:: keipdúnkur atla bollasonar ::

:: velkomin :: bollason[hja]gmail.com :: plotusafn (gamalt) ::
[::..tenglar..::]
:: bolladóttir [>]
:: brissó [>]
:: tobbi túkall [>]
:: pjotr-beikon [>]
:: oddur [>]
:: halastjarnan erla [>]
:: steini teague [>]
:: kalli (aka sverrir) [>]
:: bragi málefnalegi [>]
:: heklurnar [>]
:: sandra sello [>]
:: dagga [>]
:: orri tomasson [>]
:: atli vidar [>]
:: doddeh [>]
:: doktor sindri [>]
:: daily photo [>]
:: ragga sturlada [>]
:: baldur.april.is [>]
:: alma [>]
:: stígur lýgur [>]
:: krummi [>]
:: heilagur hrafn [>]
:: dagar puka [>]
:: the big jko [>]
:: sólveig helgabarn [>]
:: kpt. kata litla [>]
:: sólberg [>]
:: steindór [>]
:: kommóðan [>]
:: biggi [>]
:: frikki [>]
:: herra garðar [>]
:: steinþór helgi [>]
[::..gamalt..::]
12/01/2002 - 01/01/2003 01/01/2003 - 02/01/2003 03/01/2003 - 04/01/2003 04/01/2003 - 05/01/2003 05/01/2003 - 06/01/2003 06/01/2003 - 07/01/2003 07/01/2003 - 08/01/2003 08/01/2003 - 09/01/2003 09/01/2003 - 10/01/2003 10/01/2003 - 11/01/2003 11/01/2003 - 12/01/2003 12/01/2003 - 01/01/2004 01/01/2004 - 02/01/2004 02/01/2004 - 03/01/2004 03/01/2004 - 04/01/2004 04/01/2004 - 05/01/2004 05/01/2004 - 06/01/2004 06/01/2004 - 07/01/2004 07/01/2004 - 08/01/2004 08/01/2004 - 09/01/2004 09/01/2004 - 10/01/2004 10/01/2004 - 11/01/2004 11/01/2004 - 12/01/2004 12/01/2004 - 01/01/2005 01/01/2005 - 02/01/2005 02/01/2005 - 03/01/2005 03/01/2005 - 04/01/2005 04/01/2005 - 05/01/2005 05/01/2005 - 06/01/2005 06/01/2005 - 07/01/2005 07/01/2005 - 08/01/2005 08/01/2005 - 09/01/2005 09/01/2005 - 10/01/2005 10/01/2005 - 11/01/2005 11/01/2005 - 12/01/2005 12/01/2005 - 01/01/2006 01/01/2006 - 02/01/2006 02/01/2006 - 03/01/2006 03/01/2006 - 04/01/2006 04/01/2006 - 05/01/2006 05/01/2006 - 06/01/2006 06/01/2006 - 07/01/2006 11/01/2006 - 12/01/2006 12/01/2006 - 01/01/2007 01/01/2007 - 02/01/2007 02/01/2007 - 03/01/2007 03/01/2007 - 04/01/2007 04/01/2007 - 05/01/2007 05/01/2007 - 06/01/2007 06/01/2007 - 07/01/2007 07/01/2007 - 08/01/2007 10/01/2007 - 11/01/2007 11/01/2007 - 12/01/2007 12/01/2007 - 01/01/2008 01/01/2008 - 02/01/2008 02/01/2008 - 03/01/2008 03/01/2008 - 04/01/2008 04/01/2008 - 05/01/2008 05/01/2008 - 06/01/2008 06/01/2008 - 07/01/2008 08/01/2008 - 09/01/2008 09/01/2008 - 10/01/2008 01/01/2009 - 02/01/2009 02/01/2009 - 03/01/2009 04/01/2009 - 05/01/2009 12/01/2009 - 01/01/2010

:: mánudagur, desember 25, 2006 ::

Gleðilega jólanótt, krakkar.

