:: keipdúnkur atla bollasonar ::

:: fimmtudagur, apríl 29, 2004 ::

Fátt pirrar mig meir en hundaskítur á víðavangi. Mér finnst að í hvert skipti sem maður kaupir sér hund eða lætur skrá hann eða eitthvað (ég veit ekki nákvæmlega hvernig hundaeign fer fram) ætti að taka úr hundinum lífsýni. Síðan yrði stofnaður svona u.þ.b. tveggja manna starfshópur sem færi um bæinn og a) sæji um að hreinsa upp hundaskít og b) taka sýni úr hverjum skít sem þeir hreinsa. Síðan myndu þeir fara inn á kontór og bera sýnið úr skítnum saman við tölvuna sína og finna út hvaða hundur hefði skitið þarna. Síðan yrði eigandanum, ábyrgðarmanni hundsins, sent sektarboð: „Saur úr hundi þínum...fannst við Brúnaveg...“, uppá kannski 5000 kr. Þetta yrði örugglega til þess að hundeigendur hættu að brjóta lögin og hreinsuðu upp kúk eftir hunda sína.

:: Atli 19:10 [+] :: ::
...

Maður er nú frekar stoltur yfir því að ræðuliðið sem maður var að þjálfa hafi í kvöld orðið meistarar. Fellaskóli lagði semsagt Seljaskóla í úrslitarimmunni og tryggði þeim titilinn. Ekki var verra að Sandra, stuðningsmaðurinn minn, varð ræðumaður Breiðholts. Þær áttu þetta fullkomlega skilið stelpurnar og ég óska þeim alls hins besta.
•••
Blogspot er svo mikið að skölla mig þessa dagana að það er ekki eðlilegt. Ég hef ekki komist inná eigin blogg af eigin heimili í marga daga, svo ég veit ekkert hvernig kómentastatus er eða neitt. Þetta gæti gert mann geðveikan.
•••
Í dag skein sólin og hlýir vindar léku um hár okkar. Ég hélt mig úti í frímínútum og skellti mér svo niðrá Austurvöll seinni partinn. Hitti þar tvo félaga mína, sem eru byrjaðir að læra undir inntökupróf í læknisfræði. Djöfulli sem mér finnst það steikt. Svo sem allt í góðu að hafa varann á og svona, en maður þarf nú ekki algjöran og komplett aga þegar sólin skín og ennþá átta vikur í prófið. Ég bað að heilsa þeim og keypti mér quality beer, enda ennþá sex dagar í fyrsta próf hjá mér. Og sjitt, ég á barasta afmæli á sunnudaginn. Það verður örugglega frekar týpískur Atla-afmælisdagur: Ég vakna og byrja að læra. Og svo læri ég. Svo kíkir einhver í stutta heimsókn en þarf að drífa sig því viðkomandi verður að fara heim að læra. Þá held ég áfram að læra. Nei, ég er nú að ýkja, ég tek því yfirleitt svona semi-rólega á afmælisdaginn og er ekkert að stressa mig. Enda engin ástæða til, svona á afmælisdaginn. Vel á minnst, til hamingju með afmælið Guðjón, og ég vona að það hafi ekki alveg eyðilagt daginn að liðið sem þú varst að þjáfa hafi tapað í úrslitum.

Plötur
Boards of Canada: Music has the Right to Children
Aphex Twin: I Care Because You Do
Prefuse 73: One Word Extinguisher
DJ Shadow: Endtroducing...
Polyphonic Spree: The Beginning Stages Of...

:: Atli 22:45 [+] :: ::
...

Sjitt hvað ég var gallsúr í gær. Eftir að ég kom heim úr mat hjá Ömmu minni, fór ég á Netið - og þar var ég í einhverja sex tíma að gera, tja, ekki neitt. Sad keis.
•••
Ég er búinn að lengja tenglalistann minn talsvert. Ég veit að enn er á einhverja hallað, en svo verður hreinlega að vera þar til...þar til ég veit ekki hvenær. Bendi fólki sérstaklega á blogg systur minnar, en hún er 15 ára gamall unglingur.
•••
Getur einhver sagt mér hver heldur úti ekkifinngaur.blogspot.com? Þarna birtist sérstæð og fátíð sýn á lífið í MH og MHinga (færslan í dag), sem á samt örugglega við einhver rök að styðjast. Mér þætti gaman að vita hver þetta er.

