:: keipdúnkur atla bollasonar ::

:: miðvikudagur, desember 31, 2003 ::

Mig dreymdi ótrúlega skrítinn, sannfærandi og hálf-óhuggulegan draum í nótt. Samt skemmtilegan:
Þannig var mál með vexti að við Leó vorum á leiðinni heim einhversstaðar frá. Við vorum á labbi í Kópavogi hérna rétt hjá mér. Þar mætum við Jóni Árna (aka Nonna bónda) sem er líka á einhverju flakki og greinilega búinn að vera að skralla. Við spjöllum við hann, og hann býðst til að lána okkur bílinn sinn, hann geti ekki ekið sjálfur hvortsemer. Við þiggjum það og Leó sest undir stýri (þrátt fyrir skort á ökuleyfi). Bíllinn festist síðan hérna niður í Grundum, en við eigum stutt eftir, svo við ætlum bara rétt að losa hann. Þá koma aðvífandi þrír lögreglubílar, út stíga lögreglumenn sem taka Leó föstum höndum og leita í bílnum. Hann biður þá að gjöra svo vel, enda sé ekkert óhreint þar að finna. Honum bregður heldur betur þegar þeir finna poka fullan af e-töflum og kalla hann „þekktasta og versta dópdílerinn á svæðinu.“ Hann er beðinn um að mæta til yfirheyrslu næsta dag. Ég reyni hvað ég get til að halda uppi sakleysi hans, segi að þetta sé ekki einusinni bíllinn hans, hann sé ekki Einar Kárason (?) o.fl. Ég skil samt ekki hvernig allar þessar e-töflur komust í bílinn hans Nonna. Heldur álútir höldum við áfram heimleiðinni og Leó spyr hvort ég geti ekki komið með honum heim, hann sé hálfsmeykur við þetta og vilji ekki vera einn. Ég játa því. Stuttu eftir að við komum í Fossvoginn virðist leiðin heim til Leós með öllu ófær nema við brjótumst inn í Bjarmaland 6. Við gerum það, en til allrar lukku er enginn heima og húsið tómt. Þegar við komum út úr húsinu fer Leó aftur inn til að sækja skóna okkar. Ég sé hann ekki aftur, því systir minn er í þann mund að koma heim (ég bý í húsinu á móti) úr yfirheyrslu hjá lögreglunni í Kópavogi. Sjitt, hugsa ég, meiraðsegja hún er yfirheyrð. Ég fer að velta þessu öllu fyrir mér og kemst að þeirri niðurstöðu að Nonni sé raunverulega díler og hafi lánað okkur bílinn því hann vissi að löggurnar væru að leita að honum.
Síðan vakna ég.
En þegar ég sofna aftur gerist dáldið furðulegt. Ég segi Kára frá draumnum í nýjum draumi. Hann grípur fram í fyrir mér í miðri frásögn og klárar hana fyrir mig. Ég spyr hann hvernig hann vissi hvað myndi gerast. Hann segist hafa lesið þessa sögu. Hún sé eiginlega alveg einsog Operation Cobra (?, dönsk sakamálasaga). Ég játa því, og þá fer í gang hálfgert replay af mynd með Tom Cruise, þar sem hann leikur mann sem lendir í því að vera hafður fyrir rangri sök. Myndin innihélt mikið kynlíf, og í lok myndar var hún hálf heimspekileg stúdía um Bandaríkjamann í miðvesturríkjunum. Skrítnast er að mér finnst ég hafa séð þessa mynd áður, í draumi. Nokkuð spennandi mynd, og Krúsinn sýnir stjörnutakta.
Síðan vaknaði ég almennilega.

:: Atli 12:54 [+] :: ::
...

Hérna í Bjarmalandinu er til plata Bítlanna Let it Be frá árinu 1970 í mjög flottri útgáfu; hún er í sérstökum kassa og með fylgir sérstök mynda- og viðtalsbók. Þetta er upprunalega breska versjónin af þessari plötu. Ég sá alveg eins týpu á eBay áðan og það var búið að bjóða meira en 700 sterlingspund í hana. Það er meira en 100.000 kall. Hún virtist öllu betur farin en eintakið sem hér er til, en samt, við ættum að geta selt hana á svona 500 pund. Steikt.

:: Atli 18:22 [+] :: ::
...

Ekki veit ég hvernig okkur Orra datt í hug að sofa í Pöndunni í tíu stiga frosti í nótt. Það gerðum við nú samt.

:: Atli 15:30 [+] :: ::
...

