:: keipdúnkur atla bollasonar ::

:: velkomin :: bollason[hja]gmail.com :: plotusafn (gamalt) ::
[::..tenglar..::]
:: bolladóttir [>]
:: brissó [>]
:: tobbi túkall [>]
:: pjotr-beikon [>]
:: oddur [>]
:: halastjarnan erla [>]
:: steini teague [>]
:: kalli (aka sverrir) [>]
:: bragi málefnalegi [>]
:: heklurnar [>]
:: sandra sello [>]
:: dagga [>]
:: orri tomasson [>]
:: atli vidar [>]
:: doddeh [>]
:: doktor sindri [>]
:: daily photo [>]
:: ragga sturlada [>]
:: baldur.april.is [>]
:: alma [>]
:: stígur lýgur [>]
:: krummi [>]
:: heilagur hrafn [>]
:: dagar puka [>]
:: the big jko [>]
:: sólveig helgabarn [>]
:: kpt. kata litla [>]
:: sólberg [>]
:: steindór [>]
:: kommóðan [>]
:: biggi [>]
:: frikki [>]
:: herra garðar [>]
:: steinþór helgi [>]
[::..gamalt..::]
12/01/2002 - 01/01/2003 01/01/2003 - 02/01/2003 03/01/2003 - 04/01/2003 04/01/2003 - 05/01/2003 05/01/2003 - 06/01/2003 06/01/2003 - 07/01/2003 07/01/2003 - 08/01/2003 08/01/2003 - 09/01/2003 09/01/2003 - 10/01/2003 10/01/2003 - 11/01/2003 11/01/2003 - 12/01/2003 12/01/2003 - 01/01/2004 01/01/2004 - 02/01/2004 02/01/2004 - 03/01/2004 03/01/2004 - 04/01/2004 04/01/2004 - 05/01/2004 05/01/2004 - 06/01/2004 06/01/2004 - 07/01/2004 07/01/2004 - 08/01/2004 08/01/2004 - 09/01/2004 09/01/2004 - 10/01/2004 10/01/2004 - 11/01/2004 11/01/2004 - 12/01/2004 12/01/2004 - 01/01/2005 01/01/2005 - 02/01/2005 02/01/2005 - 03/01/2005 03/01/2005 - 04/01/2005 04/01/2005 - 05/01/2005 05/01/2005 - 06/01/2005 06/01/2005 - 07/01/2005 07/01/2005 - 08/01/2005 08/01/2005 - 09/01/2005 09/01/2005 - 10/01/2005 10/01/2005 - 11/01/2005 11/01/2005 - 12/01/2005 12/01/2005 - 01/01/2006 01/01/2006 - 02/01/2006 02/01/2006 - 03/01/2006 03/01/2006 - 04/01/2006 04/01/2006 - 05/01/2006 05/01/2006 - 06/01/2006 06/01/2006 - 07/01/2006 11/01/2006 - 12/01/2006 12/01/2006 - 01/01/2007 01/01/2007 - 02/01/2007 02/01/2007 - 03/01/2007 03/01/2007 - 04/01/2007 04/01/2007 - 05/01/2007 05/01/2007 - 06/01/2007 06/01/2007 - 07/01/2007 07/01/2007 - 08/01/2007 10/01/2007 - 11/01/2007 11/01/2007 - 12/01/2007 12/01/2007 - 01/01/2008 01/01/2008 - 02/01/2008 02/01/2008 - 03/01/2008 03/01/2008 - 04/01/2008 04/01/2008 - 05/01/2008 05/01/2008 - 06/01/2008 06/01/2008 - 07/01/2008 08/01/2008 - 09/01/2008 09/01/2008 - 10/01/2008 01/01/2009 - 02/01/2009 02/01/2009 - 03/01/2009 04/01/2009 - 05/01/2009 12/01/2009 - 01/01/2010

:: fimmtudagur, júní 30, 2005 ::