Plötur
Weezer: Weezer (Blue Album)
Heartbeat: Sunday Sessions in Reykjavík
Radiohead: Hail to The Thief

:: Atli 21:44 [+] :: ::
...

Í gær dimiteraði ég. Skemmst er frá því að segja að ég skemmti mér konunglega. Dagurinn hófst klukkan tæplega hálfátta þegar útskriftarnemar mættu í morgunmat ásamt kennurum. Útskriftarnefnd, sem ég sit m.a. í, hafði bjargað jógúrti og brauði og djús til að mata fólk. Ég ákvað að fá mér sæti með kennurunum, þar sem ég hef setið með nemendum sl. 3 ár. Bjarni Ólafs, Þórey og Ragna Briem sátu gegnt mér, og Lárus var innan seilingar. Við ræddum um ýmislegt, mest þó skólatengt og hvað ég væri að fara að gera í haust. Ég gat náttla engu svarað, frekar en fyrri daginn.
Að morgunmatnum liðnum hélt mitt atriði í morgunpartí heim til Bjargar í Stigahlíðinni. Það er mjög sérkennileg stemmning að vera farinn að drekka freyðivín og bjór fyrir kl. 9 að morgni. Og stemmnignin í partíinu var mjög feit, minnti á svona workshop, þar sem allir voru að ljúka við búningana sína. Þegar klukkan var farin að detta í 11 héldum við útí skóla og fylgdumst með atriðunum, auk þess að flytja okkar eigið.
Já, við vorum Tetris-kubbar. 15 kubbar sem röðuðu sér upp á sviðinu við undirleik Tetris-þemalagsins, þó í einhverskonar tæknó útgáfu. Ég var ánægður með hvernig til tók, m.a. vegna þess að Einar Júlíusson tók að sér að halda á next-spjaldinu og gefa þannig til kynna hvaða kubbur væri næstur á svið. Ég sá ekki öll atriðin, missti af þeim sem komu strax á eftir okkur; en mér fannst bestu atriðin vera Evróvisjón atriðið, okkar atriði og flugmanna-atriðið. Evróvisjón atriðið hefði getað misheppnast en gerði það ekki, small alveg einhvernveginn. Okkar atriði var stutt og óríginal. Flugmennirnir sýndu einvala dirfsku og búningarnir voru flottir - en þetta var klisja. Önnur markverð voru kannski rokkgrúppu vídeó Sóleyjar Þóris og þeirra, en það var fulllangt til þess að komast á topp 3. Sabotage atriðið var líka mjög flott, en það er alltaf skemmtilegra að sjá live-atriði. Sama gilti um skrítívídeó Halla og Árna.
Að atriðunum loknum hadið í partí heim til Helgu Huldar. Það var nokkuð gott, sérstaklega voru stundum góðar umræður í herbergi litla bróður hennar - og á tímabili var trylltur dans í stofunni, svo halda hefði mátt að klukkan væri eitt að nóttu, en ekki að degi.
Um tvöleytið hélt ég ásamt Naomi og Dísu í bæinn í hellidembu. Það var ekkert svo feitt, sandalinn minn bar slitinn, svo ég gekk um berfættur á öðrum fæti, og fljótlega slitnaði hinn, svo ég var al-berfættur. Það var kalt. Mjög kalt. Og glerbrot um allt. En ég komst óskaddaður frá þessu öllu saman. Á þessum tímapunkti ákváðum við að beila á regninu í bænum og héldum heim til mín þar sem okkar beið heitt Quiche og salat og brauð og pesto og ostar. Við vorum svona tíu sem gæddum okkur á þeim kræsingum. Klukkan fimm var svo komið að ég var orðinn einn eftir, en Orri svaf í rúminu mínu og Leó í sófanum inni hjá mér. Ég sofnaði í stólnum inni hjá mér, þeim til samlætis. Ég vaknaði ekki fyrr en klukkan 20, og þá sváfu þeir enn. Við stukkum í sturtu (ekki allir saman, heldur hver á sínu heimili) og síðan hófst hjá mér fyrirpartí. Þangað týndist fólk inn fram eftir kvöldi. Sérstaklega fannst mér gaman þegar það kom fólk sem ég þekki takmarkað. Þetta var fínt partí, Leó var t.d. trylltur uppá stól að halda andfeminíska ræðu og Andri Egils var gjörsamlega á kúpunni eftir stífa viskídrykkju. Um hálftólf var skipað í bíla og allir komust niðrí bæ án aðstoðar leigubíla.
Ballið var í stuttu máli mjög feitt. Stuðbandið Hraun! stóð sig með prýði og flutti ýmis lög af stakri prýði, t.d. stóðu þeir sig vel í Blister in The Sun og Ghostbusters-þemalaginu, sem þeir gerðu að rokkaðri reggí-stemmu. Á miðhæðinni voru Jakob og Eyþór með fínt óskalagamiðað DJ-prógramm. Sérstaklega ber að nefna hversu góðu stuði Þórey Einarsdóttir enskukennari og snillingur var. Án efa uppáhaldskennarinn minn svona in retrospect. Ég var þarna langt fram eftir kvöldi, með síðari mönnum útúr geiminu. Fór á Subway og splittaði 12" með Hrafnkatli rauða. Held að sinnepið hafi verið extra sterkt þarna í gær. Hópurinn klofnaði eitthvað þar inni; Kristín, Hrafnkell og Sóley fóru í bæinn, en ég, Lísa, Ragga, Bryndís og Leó fórum heim til Röggu og hlustuðum á Micheal Jackson og staupuðum tekíla. Það var...rólegt. Klukkan fimm í morgun gekk ég heim ásamt Leó og Bryndísi, en þau gistu í kjallaranum.
Hugsa að þetta endi á topplista yfir djömm 2004.
Þakkir fá Halldór fyrir hlý orð í minn harð, Orri fyrir að hafa verið fokking steiktur, Rauðu tvíburarnir (Halla og Védís) fyrir einkar skemmtilegan dans, Þórey líka, og Bryndís fyrir að hafa svalað fimm ára gömlu fetishi.