:: Atli 01:12 [+] :: ::
...
:: miðvikudagur, desember 20, 2006 ::
Úff maður, djöfull var fréttatíminn í kvöld action-packed. Hamfarir á Suður- og Norðurlandi (og ekkert smá, ég meina það eru að koma jól), yfirvofandi mengunarslys á Reykjanesinu, Bandaríkjaher að stækka og kona á fimmtugsaldri sem átti barn án þess að hafa hugmynd um að eitt slíkt væri á leiðinni. Krílið má teljast heppið að hafa ekki endað í klósettinu enda var konan nýbúin að taka inn míkrólax (henni var svo illt í maganum!).

XMAS í kvöld, Stúdentakjallarinn á morgun. Ég treysti því allavega að sjá ykkur öll þar (prófin eru búin).

:: Atli 20:41 [+] :: ::
...
:: þriðjudagur, desember 19, 2006 ::
Árslisti Pitchfork kemur aðeins á óvart. Sonic Youth eru mun neðar en ég átti von á, Islands eru hvergi, Pheonix miklu ofar en ég bjóst við, hvað er málið með Band of Horses?, ég átti svona hálfpartinn von á að Joanna Newsom yrði efst - en það hefði samt ekki verið Pitchfork líkt að setja svo framúrstefnulega plötu efst (síðustu ár: Turn on the Bright Lights, Echoes, Funeral, Illinois), og toppsætið kemur á óvart þó að þetta sé vissulega frábær plata.

Meirihlutinn af þeim plötum sem mér þykja hvað bestar (eða hef borið mig eftir að heyra) eru einhvers staðar um miðjan lista. Annars er ég að átta mig á því hvað ég hef í raun hlustað á fáar nýjar plötur á þessu ári, ég er búinn að vera alltof mikið í einhverju gömlu rugli - kannski sem betur fer - og svo hef ég sökum starfs míns hlustað á miklu meira af íslensku en oft áður, sem er bara gaman. Af því sem ég hef ekki hlustað á en langar mjög til að heyra mætti nefna Tim Hecker, Cat Power, jafnvel Justin Timberlake, en aðallega Fujiya & Miyagi sem ég hef grun um að sé ótrúlega magnað stöff.

Ég vissi að þetta yrði spennandi ár, en þetta virðist ætla að verða ótrúlega ólíkt milli miðla, þó að ákveðnir titlar séu áberandi. Arctic Monkeys eru ofarlega (aðallega hjá ruslmiðlum), aðrir áberandi eru Bob Dylan, TV on the Radio, Joanna Newsom, Gnarls Barkley, Ghostface Killah, og einnig ber nokkuð á The Hold Steady.

Árslisti Rjómans er svo væntanlegur á allra næstu dögum. Sjálfur tók ég ekki þátt í að velja hann sökum tímaskorts og almennar óákveðni. Erlendi listinn er ágætur, en sá íslenski er arfaslakur.

:: Atli 19:01 [+] :: ::
...
:: sunnudagur, desember 17, 2006 ::
Ég er búinn með síðustu ritgerðina mína. Ég er búinn með haustmisserið 2006 við Háskóla Íslands. Reyndar var síðasta ritgerðin alls engin ritgerð, heldur þýðing. Ég þýddi leikritið Landscape eftir Harold Pinter, nú heitir það Landslag. Fyrstu tvær síðurnar eru svona:

DUFF: Karlmaður yfir fimmtugu.
BETH: Kona að nálgast fimmtugt.
Eldhúsið á sveitasetri.
Langt eldhúsborð.
BETH situr í hægindastól sem er fjarri borðinu, vinstra megin.
DUFF situr í stól við hægra borðhornið. Bakgrunnurinn, vaskur, eldavél o.s.frv., og gluggi, er dimmur.
Kvöld.

ATHUGIÐ:

DUFF vísar venjulega til BETH, en virðist ekki heyra rödd hennar.
BETH lítur aldrei á DUFF og virðist ekki heyra rödd hans.
Báðar persónurnar eru afslappaðar, alls ekki stífar.

