:: keipdúnkur atla bollasonar ::

:: velkomin :: bollason[hja]gmail.com :: plotusafn (gamalt) ::
[::..tenglar..::]
:: bolladóttir [>]
:: brissó [>]
:: tobbi túkall [>]
:: pjotr-beikon [>]
:: oddur [>]
:: halastjarnan erla [>]
:: steini teague [>]
:: kalli (aka sverrir) [>]
:: bragi málefnalegi [>]
:: heklurnar [>]
:: sandra sello [>]
:: dagga [>]
:: orri tomasson [>]
:: atli vidar [>]
:: doddeh [>]
:: doktor sindri [>]
:: daily photo [>]
:: ragga sturlada [>]
:: baldur.april.is [>]
:: alma [>]
:: stígur lýgur [>]
:: krummi [>]
:: heilagur hrafn [>]
:: dagar puka [>]
:: the big jko [>]
:: sólveig helgabarn [>]
:: kpt. kata litla [>]
:: sólberg [>]
:: steindór [>]
:: kommóðan [>]
:: biggi [>]
:: frikki [>]
:: herra garðar [>]
:: steinþór helgi [>]
[::..gamalt..::]
12/01/2002 - 01/01/2003 01/01/2003 - 02/01/2003 03/01/2003 - 04/01/2003 04/01/2003 - 05/01/2003 05/01/2003 - 06/01/2003 06/01/2003 - 07/01/2003 07/01/2003 - 08/01/2003 08/01/2003 - 09/01/2003 09/01/2003 - 10/01/2003 10/01/2003 - 11/01/2003 11/01/2003 - 12/01/2003 12/01/2003 - 01/01/2004 01/01/2004 - 02/01/2004 02/01/2004 - 03/01/2004 03/01/2004 - 04/01/2004 04/01/2004 - 05/01/2004 05/01/2004 - 06/01/2004 06/01/2004 - 07/01/2004 07/01/2004 - 08/01/2004 08/01/2004 - 09/01/2004 09/01/2004 - 10/01/2004 10/01/2004 - 11/01/2004 11/01/2004 - 12/01/2004 12/01/2004 - 01/01/2005 01/01/2005 - 02/01/2005 02/01/2005 - 03/01/2005 03/01/2005 - 04/01/2005 04/01/2005 - 05/01/2005 05/01/2005 - 06/01/2005 06/01/2005 - 07/01/2005 07/01/2005 - 08/01/2005 08/01/2005 - 09/01/2005 09/01/2005 - 10/01/2005 10/01/2005 - 11/01/2005 11/01/2005 - 12/01/2005 12/01/2005 - 01/01/2006 01/01/2006 - 02/01/2006 02/01/2006 - 03/01/2006 03/01/2006 - 04/01/2006 04/01/2006 - 05/01/2006 05/01/2006 - 06/01/2006 06/01/2006 - 07/01/2006 11/01/2006 - 12/01/2006 12/01/2006 - 01/01/2007 01/01/2007 - 02/01/2007 02/01/2007 - 03/01/2007 03/01/2007 - 04/01/2007 04/01/2007 - 05/01/2007 05/01/2007 - 06/01/2007 06/01/2007 - 07/01/2007 07/01/2007 - 08/01/2007 10/01/2007 - 11/01/2007 11/01/2007 - 12/01/2007 12/01/2007 - 01/01/2008 01/01/2008 - 02/01/2008 02/01/2008 - 03/01/2008 03/01/2008 - 04/01/2008 04/01/2008 - 05/01/2008 05/01/2008 - 06/01/2008 06/01/2008 - 07/01/2008 08/01/2008 - 09/01/2008 09/01/2008 - 10/01/2008 01/01/2009 - 02/01/2009 02/01/2009 - 03/01/2009 04/01/2009 - 05/01/2009 12/01/2009 - 01/01/2010

:: fimmtudagur, mars 31, 2005 ::

Hvað varð um Rick Moranis?