Plötur
Pavement: Slanted & Enchanted
Interpol: Turn on the Bright Lights
Pulp: Different Class
Radio 4: Gotham!
m?m: Loksins erum vi? engin
Yeah Yeah Yeahs: Fever to tell
Franz Ferdinand: Franz Ferdinand

:: Atli 16:52 [+] :: ::
...

Já, maður komst ekki áfram í Sigurskáldinu. Svona er nú heimurinn skrítinn. En ég vil þakka kærlega þeim sem voru svo góðir að láta 99 kr. af inneign sinni í atkvæði til mín, ég met það mikils.
•
Ég er farinn að þjálfa Fellaskóla á ný fyrir úrslitarimmu sína gegn Seljaskóla. Ætli maður verði ekki bara pró og láti ekkert uppi, þar sem það eru allar líkur til þess að þjálfari þeirra, sem og liðsmenn lesi þetta blogg.
••
Dimisjónin á föstudaginn. Ég steingleymdi náttla að fara í ríkið í dag, svo ég mun þurfa að bjarga mér eftir öðrum leiðum á föstudagsmorguninn. Einhver sem er að selja bjór/vodka/líkjör?
•••
Var á Beach Boys-fyrirlestri (eða meira svona hlustunarsessjóni) niðrí Klink og Bank gallerí. Danni í Maus stóð fyrir þessu í félagi við félaga sína í félagsskapnum TÍMA. Hann fókuseraði á Smile!, týndu plötuna þeirra, og var það nokkuð áhugavert. BB er greinilega meira en best of band.

Plötur
Franz Ferdinand: Franz Ferdinand
Interpol: Turn on the Bright Lights
Air: Talkie Walkie

:: Atli 00:23 [+] :: ::
...

Þá er komið að því; sendið SMSið JA L8 í númerið 1900 og hjálpið þannig ungskáldinu Atla.

:: Atli 12:19 [+] :: ::
...