LANDSLAG

BETH
Ég myndi vilja standa við hafið. Það er þarna.
Bið
Ég hef gert það. Mörgum sinnum. Það er eitthvað sem mér þótti vænt um. Ég hef gert það.
Bið
Ég mun standa á ströndinni. Á ströndinni. Ja … það var mjög svalt. En það var heitt, við sandhólana. En það var svo svalt, á ströndinni. Ég kunni því mjög vel.
Bið
Fullt af fólki …
Bið
Fólk hreyfist svo auðveldlega. Menn. Menn hreyfast.
Bið
Ég gekk frá hólunum niður að strönd. Maðurinn minn svaf í sandhólunum. Hann snéri sér við sem ég stóð. Augnlok hans. Naflinn. Dormaði svo yndislega.
Bið
Myndirðu vilja barn? sagði ég. Börn? Smábörn? Okkar eigin? Væri indælt.
Bið
Konur snúa sér, horfa á mig.
Bið
Okkar eigið barn? Myndirðu vilja það?
Bið
Tvær konur horfðu á mig, snéru sér og gláptu. Nei. Ég gekk, þær voru kyrrar. Ég snéri mér.
Bið
Af hverju horfið þið?
Bið
Ég sagði það ekki, ég glápti. Síðan var ég að horfa á þær.
Bið
Ég er falleg.
Bið
Ég gekk aftur yfir sandinn. Hann hafði snúið sér. Tærnar undir sandinn, höfuðið grafið í örmum hans.

DUFF
Hundurinn er farinn. Ég sagði þér það ekki.
Bið
Ég þurfti að skýla mér undir tré í tuttugu mínútur í gær. Út af rigningunni. Ég ætlaði að segja þér það. Með einhverjum unglingum. Ég þekkti þá ekki.
Bið
Síðan stytti upp. Úrhelli. Ég gekk upp eftir eins langt og tjörnin nær. Síðan fann ég fyrir nokkrum stórum dropum. Sem betur var ég bara nokkra metra frá skýlinu. Ég settist niður þar inni. Ég ætlaði að segja þér það.
Bið
Manstu eftir veðrinu í gær? Eftir úrhellinu.?

***

Eins og sjá má er þetta verk í óvenjulegri kantinum, það gerist ekkert í því, heldur tala þau Beth og Duff bara til skiptis, en ekki saman. Allt sem þau segja eru minningar, eitthvað sem tilheyrir fortíðinni. Ég held það sé tryllt að sjá þetta á sviði.

Nú er bara gagnrýni, jólagjafakaup og drykkjuskapur framundan. Já, og tónleikar á miðvikudag og fimmtudag.

:: Atli 20:39 [+] :: ::
...
:: föstudagur, desember 15, 2006 ::
Ókei, mig dreymdi að ég væri að fara til útlanda og ég lenti í einhverju sjitti við öryggishliðið, mátti ekki hafa með mér einhvern nælon-dúk og svo var eitthvað óljóst með flöskur sem ég hafði keypt inn á flugvellinum, hvort þær mættu fara í vélina. Í framhaldi af því fór draumurinn að snúast um mig og Orra að skeita niður eftir einhverjum göngustíg einhversstaðar í Mið-Austurlöndum. Við vorum að tala um hvað við hefðum upplifað mikla sögu; hryðjuverkaárásirnar 11. september, Íraksstríðið, kindina Dollý o.s.frv. Allavega, svo var ég í trylltu móki svona milli kl. átta og níu í morgun og var að pæla í þessum hlutum: 11. september, Írak, ömurleika þess að ferðast með flugvélum í seinni tíð. Þið vitið hvað maður er steiktur svona í móki. Jæja, svo vakna ég, lít á vekjaraklukkuna mína, og hvað haldið þið að klukkan hafi verið?

9:11

Merkilegur andskoti.

:: Atli 10:41 [+] :: ::
...
:: fimmtudagur, desember 14, 2006 ::

:: Atli 18:11 [+] :: ::
...
:: miðvikudagur, desember 13, 2006 ::
Jibbí!

Þetta er í svalari kantinum.