:: Atli 14:11 [+] :: ::
...
:: þriðjudagur, mars 29, 2005 ::
Regnhlífarnar í New York er ekki bara heiti á bókmenntaþætti sem RÚV hefur framleitt að síðustu, heldur einnig blákaldur veruleiki dagsins í dag. Rigningunni kyngdi bókstaflega niður. Meðan við óðum úr einni búðinni í aðra óð fólkið á götunum úr einum polli og í þann næsta. Klyfjuð pokum komum við upp úr neðanjarðarlestarstöðinni við Bedford Avenue í Brooklyn. Það var búið að rigna í allan dag, en við bjuggumst ekki við því úrhelli sem tók á móti okkur. Í raun hefðu engu breytt þó við hefðum synt yfir East River í stað þess að taka lestina - á okkur var ekki að finna þurran þráð. Planið var að fara á Village Vanguard í kvöld en nú verður að vega það og meta; erum við tilbúin að rennbleyta annað par af skóm og sokkum
eða eigum við bara að segja þetta gott?
Á laugardagskvöld, eftir stanslaust fimm daga borgarrölt vorum við orðin mjög þreytt og ákváðum að eyða kvöldinu heima (hjá Baldri, öðlingnum sem hýsir okkur). Eftir ljúffenga pizzu niðri við Bedford og sjöunda strætinsettumst við niður og horfðum á kvikmyndina Garden State, sem var ágætis skemmtan. Við leyfðum okkur líka að sofa aðeins út á páskadag. Páskarnir eru svo gott sem ósýnilegir hérna í Bandaríkjunum, föstudagurinn langi ekkert frábrugðinn öðrum föstudögum og páskasunnudagur alveg einsog aðrir sunnudagar, og sunnudagarnir hérna megin hafs eru alveg einsog mánudagar eða fimmtudagar. Þessi páskadagur var þó vissulega eftirminnilegur: Við fórum á Broadway-söngleik (The Producers e. Mel Brooks), tókum ferju yfir til Staten Island og tilbaka og lukum deginum á tónleikum með ekki einni, heldur tveimur japönskum heavy-metal hljómsveitum, Peelander-Z og Electric Eel Shock. Peelander-Z er með rosalegustu sviðsframkomu sem ég hef séð - í alvörunni - og EES voru ekki síðri. Ekki má gleyma páskaegginu sem Mamma var svo góð að stinga ofan í tösku hjá mér.
Mér er hætt að líða einsog túrista í borginni og þykir fremur leitt að kveðja hana. Það gerist samt á morgun, síðasti viðkomustaður verður líklega Coney Island, en Requiem for a dream gerist m.a. þar, og á svæðið er minnst í lagi með Gy!be.
Baldur hafði orð á því um daginn að New York séu eiginlega ekki Bandaríkin, og það viti New York búar og allir hinir Bandaríkjamennirnir. Stundum gengur það víst svo langt að NY búar eru hrokafulllir gagnvart „öðrum“ Bandaríkjamönnum og „hinir“ fyrirlíta svo aftur stórborgarpakkið í NY. Það er allavega víst að NY er alveg sérstakt fyrirbæri. Ég er ekki viss um að enska sé það tungumál sem ég hef heyrt oftast í borginni, það fer ekkert svo mikið fyrir McDonalds og Coca-Cola, einkabílaeign er af skornum skammti, borgarskipulagið er „evrópskt“ o.fl. Spennan sem mér finnst ég finna milli kynþátta og þjóðarbrota í t.d. Lundúnum er víðs fjarri hér. Fólk lifir í sátt og samlyndi. Samfélagið er að mínu mati og reynslu öruggt og umhyggjusamt. NY er borg án landamæra. Litla Ítalía sómir sér vel við hliðina á Chinatown, og fjármálahverfið er ekki fjarri. Heimurinn ætti að taka sér New York til fyrirmyndar.
Hingað mun ég koma aftur.