Jæja, það er víst ekki fyrr en á mánudaginn sem ljóðið mitt birtist.
•••
Í gær fór ég í tvö afmæli, annað til Ólafar Auðar og hitt til Bryndísar. Ég stoppaði nú stutt í Blönduhlíðinni hjá Ólöfu, rétt kastaði kveðju á liðið meðan ég fékk mér einn drykk og hámaði í mig snakk. Það er alltaf dáldið fyndin samsetning af fólki í partíum hjá Ólöfu, öllum ægir saman óháð aldri, stöðu eða vinatengslum. Hálf póst-módernísk partí hjá henni. Sem er ágætt. Þaðan hélt ég niður á Dillon í 22 ára afmæli Bryndísar. Þar voru margir MHingar og þegar tók að líða á kvöldið hafði afmælisgestunum (sem slíkum) að miklu leyti verið skipt út fyrir hinn almenna Dillon-gest. Þess má geta að annar helmingur DJ-ÖMMU hélt uppi stuðinu (þá væntanlega AM eða MA). Ég sat stærstan hluta kvölds með vinum úr Fossvogi fram að því að allir voru farnir og ég og Steinunn Marta röltum milli staða til fimm í morgun. Mæli með leigubílum BSR (56 10000), því þeir eiga ekki í neinum vandræðum með að skipta greiðslunni hægri vinstri sama hversu margir eru með margar gerðir af kortum - annað en helvítin hjá Hreyflinum sem eru alltaf með vesen þegar kemur að því að borga.
Í dag ætla ég á burtfarartónleika Sigurðar Þórs Rögnvaldssonar frá FÍH. Og vel á minnst, við skulum öll óska góðvinkonu minni Sóleyju Valgeirsdóttur innilega til hamingju með afmælið, en blessunin er tvítug í dag.

Plötur
Tortoise: TNT
Biosphere: Substrata (2)
Pavement: Slanted & Enchanted

:: Atli 15:07 [+] :: ::
...

Ég þarf á ykkar hjálp að halda. Þannig er mál með vexti að ég er kominn í átta liða úrslit Sigurskáldsins 2004, sem er ljóðasamkeppni sem Fréttablaðið og Edda miðlun standa fyrir, og nú tekur við nokkurskonar Idol-hluti keppninnar þar sem lesendur Fréttablaðsins greiða atkvæði til þess ljóðs sem þeir kunna best við. Minn prósi mun birtast á morgun í Fréttablaðinu, föstudaginn 16. apríl, og ég vil hvetja ykkur til þess að hjálpa mér í baráttunni við hin ungskáldin og senda inn SMS mér til stuðnings. Ef þið kunnið vel við ljóðið, þ.e.a.s.
Annars er það af mér að frétta að páskarnir fóru mest í djamm og dútl. Lærði ekkert, enda stóð það ekkert sérstaklega til. Reyndar þarf ég að skila spænskuritgerð á morgun, en þetta reddast. Var á bjórkvöldi í gær á Kapítal og skemmti mér konunglega, enda stór á 250 kr. Plús fyndinn DJ í byrjun og enda kvöldsins, sem reytti af sér Squarepusher og Prefuse 73 og svona flottheit.

Plötur:
Underworld: 1992-2002
M83: Dead Cities, Red Seas & Lost Ghosts
Mogwai: Happy Songs For Happy People
Interpol: Turn on The Bright Lights
Beck: Sea Change
King Crimson: In The Court of The Crimson King
Tortoise: Standards
Love: Forever Changes
Air: Talkie Walkie
Pavement: Slanted & Enchanted
o.fl.

:: Atli 14:15 [+] :: ::
...

Gleðilega páska, býst ég við. Ég fékk tvö stk., eitt Góu og annað Nettó.
Pantaði mér í gær nokkrar plötur með Yo La Tengo, Miles Davis, TV on the Radio, Velvet Underground, Keith Fullerton Whitman, The Unicorns og að sjálfsögðu The Rutles. Sú sveit er sprottin upp úr fyrstu mockumentary-myndinni, All You Need is Cash, og já, hún var til á undan This is Spinal Tap. Við Svala og Siggi T fluttum stórkostlegan fyrirlestur um þessa mynd í Monty Python ensku á seinustu önn, bekknum okkar til mikillar ánægju. Einkar grípandi popp, ófrumlegt á allan máta, enda hannað til þess að gera grín að Bítlunum, en engu að síður eru gæðin jafnmikil - og jafnvel meiri. Ég hlakka til að hlýða á.