:: Atli 11:47 [+] :: ::
...
:: þriðjudagur, desember 12, 2006 ::
Það vita það ekki neitt rosalega margir, en einn af bestu tölvuleikjum allra tíma ber nafnið Marathon. Fyrsti leikurinn kom út 1994. Hann var sérstakur að því leyti að hann kom eingöngu út fyrir Macintosh og var fyrsti skotleikurinn (í fyrstu persónu) til að ná verulegri útbreiðslu á mökkum, þó að DOOM og Wolfenstein væru að vísu báðir fáanlegir. Marathon hefur þó ýmislegt fram yfir þá báða, t.a.m. er hægt að horfa upp og niður sem var nýmæli.

Það sem skildi leikinn samt aðallega frá hinum var gríðarlega mikill og vandaður söguþráður. Í sem stystu máli gerist leikurinn í framtíðinni á geimskipinu Marathon sem er mannað og gríðarstórt. Geimverur af Pfhor tegund ráðast á skipið og það kemur í hlut spilarans að bjarga málunum. Þrjár tölvur með gervigreind sáu um að reka skipið, Tycho, Leela og Durandal. Tycho og Durandal skemmast í árásinni svo það kemur í hlut Leelu að lóðsa mann um, fá mann til að gera við hurðir, hreinsa ákveðin svæði af geimverum o.s.frv. Seinna kemur í ljós að Durandal hefur sýkst af svonefndu „rampancy,“ sem er einskonar tölvuvírus sem gerir það að verkum að tölvan snýst gegn þeim gera hana út. Brátt er Durandal farinn að snúast gegn spilaranum og genginn í lið með geimverunum. Andrúmsloft leiksins er mjög spúkí og dekadent í takt við myrka söguna.

Ókei, hljómar ekkert mjög groundbreaking, en sögunni er miðlað gegnum tölvur sem spilarinn þarf að logga sig inn á til að fá fyrirmæli. Í þeim textum eru oft heilmiklar persónuupplýsingar, skilaboð frá skipverjum sem lifðu árásina ekki af, geðveikisröfl í Durandal, lýsingar á draumum tölvanna o.fl. Þessi saga vindur svo upp á sig, það vakna spurningar um hvort spilarinn sé mennskur eða tilheyri prótótýpu bardagavéla sem börðust í stríði á Mars og fleira furðulegt. Flækjan heldur áfram í Marathon 2 (1995) og Marathon Infinity (1996) - en sá síðastnefndi er eiginlega alveg jafnmikið bókmenntaverk og tölvuleikur, og bestur trílógíunnar. Borðaheiti vísa í Philip K. Dick og oft eru engin fyrirmæli, heldur bara draumar, smásögur, cryptic shit, og þetta flækist enn meira því að í þeim leik eru tímaplönin mjög mörg.

Allavega, leikurinn var byltingarkenndur hvað snerti multiplayer. Átta manns gátu spilað í einu, og strax með Marathon tvö komu allskyns leikjategundir inn - „King of the Hill,“ „Tag“ o.fl.

Ég gleymi því ekki þegar ég spilaði Marathon á móti einhverjum í fyrsta sinn. Það var of skemmtilegt. Ég og félagarnir gerðum það þegar lausar helgar gáfust. Svo eignaðist ég einhverntímann hub og þá gátum við verið þrír sem setti nýja vídd í leikinn. Ég fullyrði að þrátt fyrir að vera ekki í „raunverulegri“ þrívídd (heldur byggja á svokölluðum „sprite graphics“) einsog Unreal og Quake og Counterstrike og Half Life þá er Marathon skemmtilegri í multiplayer. Það er einhver hraði og spenna, svo eru borðin sum hver alveg ótrúleg og vopnin (sérstaklega SPNKR basúkan, og WSTE-M haglabyssan) sömuleiðis.

Ég er semsagt að minnast á þetta vegna þess að ég er búinn að setja Marathon upp á nýju tölvunni minni - en lengi vel var leikurinn ófáanlegur á Mac OS X. Nú er búið að gefa kóðann og leikina með og svo hefur fólk meiraðsegja tekið sig til og endurhannað allt útlitið í mun hærri upplausn, svo leikurinn hefur aldrei litið svona vel út. Nú eiga líka eiginlega allir sem ég þekki tölvu og þess vegna ætti að vera lítið mál að slá í eitt multiplayer sessjón. Leikurinn er meiraðsegja orðinn cross-platform.