„Jæja, Atli, hvað er síðan að frétta af þér?”
„Ja, það er nú bara ýmislegt, aldrei þessu vant. Í fyrsta lagi þá er ég aðeins búinn að vera að vasast í Nortón málum. Við verðum að spila á Grand Rokk 8. júlí og á Bar 11 þann 14., að öllum líkindum. Síðan fengum við loks staðfestingu á því að við verðum líka á Innipúkanum með ekki ómerkari böndum en Blonde Redhead og Raveonettes - ekki leiðinlegt það.”
„Vá, en spennandi.”
„Já, svo var ég líka að byrja í nýrri vinnu.”
„Nú, hvað, ertu hættur hjá Grapevine?”
„Neinei, ég er sko í búðinni á milli 12 og 19 alla virka daga, en þetta er á milli 9 og 12. Þetta er svona altmuligt starf hjá Alþjóðlegri kvikmyndahátíð í Reykjavík sem verður haldin milli 29. september og 9. október. Þessi hátíð er frábrugðin öðrum hátíðum sem hafa verið haldnar að því leyti að hún er ekki bara aukið framboð kvikmynda í bíó, heldur hátíð með erlendum gestum og blaðamönnum, verðlaunum, þemum, auk þess sem hugmyndin er að gera þetta að árlegum viðburði.”
„En skemmtilegt.”
„Já, finnst þér ekki. Annars eru stærstu tíðindin sennilega þau að allt útlit er fyrir það að ég flytji út 1. ágúst nk.”
„Ha?”
„Já, Svala datt niður á svona líka fína og ódýra íbúð þegar hún var að flakka á vefnum. Við fórum að skoða hana og leist bara drulluvel á. Það sem var fyndnast var að Svala hringdi semsagt í þessa konu og kynnti sig og spurðist fyrir um íbúðina; allt í góðu lagi, og síðan spurði konan hana út í okkar hagi. Svala sagði þá að hún væri á leiðinni í Listaháskólann og að ég væri í Háskólann. „Svala?,” spurði þá röddin í símanum. „Já,” segir hún. „Hæ. Þetta er Lilja, systir hans Bolla.” Hún var þá að leigja íbúðina út fyrir mágkonu sína og auðvitað var hún til í að leigja okkur.”
„Frábært. Hvar er íbúðin?”
„Á Þórsgötu. Ég verð bara rétt hjá Snorra.”
„Kúl. En ég sá síðan að þú varst búinn að vera með einhverja stæla í blöðunum. Eitthvað stúdentaráðs eitthvað.”
„Já, til að gera langa sögu stutta lagði ég semsagt fram ályktun í Stúdentaráði um að Reykjavíkurflugvöllur ætti að víkja sem fyrst og að Háskólanum og stúdentum ætti að vera tryggt lágmarkssvæði. Fulltrúum Vöku og Háskólalistans þótti ályktunin of pólitísk og greiddu þ.a.l. ekki atkvæði með henni. Mér fannst þetta út í hött, þar sem þetta er mikilvægt mál, svo ég skrifaði opið bréf til Stúdentaráðs þar sem ég ávítti það fyrir heigulshátt og sagði að það væri ansi lítið gagn að því ef það þorði ekki einusinni að álykta um skipulagsmál, hvað þá pólitískari málefni.”
„Já, veistu, ég er alveg sammála þér.”
„Já... jæja, hvað segirðu... ég var ekki alveg nógu sáttur við hvað það kómentuðu fáir á lögin sem ég gerði aðgengileg í síðustu færslu. Ég var að vonast eftir 150 kómentum.”
„Já, heyrðu, þú segir nokkuð. Ég steingleymdi að kómenta.”
„Drífa í því, maður. Varstu ekki annars að fíla þetta?”