:: Atli 14:55 [+] :: ::
...

Davíð á náttla afsökunarbeiðni skilda, en það fór bara svo í taugarnar á mér að ég vissi ekkert hver það væri sem væri svona hrikalega virkur í mínu nánasta netsamfélagi. En nú veit ég það, og hvet Davíð til að halda áfram að kómenta.
•••
Hef eytt síðustu tveim nóttum í sumarbústöðum. Þeirri fyrri í bústað Sólveigar Helgadóttur ásamt þrettán MHingum sem eiga það allir sameiginlegt að vera einkar indælir. Það var virkilega skemmtilegt (myndir, þó nokkuð litaðar af þeim stutta tíma sem myndatökumaðurinn dvaldi, má finna hér), þó ég hafi mætt í seinna fallinu, eftir að hafa fylgst með fyrstu fjórum eða fimm lögunum á tónleikum Sugababes í höllinni. (Ég fékk fría miða.) Þær voru ekki með neitt spennandi sjó og tónlistin var í slakari kantinum svo ég lét mig hverfa. Kvöldið áður hafði ég lagt upp í pílagrímsför í bæinn til þess að leita að stelpunum og fá þær með mér heim. Þó ég hafi komist alla leið upp í VIP herbergið á Pravda, þá neyddist ég til að snúa heim með fýlusvip, því þær fundust hvergi. Eftir að ég snéri svo á ný í bæinn á föstudaginn langa (í blíðskaparveðri) hélt ég ásamt foreldrum mínum og systur í bústað frænku minnar í Grímsnesi og átti þar rólegt kvöld ásamt fjölskyldu minni. Sem hefur ekki gerst í marga mánuði.

Plötur
Belle & Sebastian: Dear Catastrophe Waitress
Belle & Sebastian: Fold Your Hands Child, You Walk Like A Peasant
Belle & Sebastian: The Boy With The Arab Strap
Belle & Sebastian: If You're Feeling Sinister
Franz Ferdinand: Franz Ferdinand
The Avalanches: Since I Left You
Ulrich Schnauss: A Strangely Isolated Place
Yeah Yeah Yeahs: Fever To Tell
Pulp: We Love Life
Outkast: Speakerboxxx/The Love Below

:: Atli 14:52 [+] :: ::
...

Hver í andskotanum er þessi Davíð? Ég vil að hann gefi það upp hver hann er og hverjar fyrirætlanir hans eru með því að kómenta á öll blogg í kringum mig auk þess að skíta yfir mína persónu með illskiljanlegum kómentum. Alkynhneigð? Fimmtugt að vera fullur í bænum? Skýrðu mál þitt, maður. Og hættu að angra alla.
•••
Mér finnst að of feitt, einstætt fólk ætti að fara í mál við snakkframleiðendur í Bandaríkjunum á þeim forsendum að þeir framleiði snakkið handa pörum og/eða fjölskyldum og þess vegna séu skammtarnir of stórir fyrir einn. Þ.a.l. borða einstæðingar meira af því í einu, þeir vilja klára pokann (ég meina, hver vill byrja á snakkpoka sem var opnaður í gær, eða borða kalt popp?), og fitna þess vegna gífurlega og enda alltof feitir. Uppreisn (biturð?) gegn viðteknum pörunarvenjum í tengslum við eigin líkamleg vandamál.
Ég var að grínast.

Plötur:
Pavement: Slanted & Enchanted
Arab Strap: Monday at the Hug & Pint
Love: Forever Changes

:: Atli 17:18 [+] :: ::
...

Ný skilgreining á orðinu hallærislegt: Paramatarklúbbur. Ef að þetta var það sem að Hrafnkell átti við þegar hann sagðist sennilega munu halda partí í páskafríinu, þá vorkenni ég honum. Og þeim öllum. Greinilega allt í lagi að fá sér nokkra bjóra - ef kæró er með, annars ekki. Þetta minnir mig dálítið á Stefán Einar, sem vildi ekkert frekar en að verða fimmtugur, þrjátíu árum of snemma. Kallið mig barnalegan, en mætti ég biðja um nokkur ár í viðbót þar sem ég er ekki viðbjóðslega hallærislegur og ógeðslegur? Svona gera kerlingar á fertugsaldri sem kjósa sjálfstæðisflokkinn, ég er viss um að Þorgerður Katrín og Hanna Birna eru mikið í svona samkomum. Oj.