SVO: Ég óska eftir fólki sem hefur einhverja reynslu af Marathon (eða vill læra á leikinn) til að spila við mig og fleiri í jólafríinu, með músík, pizzum, bjór og öllu. Leikinn má sækja hér:

http://source.bungie.org/get/

Ég mæli með því að sækja HiRes Textures.

Þetta er ekki grín - mér er full alvara.

:: Atli 22:28 [+] :: ::
...
:: mánudagur, desember 11, 2006 ::
Í alvörunni, hvað er að Q og NME? Arctic Monkeys platan er svo langt frá því að vera besta plata ársins. Annars eru árslistarnir óvenju spennandi í ár og mér sýnist að þeir verði æði mismunandi, enginn Illinois konsensus einsog í fyrra. Sjálfur á ég eftir að hlusta á mjög margar áhugaverðar plötur, svo ég birti ekkert fyrr en á gamlársdag, jafnvel seinna.

:: Atli 00:54 [+] :: ::
...
:: sunnudagur, desember 10, 2006 ::
Þá ætla ég að taka niður könnunina sem hefur verið uppi í ár og rúmlega það. Mér til mikillar ánægju virðast 95% lesenda keipdúnksins tala við sjálfa sig, svo ég er líklegast ekki frík eftir allt saman. 49% segjast tala við sig reglulega en 46% segja að það komi fyrir. Einungis 5% neita því að þau tali við sjálf sig (þ.e. prósentin). Alls kusu 399.

Að þessu sinni ætla ég að spyrja fólk hvort það hafi lesið bókina Draumalandið eftir Andra Snæ Magnason (ef ekki, hver er þá að lesa öll þessi eintök - ég er með 7. prentun og hún er frá því í ágúst, svo hún gæti vel verið komin í 8. eða 9. svona fyrir jólin). Ég er að skrifa ritgerð um þessa bók og lauk við hana í gær. Mér fannst lesningin svo mögnuð að úr mér er allur efi í málefnum stóriðju. Var svona á milli póla þó að ég hafi verið farinn að snúast gegn framkvæmdum af þessu tagi síðustu mánuði. Draumalandið innsiglaði þá skoðun og vel það. Þetta er ótrúleg ritgerð, röksemdafærslan allt að því óhrekjanleg, og nóg af heimildum. Ég tek undir með Silju Aðalsteinsdóttur, þessa bók verða allir Íslendingar að lesa.

:: Atli 11:27 [+] :: ::
...
:: laugardagur, desember 09, 2006 ::
Hann vinur minn á Daily Photo Project er búinn að útbúa vídeó sem spannar sl. átta ár af prójektinu:



Living My Life Faster - 8 years of JK's Daily Photo Project on Vimeo

Skrítið hvað hann hefur samt breyst furðulega lítið.

Þegar maður er kominn með kameru í tölvuna sína er lítið mál að smella einni mynd á dag og kannski maður byrji á því, sbr. Kommóðuhirðirinn. Ég er náttúrulega með skrásetningun á heilanum - óttast svo um afdrif kynslóðarinnar.

Eitt er þó víst: Þegar ég eignast barn ætla ég að smella einni mynd af því daglega frá fæðingu og útbúa svona vídeó. Pælið í hvað það verður súrrealískt að fylgjast með einhverjum einstaklingi vaxa frá fæðingu til tvítugs á fimm mínútum.

:: Atli 13:16 [+] :: ::
...
:: miðvikudagur, desember 06, 2006 ::
Ég ætla ekki að leyna því hversu leiðinlegt mér þótti að einungis einn hefði óskað mér til hamingju með að hafa starfrækt keipdúnkinn til fjögurra ára, og það er meiraðsegja nokkuð óljóst hvort viðkomandi er að óska mér til hamingju með það eða góðan árangur Sprengjuhallarinnar á X-inu. Það gildir einu, hvorutveggja á allavega skilið orð í belg, finnst ykkur ekki?