Plötur
Architecture in Helsinki: In Case We Die
Interpol: Turn on the Bright Lights
M83: Before The Dawn Heals Us
Mu: Out of Breach (Manchester's Revenge)
Pheonix: United
Sigur Rós: Ágætis byrjun
Þórir: I believe in this
Jóhann Jóhannsson: Virðulegu forsetar
Jagúar: Hello Somebody!

:: Atli 18:20 [+] :: ::
...
:: sunnudagur, júní 26, 2005 ::
Nortón Demón

Hér má sjá útlitið á þessum blessaða demódiski, og trakklistann. Til að byrja með verða tvö fyrstu lögin gerð aðgengileg hér og á rokk.is.

Bankastræti nr. 0
Rokkum meira en Mínus

Njótið vel og látið í ykkur heyra í kómentakerfinu.

Viðbót 29. júní! Hér má hlusta á Högna og Kára ræða um Nortón og Bankastræti nr. 0 við Hauk Ingvarsson, einn umsjónarmanna Víðsjár á Rás 1.

:: Atli 17:47 [+] :: ::
...
:: laugardagur, júní 25, 2005 ::
Ég er ekki að sjá það fyrir mér að einhver borgi 300 kr. fyrir blað sem er lélegt og bætir hérumbil engu við núverandi blaðaflóru. Sjónvarpsstöðin Sirkus meikar kannski sens, en þetta blað er algjör sirkus.

Skráði mig í Amnesty um daginn. Það var ágætis tilfinning.

Nortón hefur lokið við fjögurra laga kynningardisk. Skemmst er frá því að segja að þetta er ein sú feitasta fita sem heyrst hefur og verður vonandi til þess að tryggja okkur einsog nokkra heimssigra. Það má vel vera að einhver laganna verði gerð aðgengileg til niðurhals, en það gerist þá á næstu dögum.

Plötur
Can: Ege Bamyasi
Go! Team: Thunder, Lightning, Strike
Isolée: We Are Monster
The Boy Least Likely To: Best Party Ever
Clap Your Hands Say Yeah
Belle & Sebastian: Storytelling
The Strokes: Room on Fire
David Bowie: Low
The Futureheads
Broken Social Scene: You Forgot it in People
Beach Boys: Surf's Up, 20/20
Arve Henriksen: Chiaroscuro
Panda Bear: Young Prayer
Arcade Fire: Funeral
Ratatat

:: Atli 17:11 [+] :: ::
...
:: þriðjudagur, júní 21, 2005 ::
Eftir alveg rosalega skemmtilega tónleika á Sirkus og Ellefunni á fimmtudaginn hélt ég bara heim í háttinn, þrátt fyrir að þetta væri í raun upphafið á þriggja daga helgi. Ástæðurnar voru tvær; í fyrsta lagi þurfti ég að vakna daginn eftir til þess að vinna í Röskvutjaldinu, og í öðru lagi vissi ég að ég átti eftir að eyða restinni af helginni í sumarbústað ásamt fimmtán öðrum hressum krökkum sem eiga það allir sameiginlegt að hafa útskrifast frá MH.

Bústaðurinn reyndist síðan ekki vera bústaður, heldur hús eða bær. Húsið var kortéri fyrir utan Blönduós og þar voru rúm fyrir 12 manns, svo það voru ekki nema örfáir sem sváfu á gólfdýnum. Það var nokkur synd að þurfa að yfirgefa bongóblíðuna sem var í Reykjavík, því veðrið á Blönduósi var fremur grátt og kalt, en félagsskapurinn margbætti það upp. Það tekur alveg þrjár klukkustundir að keyra til Blönduóss svo þetta var nokkuð ferðalag. Ég, Svala, Orri, Bryndís og Alma vorum saman í bíl. Þegar við tókum að nálgast húsið hringdum við í Baldur (en fjölskylda hans á húsið), en hann virtist sambandslaus. Hið sama gilti um alla hina sem voru komnir á staðinn. Við náðum sambandi við Ásgeir sem benti okkur á að aka inn í Vatnsdal og svipast um þar. Við vorum nýfarin framhjá þeim afleggjara svo við snérum við.