:: Atli 05:36 [+] :: ::
...
:: fimmtudagur, mars 24, 2005 ::
Veðrið í NY var ógeðslega leiðinlegt í gær - meiraðsegja á íslenskan mælikvarða. Rok, slydda, blautir fætur, sultardropar. Við héldum okkur þ.a.l. innandyra að mestu, nánar tiltekið á MoMA, gríðarstóru nýlistasafni. Þaðan í frekari plötukaup. Hvorttveggja var skemmtilegt, og sama gilti um tónleikana með hinni ensku Go! Team sem við sáum í gærkvöldi. Kínverski take-out maturinn var einnig góður og franski bjórinn. Hnattvæðing og alþjóðahyggjan ræður hér ríkjum. Sem er gott.

:: Atli 14:58 [+] :: ::
...
:: miðvikudagur, mars 23, 2005 ::
Í dag var ég heldur amerískari. Beygla með rjómaosti í morgunmat, Dunkin' Donuts um eftirmiðdaginn. Farið milli verslana, fjárfest í fatnaði og aragrúa platna, einum 20 stykkjum að ég held. Mest af geislaplötum, en nokkuð af vínyl einnig. New York er með því svalasta sem ég hef séð. Hvert götuhorn er efni í heila bíómynd.

:: Atli 02:11 [+] :: ::
...
:: þriðjudagur, mars 22, 2005 ::
New York, New York
Í þetta skiptið skrifar keipdúnkurinn frá Williamsburg, helsta hipsterahverfi New York borgar. Hér verður dvalið fram yfir páska. Tilfinningin þegar skyline Manhattan-eyju birtist manni ljóslifandi var vægast sagt ólýsanleg. Í gærkvöldi var svo gengið um Brooklyn og inn á japanskan/tælenskan veitingastað þar sem undirritaður hámaði í sig sushi. Þaðan á japanskt kaffihús, þar sem hipsterar voru ófáir. Þaðan heim, enda klukkan farin að ganga fjögur að nóttu, sé miðað við íslenskan tíma. En...Manhattan bíður (og býður).

:: Atli 14:09 [+] :: ::
...
:: miðvikudagur, mars 16, 2005 ::
Ég vil óska Ásgeiri Berg, sem ég hitti síðast í ca. átta ára bekk, til hamingju með að vera kominn í úrslit í Gettu betur með MA. Um leið vil ég óska öllum öðrum til hamingju með að Verslunarskólinn hafi verið sleginn út. Nú er bara komið að FB að tryggja að VÍ vinni ekki Morfís. Og ég treysti þeim fullkomlega til þess - enda miklu betra lið þar á ferð. Gettu betur er hin ágætasta skemmtun, en ég man ekki eftir því að hafa komið að styðja MH nokkurntímann, nema í útvarpinu. Ég veit ekki afhverju, sennilega komst ég ekki í einhver skipti, eða þá að MH fór bara sjaldan í sjónvarp meðan ég var í skólanum. Var þetta leiðinlegasta færslan mín frá upphafi?

