerir maður kjánalega hluti einsog að leita að kennitölum. Það var samt einn aðili í viðbót sem sendi mér mynd í SMSi, en ég klúðraði því eitthvað og veit ekki hver það var. Fyrirgefðu.
Annars einn rólegasti afmælisdagur í minningunni, sennilega sökum prófanna. Ég keyrði Svölu mína og Bryndísi á djamm á Dillon, en fór sjálfur heim til Tvíbura. Þar var rólegur stemmari, svokallaður prófstemmari. Hringdi m.a. í partí sem hafði verið auglýst á nfmh.is. Það leit út fyrir að vera villtara á vefnum.

:: Atli 11:49 [+] :: ::
...

Ég og mexíkóskur matur höfum lengi átt í undarlega stormasömu en unaðslega lostafullu sambandi. Svo virðist sem magi minn sé botnlaus þegar kemur að mexíkóskri mötun. Fyrr í kvöld át ég 11 takó-skeljar. Ellefu. Og ég hætti bara af því að allt hakkið var búið, allur sýrði rjóminn var búinn, tvær tegundir af salsa-sósu voru búnar, allar jalapeño-sneiðarnar voru búnar, ostasósan var búin og mamma var búin að tvískera handa mér kál. Ég hefði örugglega torgað allavega 3, 4 í viðbót. Og þetta er ekkert einsdæmi, oftar en einusinni hef ég hætt að borða mexíkóskan mat vegna þess að ég nennti einfaldlega ekki að eyða meiri tíma í verknaðinn. Oftast klárast samt hakkið. Ég skil þetta ekki. Ef ég væri Mexíkani væri ég fokking feitur.

:: Atli 00:02 [+] :: ::
...

Í morgun vaknaði ég kortéri fyrir tíu. Ég sperrti eyrun og heyrði í börnunum í Snælandsskóla njóta æskunnar. Ég gægðist milli rimla og sá að sólin skein í heiði. Ég ákvað að fara fram úr, en því er ég ekki vanur svo árla morguns. Ég fékk mér morgunmat, beyglu með smjöri og osti, las morgunblöðin tvö, og hóf að glugga í Bók af bók. Stuttu síðar kom hún Svala mín færandi hendi, með bleika rós og rauðan pakka. Pakkinn innihélt 26 Mixes for Cash með Aphex Twin og kvikmyndina 2001: A Space Oddissey eftir Stanley Kubrick. Það var ég hæstánægður með, enda hefur mig langað í diskinn allt frá útgáfu hans í síðastliðnum mars. Síðan héngum við saman langt fram á dag. Svala fær 13/10 í einkunn.
\\
Að umtalsefni verður nú gert blogg Verzlingins Björns Braga, en það er í nokkru uppáhaldi hjá mér. Hreinræktað frétta-blogg, þ.e. hann tekur félaga sína fyrir, einn af öðrum, og segir nákvæmlega frá því hvað þeir séu að gera. Hann segir frá á raunsæjan og óvæginn hátt, en umfram allt er þetta á tíðum stórfyndið einsog sjá má á eftirfarandi dæmum:

Ég og Jón Ragnar (17) vorum að stofna nýtt félag sem heitir TÍS. Þið getið lesið allt um það á síðunni hans Jóns sem þykir einmitt mjög flott. Hún er þó ekki hálft eins flott og limur Jóns en hann þykir með stærra og fegurra móti og er Hafdís litla (16) lukkunnar pamfíll að fá að njóta góðs af honum.
::
Pétur (18) og Lana (16) sváfu saman í fyrsta skipti í gær og höfðu bæði gaman að. Pétur var klæddur í smokk frá durex fyrirtækinu en Lana var nakinn. Getnaðurinn átti sér stað að heimili Lönu í Hafnarfirði. Að sögn heimildamanna eru þau að fara að opinbera samband sitt á allra næstu dögum. Þetta mun vera 6 hjásvæfill Lönu á árinu.

Svo velur hann alltaf mann færslunnar í lokin. Ég hef frekar gaman að þessu annars kjánalega bloggi.
\\
Átti í gær í MSN-samtali við hinn ágæta Einar Örn Gíslason, MRing með meiru, og þar lýsti hann þeirri skoðun sinni að ekkert væri varið í blogg nema að þau fjölluðu um virkjanamál eða síðasta fyllerí. Það er nokkuð til í þessu. En þar sem nú standa yfir próf verður nokkur hörgull á fylleríum næstu vikur og bið ég því blogg-lesendur að halda ró sinni fram til 15. maí.

:: Atli 18:17 [+] :: ::
...

Ég er loks búinn að finna almennilegt komment-kerfi og gera virkt, svo nú getið þið tjáð ykkur um stakar færslur. Hljómar það ekki spennandi?
\\
Annars má þess geta (fyrst það er komið fram yfir miðnætti) að ég á afmæli í dag. Ég er 18 ára. Ég er að hugsa um að fara og taka allt sem ég á útaf bankareikningum; selja skuldabréfin mín og flytja út. Og kaupa mér sígarettur. Je.
Annars verð ég ábyggilega bara heima að lesa undir próf. Ef einhver vill óska mér til hamingju má hann:
a) Heimsækja mig
b) Hringja í mig
c) Senda mér SMS-skeyti
d) Senda mér tölvupóst
e) Gera það á Gergisýkinni
f) Gera það í nýja, sniðuga kóment-kerfinu
g) Senda mér skilaboð á nfmh.is
h) Gera það á einhvern annan hátt
\\
Ég er þreyttur. Held ég tékki á rúminu mínu.

:: Atli 02:06 [+] :: ::
...