Eftir nokkurn akstur í Vatnsdal gerðum við okkur grein fyrir því að án þess að vita nafnið á húsinu myndi leitin ganga ansi erfiðlega. Auk þess var GSM-samband inní dalnum af skornum skammti. Við afréðum því að stoppa á næsta bóndabæ og fá að hringja þar. Þar hittum við á vinalegan mann sem játti því að róðurinn væri erfiður í sveitinni. Orri taldi að hann hefði eitthvað undir 100 í greindarvísitölu. Mér fannst hann fyrst og fremst vinalegur, það var líka svo snyrtilegt inni hjá honum (sem er mjög óvanalegt bóndabæjum (ég tala hér af reynslu, ekki af fordómum)). Við náðum bara á Ásgeir, að vísu aldrei nema svona sex sjö sekúndur í einu, en honum tókst að stynja upp úr sér símanúmerinu heima hjá Baldri. Við hringdum þangað, en viti menn, þar var enginn heima nema símsvarinn.

Ég sagði bóndanum að mamma Baldurs héti Selma (af símsvaranum að dæma) og þá færðist bros yfir andlitið.
„Þetta hlýtur að vera Öxl,“ sagði hann. „Það flutti þangað nýtt fólk um daginn. Konan heitir Selma. Ég man það vegna þess að systir mín heitir líka Selma.“ Þetta nýja fólk eignaðist húsið fyrir tveimur árum síðan.

Við áttum víst aldrei að aka inn í Vatnsdal heldur framhjá afleggjaranum og upp að Öxl II sem stóð alveg við þjóðveginn, en við vorum nýfarin þar framhjá þegar okkur var sagt að fara inn í dalinn.

Á móti okkur tóku hressir krakkar; Tvíburarnir, Jón Pétur, Kári, Elín, Leó og Baldur sjálfur. Restin kom á næstu tveim mínútum eða svo. Við grilluðum og opnuðum bjór. Þeir urðu brátt fleiri og tónlistin fór að hækka. Þetta varð þó aldrei neitt bilað danspartí, heldur frekar rólegur samfögnuður góðra vina. Ég kunni ágætlega við það.

Þannig leið öll helgin, í mestu rósemd og besta félagsskap. Afmælismorgunmatur Ölmu, með kökum og kaffi og Shins og Belle & Sebastian var einn hápunktanna, og ég hlakka barasta strax orðið til næstu ferðar.

Plötur
Shins: Oh, Inverted World!, Chutes Too Narrow
Belle & Sebastian: If You're Feeling Sinister, The Boy With the Arab Strap
Beastie Boys: Ill Communication
Junior Boys: Last Exit
Arve Henriksen: Chiaroscuro
Antony & the Johnsons: I'm a Bird Now
Arcade Fire: Funeral
Beach Boys: Surf's Up, 20/20, Pet Sounds
Trabant: Emotional
Erlend Øye: Dj Kicks
Bítlarnir: Magical Mystery Tour
Boy Least Likely To: The Best Party Ever

:: Atli 15:51 [+] :: ::
...
:: mánudagur, júní 13, 2005 ::
Er það ekki skrítið að Danir eigi ekkert almennilegt orð yfir bleikan? Eins er furðulegt að við eigum ekkert sannfærandi hugtak yfir það sem enskumælandi þjóðir nefna tourquise. Stefán Karlsson sagði mér einusinni að Japanir notuðu sama orð yfir bæði bláan og grænan. Ég hef aldrei kannað hvort það var satt eður ei. Enskumælandi þjóðir vita ekki hvað það er að nenna ekki einhverju, þær vita ekki hvað duglegur merkir, en sérkennilegast er hvernig hægt er að komast af án orðsins sólarhringur. Þá verður að teljast ótrúlegt að við Íslendingar, með ættarfetísu og orðaforða eftir því - svila og mág og tengdaforeldra og frænkur og frænda - eigum ekkert orð yfir grandparents. Hversvegna er svo harmónikkan íslenska munnharpa á ensku og básúnan faggot, en faggottið hommi?