Plötur
Dungen: Ta Det Lugnt
Paul Simon: Paul Simon
Lali Puna: Tridecoder

:: Atli 21:16 [+] :: ::
...
:: þriðjudagur, mars 15, 2005 ::
Þeir eru ófáir sem hafa hvatt mig til að nota Firefox. Það gerði ég svo þegar við fengum nýja tölvu, en ég er hættur því. Safari er minn vafri. Mér finnst hann mun hraðvirkari en eldrefurinn og að leitarkerfinu (inná síðum) eru þeir næstum eins. Ég græt ekki aðskilinn leitarglugga fyrir aukinn hraða.
•••
Fyrir svona tveimur til þremur árum þá sagði tannlæknirinn minn mér að ég þyrfti nú að losna við endajaxlana - það væri best að losna við þá áður en þeir færu að valda einhverjum usla. Ég og pabbi minn lásum ekki svon löngu seinna grein þess efnis að meira en helmingurinn af öllum endajaxlatökum væri ónauðsynlegur, hreint peningaplokk. Svo við aðhöfðumst ekkert. Ári síðar hafði ekkert gerst, ekkert verið fjarlægt og ekkert valdið usla. Það sama var upp á teningnum næst þegar ég heimsótti Tanna. En nú er orðin breyting á. Í seinustu viku fór ég að finna fyrir verk innst í munnholinu hægra megin. Og nú er svo komið að ég er á leið til New York næsta mánudag með íbúfen í farteskinu og pantaðan tíma tveim dögum eftir að ég kem heim. Þar verður meinið fjarlægt og ég á víst að taka næstu fjóra fimm daga eftir það frá. Djöfuls sköll.

:: Atli 19:57 [+] :: ::
...
:: laugardagur, mars 12, 2005 ::
Búinn að taka 27. maí frá. Franz Ferdinand er að koma að spila. Ég hlustaði á plötuna þeirra síðustu helgi - og hún er alveg viðbjóðslega fáránlega geðveikt ógeðslega góð. Hvert lag gæti verið smáskífa í harðri samkeppni við „Take Me Out“. Annars var Nortón að spila á Kúltúra (og ég kominn heim! Hvað er í gangi?). Tónleikarnir heppnuðust ágætlega, tæknin var aðeins að stríða mér - og fólksfæð hefur sjaldan verið meiri; tónleikagesti mátti auðveldlega telja á fingrum sér. En við gerðum okkar besta til að halda þessum fáu í stuði, og ég held það hafi tekist.
Þá er bara að fjölmenna í Gallerí Tukt (Hinu húsinu) kl. 16 á morgun og sjá verk eftir elsku Svölu mína og heyra mig og Kára flytja obskúr standarda.

Plötur
Sufjan Stevens: Seven Swans
Dntel: Life is Full of Possibilities
Super Furry Animals: Outspaced
The Shins: Chutes Too Narrow
Emilíana Torrini: Fisherman's Woman
Miles Davis: In a Silent Way
Erlend Øye: Unrest

:: Atli 00:53 [+] :: ::
...
:: fimmtudagur, mars 10, 2005 ::


Spread the word.

:: Atli 12:58 [+] :: ::
...
:: mánudagur, mars 07, 2005 ::
Er ég gamaldags?
Ég spurði sjálfan mig að þessu þegar ég gekk út um dyrnar á íbúð Sölva Úlfssonar á stúdentagörðunum sl. föstudag.
Við höfðum hist þar nokkur til þess að búa okkur undir ræðukeppni kvöldsins. Að fundinum loknum bauð Sölvi mér að fletta í gegnum mp3-safn hans, sem hann geymir á sérstökum hörðum diski.
Ég var ekki búinn að skruna lengi niður gluggann þegar mér varð ljóst að Sölvi átti til á tölvunni sinni nær alla þá tónlist sem ég hef sankað að mér síðastliðin ár, en einnig átti hann til nær alla tónlist sem mig langar til að sanka að mér á næstu mánuðum. Hann hafði ekki borgað krónu fyrir þessi lög, kvaðst meiraðsegja fremur sækja á Netið þá diska sem hann á til í raunveru frekar en að rippa þá - það tæki lengri tíma þar sem hann hefði einungis fjögurra hraða geisladrif.
Er ég gamaldags? spurði ég mig. Er það úreltur hugunsarháttur að vilja alltaf eiga raunverulegt eintak af tónlistinni, sem hægt er að handfjatla og segjast hafa keypt á heiðvirðan hátt. Snýst þetta ekki um tónlistina sjálfa?
Einsog lesendur keipdúnksins vita tel ég mig einnig hafa nokkuð víðtæka þekkingu á tónlist, og þá kannski sérstaklega jaðartónlist 21. aldarinnar. Ef marka má mp3 safn Sölva er þekking hans engu minni, þó ég hafi aldrei heyrt hann minnast einu orði á tónlist. Ég hugsa þó að ég hafi forskotið.
Þetta fannst mér vera til marks um tvennt: Annarsvegar samruna jaðar- og meginstraumstónlistar; með tilkomu Netsins eiga stórfyrirtæki erfiðara með að stjórna dreifingu og útbreiðslu tiltekinna laga og neytandinn hefur aukið frelsi til að velja sér þá tónlist sem honum líka. Hinsvegar þá staðreynd að þekking mín er á engan hátt sértæk, og einungis tilkomin vegna lesturs ákveðinna netmiðla og ágætis minnis og eftirfylgni. Ágæt áminning.
Ég sé ekki eftir krónu sem ég hef eytt í tónlist, en ég leyfi mér að spyrja hvort ég ætti að gera það. Stefna mín er óbreytt: ég vil eiga skáp fullan af tónlist, en ekki harðan disk fullan af tónlist. Það er einfaldlega rómantískara - eitthvað sem ég get sýnt barnabörnunum mínum.
En stóra spurningin er: er ég gamaldags?