:: Atli 21:18 [+] :: ::
...

Var að koma heim frá Hrafnkatli rauða, en þar hittumst við krakkarnir af borðinu og ræddum hvað í andskotanum við ættum að gera á dimisjón. Samkomulag náðist um stórkostlegt atriði, sem ég held við höldum þó leyndu eitthvað áfram. Að ákvörðuninni lokinni hljóp ég heim og sótti Director DVD diskana mína og við horfðum á prógressíf tónlistarmyndbönd, skrítnar vídeóinnsetningar og súrrealískar stuttmyndir mér til mikillar skemmtunar. Kvikmyndagerðin, maður, hún heillar.
•••
Í seinustu færslu gleymdist að óska Sunnu og Sillu innilega til hamingju með sigurinn í söngkeppni framhaldsskólanna. Til hamingju, stelpur!

:: Atli 01:46 [+] :: ::
...

Stórfélagsferð var farin í gær. Hún var stórskemmtileg, ég held barasta sú skemmtilegasta sem ég hef farið í (ég var ekki í þessari sem var um miðjan apríl 2002). Fólk var einfaldlega dansandi, drekkandi, spjallandi og með gott gúmmelaði. Menn voru mishressir þegar tók að líða á kvöldið, en ég var going strong til fimm sex. Take Me Out Franz Ferdinands er besta hoppulag í heimi (fyrir utan einhver lög með RATM, en ég hef aldrei komist inn í það band).
Ég segi ykkur kannski líka frá laugardagskvöldinu en þá fór ég og hitti nokkra snillinga í Mosfellssveitinni hjá honum Halldóri. Það var líka alveg ótrúlega skemmtilegt, og ég endaði á því að draga nokkra með mér heim í spjall og Gettu Betur spilið. Smám saman rjátlaðist fólk í burt og eftir sátum við Björn Bragi og ræddum um hversu svalt land Japan væri þangað til að einhverjar stelpur úr Versló komu og voru skotnar í honum. Þau sögðu að ég spilaði súra tónlist.
•••
Ég fór í bæinn í dag, á listasafn, í banka, í plötubúð og í bókabúð. Í plötubúðinni (12 tónum) hlustaði ég á fullt af diskum og gluggaði í einhverja bók. Það var góð stemmning. Fólk fer gjarnan á kaffihús til þess að glugga í tímarit eða bækur, en fólk fer sjaldnar á kaffihús til að hlusta á tónlist. Þess vegna fékk ég þá hugmynd að opna kaffihús þar sem í hverri gluggakistu væri 40 GB iPod og heyrnartól, fullur af flottri alternatív tónlist, sem fólk gæti hlustað á meðan það sypi á kaffi og gluggaði í Face eða Wire eða i-D eða eitthvað svona kúl.

Plötur:
Beach Boys: Pet Sounds
Blur: Modern Life is Rubbish
Aphex Twin: 26 Mixes for Cash

:: Atli 18:49 [+] :: ::
...

Ég fór í kínverskan mat til Orra í gær. Skemmst er frá því að segja að ég var í stuði, reytti af mér gott gúmmelaði, flestum til mikillar skemmtunar, en Kristínu vinkonu minni til mikilla leiðinda, þar sem hún þolir ekki það sem er fyndið. Bestu dæmin eru andúð hennar á Weird Al Yankovic og Leslie Nielsen, og myndum Wayans-bræðra.
Dreif mig svo í bæinn, leyfði fylgdarliði mínu að yfirgefa svæðið alltof snemma, en lét það ekki stöðva mig og fann mér nýja vini sem ég djammaði með til fimm í morgun. Sérstaklega gladdi það mig í gær þegar plötusnúðurinn á Sirkús spilaði lagið Chair Girl með Mu. Sirkús er skemmtilegur staður, sama hvað hver segir. Hann er þröngur, fullur af smáum selabreytum, með góða tónlist, gott gúmmelaði og ekkert trouble. Mikið stimmungsmache þar á ferð.