Plötur
Herbie Hancock: Headhunters
Architecture in Helsinki: Fingers Crossed
Animal Collective: Here Comes the Indian
Panda Bear: Young Prayer

:: Atli 00:25 [+] :: ::
...
:: sunnudagur, júní 12, 2005 ::
„Jú, heyrðu, þetta verður ekkert mál; það bíða þín tveir miðar á nafninu Atli Bollason.“
„Þakka þér kærlega fyrir“, sagði ég við Evu og lagði á.

Nokkrum klukkustundum var ég kominn í mitt fínasta púss og gekk eftir gráum dregli framhjá fótboltastrákum sem vonuðust til að sjá Beckham og frú fylgja mér. En það var enginn Beckham, og engin Kate Moss heldur. Það var hinsvegar hellingur af miðaldra fólki og vel efnuðu. Það var nóg af freyðivíni. Nóg af rauðu og hvítu víni og nóg af bjór. Og það var enginn skortur á löngum og mjóum fyrirsætum. Tónlistin var að sjálfsögðu hátt stillt og ljósin glæsileg.

Sýningin sjálf var áhugaverð - einsog viðburðurinn allur. Fötin voru ekkert til að hrópa húrra fyrir, en ég væri að ljúga ef ég segði ykkur ekki að undirfatasýningin hafi borið af.

Skrítið að hugsa til þess að manni hafi verið boðið í tugmilljónkróna veislu og aðeins þekkt örfá andlit þarna inni. Sum harla ólíkleg, einsog andlit Snorra. En þetta var ótrúleg upplifun og þó ég viti ekkert hver Samantha Mumba er þá var samt gaman að spyrja hvort hún hefði lesið nýjasta Grapevine og afhenda henni síðan eintak. Og ekki síður að heyra af Erin O'Connor að stilla sér upp með Grapevine grímu á andlitinu.

Tech-house hljómsveitin sem lék á Nasa í eftirpartíinu var geðveik, sannaðist kannski á því að fyrr en varði var okkar maður kominn upp á svið, jakkalaus í fráhnepptri skyrtu, með alla svitakirtla í fullri keyrslu og útlimina í taktfastri sveiflu.

Þó útskriftarveisla Siggu, mömmu hans Orra, hafi verið af talsvert öðrum toga, var hún samt yndisleg og hlýtur Sigga margfaldar þakkir fyrir veitingarnar og annað. Gestunum og hljómborðsleikaranum kom loks saman undir lok fjöldasöngsins, þrátt fyrir byrjunarörðugleika.

Einnig skal tekið fram að old-skool hardcore er eitursvalt og ískaldur Jägermæster er bara allt í lagi. Kári er einnig nokkuð góður bæjarfélagi og klósettaðstaðan á Bankastræti númer núll er einkar snyrtileg.

Ég þakka Reykjavík fyrir helgina.

Plötur
David Bowie: Low
Fiery Furnaces: Gallowbird's Bark
Zombies: Odessey and Oracle
Nick Drake: Five Leaves Left; Bryter Layter; Pink Moon
Yo La Tengo: I Can Hear the Heart Beating...; And Then Nothing Turned Itself...
Unicorns: Who Will Cut Our Hair..?
Fennesz: Endless Summer
Beatles: Hard Days Night
Psapp: Tiger, my friend
Sufjan Stevens: Illinois

:: Atli 14:52 [+] :: ::
...
:: mánudagur, júní 06, 2005 ::
Í þessari færslu verða ýmsar hugmyndir ræddar sem hafa verið til umræðu í kómentakerfinu eftir síðastliðna færslu. Þetta er algjört hugmyndaflæði, og byggingin er eftir því.