:: Atli 10:02 [+] :: ::
...
:: föstudagur, mars 04, 2005 ::
Fyrir tæpu ári síðan keppti ég til úrslita í Morfís í annað sinn. Minnugir muna að þá fór svo að MH tapaði fyrir VÍ með einu stigi, en eitt stig er smæsta mögulega eining í Morfís. Þetta er rifjað upp í tilefni af því að í gærkvöldi fóru fram fjórar viðureignir í Cíceró, ræðukeppni háskólanema. Þeirra á meðal var viðureign milli bókmenntafræði og sálfræði, en ég var stuðningsmaður í liði bókmenntafræðinnar. Umræðuefnið var karlmennska, nokkuð gott efni, en leikar fóru svo að við töpuðum með hálfu stigi, en það er smæsta mögulega eining í Cíceró. Ég get þó verið sáttur við að hafa verið tilnefndur ræðumaður kvöldsins.
•••
Í kvöld fer fram árshátíð Torfhildar, nemendafélags bókmenntafræðinema. Það er þriggja rétta máltíð og partí og dansiball, þar sem hin sívinsæla Dj Amma mun halda uppi stuðinu. Ég vona að árshátíð verði þó ekki til þess að ég slái af lærdómi á morgun. Skilaverkefnin hrannast upp og kallinn er alltaf rétt á eftir áætlun. Ég ætla að útskrifast með góða einkunn úr háskólanum.
•••
Á morgun ætla ég að skrifa pistil um upplifun sem ég átti heima hjá Sölva Úlfssyni, en hún hreyfði við tónlistarheimspekilegum hugmyndum mínum.

:: Atli 16:29 [+] :: ::
...
:: þriðjudagur, mars 01, 2005 ::
Furðulegt. Í gærkvöldi gubbaði ég fjórum sinnum, en mér leið mjög vel á milli þess sem gusurnar komu. Í morgun var í góðu lagi með mig.
•••
Á fimmtudagskvöld munu bókmenntafræði og sálfræði mætast í mælskukeppninni Cíceró. Umræðuefnið er karlmennska og erum við bókmentafræðinemar fylgjandi. Keppnin fer fram einhversstaðar á háskólasvæðinu og ég hvet alla til að mæta og fá sér síðan bjór á stúdentakjallaranum á eftir, en ég held að alls fari fjórar viðureignir fram þetta kvöld.
•••
Las hálft Bítlaávarpið í kvöld. Ágæt lesning.

:: Atli 20:12 [+] :: ::
...

This page is powered by Blogger. Isn't yours?
:: gestir ::
Weblog Commenting by HaloScan.com