Ég þáði:
Frá M&P:
* M-Audio Mobile Pre USB utanáliggjandi hljóðkort með nokkrum inn- og útgöngum; jack, minijack og XLR. Ómissandi fyrir lágmarkstónlistarvinnslu, sérstaklega í ljósi þess að útgangurinn á fartölvunni minni var ónýtur orðinn.
* Sennheiser HD-202 heyrnartól, ódýr og góð.
* Bleikan og svartan röndóttan síðerma bol.
Frá Svölu:
* The Hipster Handbook, einkar hentug bók um hvernig maður á að haga sér til að vera hip.
* Ársáskrift að tónlistartímaritinu Q. Jibbí!
Frá systkinum:
* 1000 hluta Kylie-púsluspil
* Jólabjórsokka, bjórplakat
* Bók um list frá 1945. (Movement in modern art since 1945, minnir mig að hún heiti)
* Náttbuxur
Frá Strákunum (Kára): Nærbuxur (?) og Pink Floyd-bol.
Frá Stelpunum (Völu): Flott bindi og Bókina um bjórinn.
Frá frænkum og frændum:
* Of stóran einlitan bol
* Prey e. Micheal Crichton
* Nafnspjaldahaldara
* Pening.
Frá Ömmu: Skyrtu og sokka.
•••
Ég gaf:
M&P: Des, píanómúsík leikin af Gunnari Gunnarssyni.
Svölu: Bol, Björk DVD, mynd, ljóð.
Sverri: Fast Food Nation e. Erich Schulz (minnir mig).
Brynhildi: Indírokkdiskinn Terror Twilight m/Pavement.
Guðríði: Drepið okkur e. Hugleik Dagsson.
Leó: Ástin á tímum kólerunnar e. Gabríel García Marquez (á ensku).
M&P sáu um gjafir handa ömmu og Einari og svona.
•••
Ég get ekki annað en prísað mig sælan með þessar gjafir, hefði þó verið til í geisladiska...fólk á ekkert að rembast við að vera frumlegt. Annars hafa þetta verið einkar sweet jól hingað til. Mikil rólegheit, tvö jólaboð, mikill matur. Öll familían á landinu, en það hefur ekki gerst síðan síðasta vetur. Jólafundur Sona Skallagríms annað kvöld, það verður partí. Svo er ég svona að gera árið upp, árslistar á leiðinni.

:: Atli 18:41 [+] :: ::
...

•Ég er svo gott sem hættur að nota aðrar staðsetningarforsetningar en oní og oná. Þannig hef ég undanfarið farið oní bæ og oná BSí. Skrítið.
•Fullt af fólki að útskrifast úr MH, m.a. hún Svala mín og Kári vinur minn og semi-dúx. Þannig var skrall á mér um helgina sökum veislna.
•Hitti einnig hressa MRinga í gær í hálftómri íbúð við Hverfisgötu. Það var ágætt. MRingarnir virtust flestir nokkuð ósáttir við skólann sinn og fyrirkomulag hluta þar, en þetta er svipað viðhorf og hjá Verzlingum; þeir keppast við að rakka eigin skóla niður. Þessi er öfugt farið með MHinga, en þeir segjast hæstánægðir með skólann, kennsluna, fólkið o.s.frv. Ég þekki allavega ekki annað.
•SAAB spiluðu á jólaballinu og heppnaðist vel. Mikið stuð og mikil keyrsla. Mikill þokki.
•Ég drakk í dag kaffi með Adda nokkrum sem var kenndur við Moðhaus hér í gamladaga, en trommar nú með hinni stórgóðu Ísídor. Hann var einkar indæll og ég þarf að stunda það oftar að setjast oná kaffihús með fólki sem ég þekki ekkert svo vel.
•Fyrsta rennsli af leikriti LFMH er lokið með tónlist. Reyndar vantar tónlist á nokkuð marga staði, en ég var nokkuð ánægður með það sem við vorum hvað ánægðastir með, og annað kom þægilega á óvart. Leikritið sjálft er hinsvegar mjög skrítið, hálf óþægilegt áhorfs, en það gæti breyst fyrir frumsýningu. Vona ég...
•Jólin eru svo á morgun og ég er eiginlega búinn með allt, þeas að taka til í herberginu mínu og kaupa jólagjafir. Mig vantar kannski eitthvað oggulítið í viðbót handa Svölu, eitthvað svona final touch. Ég veit ekki hvort ég kíki oní bæ í kvöld, þó ég geri það alltaf. Stormur og svona, skítaveður. Gái hvað krakkarnir segja. Annars óska ég lesendum mínum gleðilegra jóla og afsaka lága bloggtíðni sl. tvær vikur. Þetta er svona, þegar maður hefur nægan frítíma nennir maður ekki að blogga, en þegar allt er á fullu freistast maður til þess.

:: Atli 20:24 [+] :: ::
...