Það fór fyrir brjóstið á mjög mörgum þegar ég hélt því fram að höfundarætlun skipti engu máli. Sú staðreynd að fólk hafi tekið þetta svona nærri sér og skotið samstundis niður án þess að hugleiða það, sýnir okkur hversu sterk dýrkunin á hugmyndinni um snillinginn er í samfélagi okkar. Rithöfundar, myndlistarmenn, leikstjórar, tónlistarmenn: alltaf setjum við verk þeirra í samhengi við reynslu þeirra og líf - í stað þess að skoða verkið sem sjálfstætt og óháð, eða þá í samhengi við þjóðfélagið t.d.

Texti hefur jafnmargar merkingar og fjöldi þeirra sem les textann. Meiraðsegja textar sem virðast skýrir og með fastmótaða merkingu eru það alls ekki. Ég er t.d. alveg viss um það að mjög margir munu koma til með að „misskilja“ einhverja hluta þess sem ég rita núna. Það þýðir ekki að sú merking sem þeir réðu í textann sé ekki til staðar - ef hún hefði ekki verið þarna einhversstaðar hefði hún aldrei tekið sér bólfestu í huga þess sem „misskilur“. Það er kannski ekki merkingin sem ég er að reyna að koma á framfæri - en það er merking sem ég skrifaði samt.

Þegar skáldskapur er skrifaður flækjast málin til muna, því oftsinnis reynir slíkur texti ekki einusinni að skapa niðurnjörvaða merkingu, einsog t.d. kennslubók myndi reyna að gera. Í textanum má oft finna allskyns tengsl og hugmyndir, jafnvel í mótsögn hvor við aðra. Að sjálfsögðu mun einhver ráða einhverja ákveðna hugmynd í textann sem höfundurinn sá ekki fyrir. Sá höfundur sem skrifaði fullkomlega gagnsætt verk væri sennilega ekki stoltur af þeirri bókinni.

Það er hreintútsagt leiðinlegt að hugsa til þess að texti sé einungis skiljanlegur á einn „réttan“ máta - þann máta sem höfundurinn hafði í huga. Ef það er einungis einn lykill að hverri bók, þá þarf höfundurinn ekki að hafa fyrir því að gefa hana út, því öll umræða um bókina yrði samstundis „röng“. Listaverk eru gerð opinber til þess að þau séu túlkuð og sett í ný, óvænt spennandi samhengi sem höfundurinn sá ekki fyrir.
Ég tel að flestir höfundar séu fullkomlega meðvitaðir um að verk þeirra geti verið „lesin“ á fleiri en einn máta.

Allt þar til á svona 14. öld voru menn ekkert endilega að hafa fyrir því að merkja sér bækur. Við vitum t.d. ekkert hver skrifaði Njálu. Raunar var líklegra að menn afneituðu eigin bókum en hreyktu sér af þeim. Andrúmsloftið á þeim tíma var bara þannig að listaverkið sjálft var það sem raunverulega skipti máli, ekki höfundurinn. Þetta breyttist hinsvegar, og svo rækilega að menn eiga erfitt með að hugsa sér verk án þess að hugsa um höfund þess í sömu andrá. Sumir telja að með því að þekkja ævi höfundarins megi skilja listaverkin betur. Það er alveg rétt - þá geturðu skilið þau betur, en einungis ef sú túlkunarstaða sem þú tekur þér miðast við höfundinn. Hvers vegna ekki að skoða verkið óháð höfundi sínum, setja þúsund ára gamalt verk í samhengi við nútímann og skoða hvað sé eins og hvað hafi breyst, eða pæla í því hvers vegna hugur manns reiki í þessi átt eða hina við lestur tiltekinna setninga? Hvers vegna ekki að leyfa sjálfum sér að velja þá merkingu sem maður kýs?