:: Atli 19:12 [+] :: ::
...

Ég er ástfanginn, búinn að finna mér konu til þess að eyða ævinni með. Sú heppna heitir Scarlett Johansson. Henni tókst að sannfæra mig um að hún væri sú rétta í gær þegar ég fór að fylgjast með henni skemmta sér með Bill Murray í Tokyo í kvikmyndinni Lost in Translation. Sem var æðisleg. Með betri myndum sem ég hef séð. Í dag er ég búinn að vera leita uppi viðtöl og myndir og upplýsingar um hana Scarlett. Mér finnst þetta svo barnalegt, en kannski er þetta í lagi vegna þess að þegar ég var lítill þá dáði ég aldrei neinn. Ég safnaði aldrei myndum eða plakötum eða límmiðum með einhverjum Hollywood-leikara eða söngvara. Ég var skynsamur þegar ég var lítill. Það er ég ekki lengur. Núna vil ég verða rokkstjarna og giftast frægri leikkonu. Þeir segja að allt sé hægt ef viljinn er fyrir hendi. Ég er enn sannfærðari um að ég þurfi að drífa mig til New York en Scarlett býr þar hálft árið. En af hverju ætti hún samt að vilja mann einsog mig, íslenskan hipster sem er örugglega ekkert svo hip á mælikvarða þeirra sem lifa og hrærast í Williamsburg. Verður maður að vera frægur til þess að frægt fólk taki eftir manni?

:: Atli 17:51 [+] :: ::
...

La vacaciones de la semana santa er gengið í garð. Og því er ég mjög feginn. Tilboðum um góð djömm rignir inn og ég sé fram á bjarta tíma. Ég vorkenni fólki í bekkjarkerfi hræðilega, útskriftarnemar þurfa barasta að fara að læra undir stúdentspróf (Sem eru gamaldags og hallærisleg fyrirbæri.) Í kvöld mun ég vera kynnir á kosningavöku NFMH, en um kosningavikuna varð mér rætt í síðustu færslu. Hámarki geðveiki og ósmekklegheita var náð á fimmtudaginn, þegar ekki var lengur hægt að skilja menn frá gráðugum og viðbjóðslegum dýrum sem ruddust í átt að snakki, gosi, nammi og leikjatölvum. Ég legg til að gerð verði herskör gegn þessum baráttuaðferðum. Þetta var alveg hætt að vera skemmtilegt og var mun frekar þrúgandi og óþægilegt. Að því loknu kíki ég í mat til Orra, en hann bauð í svoleiðis. Því miður mun ég ekki sjá mér fært að komast í tvítugsafmæli hinnar stórskemmtilegu Súsönnu Óskar, kærustu Braga Páls, en henni kynntist ég í tvítugsafmæli hans sl. helgi. Við ræddum lífsskoðanir og ég held að henni hafi þótt ég sérkennilegur en áhugaverður karakter, jafnvel hlægilegur; en á góðan hátt þó. Einkar indæl stúlka og ég óska henni mikillar skemmtunar í veislu sinni í kvöld. Reyndar má leiða líkur að því að ég muni hitta þau hjú ásamt fleirum að veislunni lokinni í miðbæ Reykjavíkurborgar. Kemur í ljós.
Á morgun skellir maður sér kannski á söngkeppnina, eða í snillingapartí. Skýrist með kvöldinu.
Á sunnudag held ég í stórfélagsferð. Hún verður mjög feit, bæði nýja og gamla stórfélagið munu sameinast og úr verður menningarlegur suðupottur á par við það sem gerist í New York.
Út vikuna ætla ég að bjóða fólki heim til mín í drykki. Fókusinn verður á unga MH-inga, semi-snillinga, sem ég hef ekki gefið mér tíma til að kynnast. Nú er kallinn (ég) að fara að útskrifast og ekki seinna vænna en að ræða við þá sem eru þess verðir. Órói er kominn í föstudaginn langa vegna hugsanlegrar ferðar út á land; en það skýrist síðar.

Plötur:
Pulp: We Love Life
My Bloody Valentine: Loveless

:: Atli 16:41 [+] :: ::
...