Að því sögðu langar mig til að deila með ykkur túlkun minni á Edward Munch:


Og Salvador Dalí:


:: Atli 18:24 [+] :: ::
...
:: laugardagur, desember 02, 2006 ::
Jæja. Þá er það staðfest. Ég er orðinn frægur. Magni „-ficent“ Ásgeirsson minntist á mig í sjónvarpsfréttum áðan. Hann sagði að allir hefðu skemmt sér vel á Rock Star tónleikunum í Laugardalshöllinni „nema einn þunglyndissjúklingur hjá Morgunblaðinu.“ Jess!

Ef Magni hefði hins vegar gefið sér tíma til að lesa dóminn og horfa ekki bara á stjörnurnar tvær þá hefði hann komist að því að mér fannst alveg gaman á tónleikunum þannig séð - ég hrósa honum og Dilönu meiraðsegja sérstaklega fyrir góðan performans. Auk þess talaði ég um að hann hefði staðið sig „áberandi best“ og segi að stemmningin hafi verið góð í viðtali við blaðið daginn áður. Það breytir hins vegar ekki niðurstöðunni: „Listrænt séð gerðist ekkert á þessum tónleikum. Þetta var innantóm afþreying – stundum var það skemmtilegt, en stundum var það ólýsanlega pínlegt. Tónleikarnir voru eitt stórt samansafn klisja, allt frá lagavali til gítarsólóa, til hreyfinga söngvaranna o.s.frv. Þessi eina kvöldstund átti að koma í staðinn fyrir að hlusta í alvörunni á rokkplötur eða sækja rokktónleika; hún átti að vera nægilegur rokkskammtur fyrir nýríkt lið sem hefur ekki tíma fyrir raunverulega menningu, en alveg eins og með hundrað dollara „diploma“ á Netinu kemur engin skyndilausn í staðinn fyrir að vinna heimavinnuna sína.“

Það er nákvæmlega af þessum sökum sem ég hef sent menningardeild Moggans erindi þess efnis að stjörnugjöf verði afnumin í tónleikaumfjöllun (ég gerði það áður en Magni lét umrædd orð falla, enda tek ég þau ekki nærri mér, er frekar upp með mér ef eitthvað er).

Plötur
The Rapture: Pieces of the People We Love
Helmus und Dalli: Drunk Is Faster
Benni Hemm Hemm: Kajak
Todmobile: Opus 6
The Wire: Pink Flag
Sufjan Stevens: Enjoy Your Rabbit
The Zombies: Oddessey and Oracle

:: Atli 20:08 [+] :: ::
...
Trausti Júlíusson segir: „Það er greinilega enginn hörgull á góðum hugmyndum og flottum lagasmíðum hjá Ampop.“

Atli Bollason segir: „Það er augljóslega engin stífla hjá Ampop – poppsmellirnir koma í röðum...“

Skemmtileg tilviljun.

:: Atli 01:15 [+] :: ::
...
:: föstudagur, desember 01, 2006 ::
Þetta blogg - á þessari slóð - er fjögurra ára í dag.

X-listinn
29.11-6.12

1. Eberg - Love Your Bum
2. Sprengjuhöllin - Tímarnir okkar
3. The Magic Numbers - Take a Chance
4. Dr. Spock - Skítapakk
5. A.F.I - Love Like Winter
6. U2 & Green Day - The Saints Are Coming
7. Hooker Swing - Dirty Love (In a Pickup truck)
8. Incubus - Anna Molly
9. Angel & Airwaves - Do It For Me Now
10. Red Hot Chili Peppers - Snow (Hey oh)

Einhverjar pælingar varðandi raunsæi í Frú Bovary og Pere Goriot og hvernig stíllinn tengist viðfangsefninu?

:: Atli 17:41 [+] :: ::
...

This page is powered by Blogger. Isn't yours?
:: gestir ::
Weblog Commenting by HaloScan.com