Þá er ég ekki að segja að við eigum að upphefja lesandann sem snilling í stað höfundarins, þó slíkt sé nokkuð vinsælt í bókmenntafræðum í dag. Ég tel fremur að við eigum að skoða verkið sjálft sem vettvang fyrir allskyns hugrenningatengsl óháð kjánalegum tvenndarkerfiseinföldunum einsog réttu og röngu. Við erum klárari en svo að trúa því að til sé algildur sannleikur; „hinn rétti skilningur“ á veruleikanum. Hvers vegna ekki að láta hið sama gilda um skáldskap?

Höfundarhugtakið er afleiðing ofuráherslu á eignarrétt og tilheyrandi fjárhagsleg verðmæti - og ekki síst afleiðing stolts, ástarinnar og trúarinnar á sjálfan sér sem óviðjafnanlegan snilling. Við sköpum höfundinn, því við trúum því að einhverntímann í fjarlægri framtíð munum við líka skapa snilldarverk og við viljum hljóta heiðurinn. Réttlætiskennd okkar spilar hér stóran þátt.

Markaðskerfið hefur svo sterka stjórn á hugsunum okkar að við bregðumst illa við þegar einu helsta verkfæri sölumanna er kippt úr jöfnunni; kunnugleikanum. Við kunnum vel við það sem er kunnuglegt, og að okkar mati er það ávísun á góða kvikmynd eða góða plötu ef hún kemur frá einstaklingi eða hópi sem hefur þegar skapað gott listaverk. Nafnið Tom Clancy selur meira heldur en bækurnar sem hann skrifar. Um leið stendur hinn raunverulegi höfundur mjög höllum fæti, til dæmis í popptónlistinni. Þar er lögð ofuráhersla á einstaklinginn, t.d. Britney Spears. En málin flækjast, því höfundurinn Birtney Spears er ekki höfundur verkanna sem hún er þekkt fyrir. Hinn raunverulegi höfundur er einhver sveittur Svíi sem öllum er sama um. Hvor er þá snillingurinn, Britney eða Jörgen?

Bloggmiðillinn er einmitt dálítið áhugaverður í þessu sambandi, því þær eru oft ókláráðar (ekki fíníserað og útgefið verk) og hafa það einkenni að vera ekki endilega rödd höfundarins sjálfs, heldur rödd einhverskonar söguhöfundar eða sögumanns. Þó standa færslurnar mjög nærri persónu bloggarans, því bloggið er jú á hans nafni. Þannig ruglast söguhöfundur bloggsins og bloggarinn sjálfur oft saman. Verk bloggarans eru síðan gjarnan túlkuð í kómentakerfinu og þá koma oft ýmsar hugmyndir í ljós sem bloggarinn vissi ekki að væru til staðar í færslunni.

Þetta eru svona nokkrar pælingar.

Plötur
White Stripes: Get Behind me Satan
Hudson Wayne: Battle of the Bandidos
Boards of Canada: In a Beautiful Place
Human League: Dare!
Sleater-Kinney: The Woods
Art Brut: Bang Bang Rock & Roll
Cornelius: Fantasma
DFA Compilation #2
Erlend Øye: Dj Kicks
A Tribe Called Quest: The Low End Theory
Apparat Organ Quartet

:: Atli 20:11 [+] :: ::
...
:: miðvikudagur, júní 01, 2005 ::
Þriðji þáttur Star Wars er sá langbesti. Þrátt fyrir það að Hayden Christiansen sé sennilega einn versti leikari sem birst hefur í Hollywood kvikmynd þá bjargast það ágætlega, því Anakin Skywalker er svo twisted og geðveikur að hann gæti alveg eins hagað sér svona gervilega. Eini leikarinn sem kemst nærri því að skila jafn hræðilegum performans og Hayden er Mark Hamill sem lék Luke Skywalker í gömlu Star Wars ræmunum. Stóra málið er nefnilega það, að þessi þriðji þáttur þurfti ekkert að verða neitt svakalega góður til að vera þó betri en gamla trílógían, sem er að mínu mati einhver ofmetnasti kvikmyndabálkur sögunnar. En hann gerði gott betur og tekst í alvörunni að fjalla um eitthvað sem skiptir máli. Þemu myndarinnar eru heilmörg og snerta á raunverulegum siðferðislegum vandamálum. Hvað erum við tilbúin að gera fyrir föðurlandið? Hvað erum við tilbúin að gera fyrir ástina? Ádeila á utanríkis- jafnt sem innanríkisstefnu George Bush er augljós, og Palpatine og Anakin minna mann oft óþægilega á kauða. Orðræða hans er t.d. notuð á þingi Lýðveldisins þegar Palpatine biður um aukin völd, og þegar Anakin bendir Obi-Wan á að standi hann ekki með sér sé hann á móti sér. Þess fyrir utan er hún stútfull af hugsprengjandi tæknibrellum og aksjón og hin besta skemmtun.

Star Wars myndirnar í gæðaröð:

1. Ep. III: Revenge of the Sith
2. Ep. V: The Empire Strikes Back
3. Ep. IV: A New Hope
4. Ep. II: Attack of the Clones
5. Ep. I: The Phantom Menace
6. Ep. VI: Return of the Jedi

•••

Nortón léku á Sirkus sl. föstudag. Eða; um það eru nokkur áhöld, enda tókst sveitinni ekki að ljúka nema einu lagi - og það í annarri tilraun. Þannig voru mál með vexti að rafkerfi Sirkus virtist einhvernveginn ekki höndla fönkið nógu vel, með þeim afleiðingum að rafmagninu sló út æ ofan í æ, þar til við gáfumst upp og fengum okkur bjór. Hins vegar er það af Nortón að frétta að við höfum verið að dunda okkur við að taka upp fjögurra laga demó sem verður vonandi tilbúið nú um helgina. Við teljum víst að þetta demó muni tryggja okkur heimsfrægð og digra sjóði til æviloka. Frjáls framlög vel þegin.

•••

Grapevine Info, vinnustaðurinn minn í sumar, opnaði í dag, en pleisið var varla svipur hjá sjón. Á mánudaginn má þó gera ráð fyrir því að búllan verði orðin glæsileg. Kíkið endilega á mig, og lofið mér að senda hvern einn og einasta útlending sem þið hittið til mín; í kjallarann á Laugavegi 11.

•••

Og að lokum:
Frá: bob@franzferdinand.co.uk
Efni: Re: Graduation Day feat. Franz Ferdinand
Dags: 24. maí 2005 18:37:18 GMT
Til: atb1@hi.is


Hello Atli,

Thanks for your invitation to play at your party. Unfortunately the gig has
been rescheduled for later in the year so we will miss your graduation.
When the gig date is reconfirmed let us know if you're having any fun
parties around that time.


We're sorry the gig was moved but are all looking forward to coming later in
the year.

Bob


Plötur:
Kings of Convenience: Quiet is the New Loud
Squarepusher: Ultravisitor
Mu: Out of Breach
Stephen Malkmus: Pig Lib
Mugison: Mugimama - Is this monkeymusic?
Junior Boys: Last Exit
Erlend Øye: DJ Kicks (aftur og aftur og aftur...)
Shining: In the Kingdom of Kitsch You Will Be a Monster
Sufjan Stevens: Michigan
LCD Soundsystem: LCD Soundsystem
Antony and the Johnsons: I am a Bird Now
Art Brut: Bang Bang Rock and Roll
Camera Obscura: Underachievers Please Try Harder

:: Atli 22:22 [+] :: ::
...

This page is powered by Blogger. Isn't yours?
:: gestir ::
Weblog Commenting by HaloScan.com