Hvað hefur drifið á daga mína?
Tja.
•Í fyrsta lagi hef ég uppgötvað beztu Net-afþreyingu í heimi. iSketch er nokkurskonar Pictionary á Netinu þar sem þú teiknar ýmsustu hluti handa fólki úti í heimi og reynir líka að giska á hvað hinir eru að teikna. Skemmtanagildið er ótrúlegt.
•Í öðru lagi hefur verið á mér nokkurt djamm að vanda. Sl. fimmtudag lauk ég prófum. Ég fagnaði því þó ekki sérstaklega, en á föstudaginn fór ég í partí heim til Hrafnkels rauða. Hann er toppgaur. Þetta var hálfgert pulsupartí framan af. Við Orri höfðum dregið með okkur þrjá brjálæðinga úr Mosfellsbænum og við vorum fyrst um sinn einir með húsráðanda. Síðan bættist í, en drengirnir voru orðnir hátt í tuttugu þegar fyrsta stelpan birtist. Ég var í stuði þetta kvöld, dansaði mikið og skemmti mér konunglega. Á laugardagskvöld var svo haldið í stórfélagsferð. Hvorki Orri né Leó né Kári létu sjá sig, enda eru þetta dræmir menn (ef maður á að kalla þá það) og beilerar. Ég lét það ekki aftra mér og við tók annað kvöld af dansi og drykkju og spjalli. Það var líka hálfgerð pulsu-stemmning í ferðinni þar eð ég eyddi mestum tímanum í að tala við karla um karlamál: kynlíf, kvenfólk, tippi, o.fl. Vel heppnuð ferð.
•Í þriðja lagi hef ég æft mikið með bandinu SAAB (sem ég vil reyndar kalla Silver eða The Silvers), en við munum koma fram annað kvöld á Broadway. Við byrjum uppúr hálfellefu, og þar sem húsinu er lokað klukkustund seinna, mæli ég með að fólk mæti á slaginu hálfellefu og fylgist með svitarokkdansiballsegamega-stemmningu. Við verðum með átta lög, þrjú frumsamin og hin bombur.
•Í fjórða lagi er ég búinn að sækja einkunnir nýliðinnar annar en þær dreifðust svona: EFN203: 8 / EÐL213: 8 / ENS493: 9 / ÍSL503: 9 / LÍK631: 10 / SPÆ303: 8 / STÆ31310. Ég get nú prísað mig nokkuð sælan með þetta, mellari upp á einhverja 8.75 (einingavegið). Ég þóttist þó alveg öruggur með níu í efnafræðinni, sjáum hvað klikkaði á prófsýningu á morgun.
•Í fimmta lagi hef ég verið ásamt Leó að semja tónlist fyrir leiksýningu LFMH, sem sett verður upp í Tjarnarbíói í janúar. Þetta er rosalegt challenge, og ég giska á að ekki verði komin endanleg mynd á þetta fyrr en einhverntímann í janúar. En skemmtilegt samt.
•Í sjötta lagi styttist í jólin og ég veit ekkert hvað mig langar í jólagjöf, eða þannig; mig langar bara í greinar af sama tré: hljóðkort fyrir lappann minn/nýja fartölvu, geislaspilara, geisladiska, rafmagnsbassa, trommusett, synthesizera ýmsa, effekta, Cubase VST/Logic Audio Pro/Pro Tools, míkrófóna o.fl. Allt nema geisladiskar og kannski rippuð/krökkuð versjón af einhverjum forritanna er yfir fjárhagslegri getu vina og vandamanna. Kannski að M&P blæði í hljóðkort eða geislaspilara. Allt hitt er eiginlega off.

:: Atli 22:07 [+] :: ::
...

Aaahhh...prófum er lokið. Mér gekk alveg fáránlega vel í öllu nema eðlisfræði og spái sjöu þar. Annars er ég eiginlega ekki alveg búinn, á eftir að ljúka lokaverkefni í Monty Python ensku. Ég, Svala og Siggi T tókum okkur til og útbjuggum The Official Unofficial Monty Python Board Game. Frekar svalt, svona quiz-þema, en líka allskonar atviksspjöld, einsog þetta:

Don’t read this card aloud. Try to get into an argument with your opponents. If someone raises his/her voice you can move two squares ahead. If you don’t succeed, you stay where you are.

Hrikalega skemmtilegt maður. Annars fór ég á rokk-æfingu í gær og við bjuggum til fáránlega gott lag sem sver sig mjög í ætt við Bítlana. Hlakka til að frumflytja það á miðvikudaginn.
•••
Ég fór ekki að sjá Muse í Laugardalshöll. Mér a) ofbauð miðaverðið b) var að fara í próf daginn eftir c) hef séð kappana áður, á Leeds festival - en það var stórskemmtileg hátíð. Þar tjilluðum við Leó og Orri í píkulitlu kúlutjaldi við hliðina á hálffertugu fólki sem virtist ekki fara á eina einustu tónleika, heldur sat allan tímann undir svona yfirtjaldi. Á móti okkur voru geysihressar stelpur á okkar aldri: Anna, Ashelynn (?), og ég man ekki fleiri nöfn í augnablikinu. Þær höfðu tekið með sér 16 e-töflur og voru nokkuð hressar allan tímann. Við bjuggum til nýtt orð í sameiningu: snickered og allskonar myndir þess: snickerization, snickeredness, snickery, snickerer o.fl. Merkingin er svipuð og wasted eða pissed. Orðið er að sjálfsögðu dregið af bandaríska sælgætinu Snickers. Málið var að við vorum búnir með allan peninginn okkar og biðraðirnar í hraðbankana (sem voru tveir eða þrír) virtust endalausar. Við Leó drifum okkur þó einusinni, biðum í sennilega eina og hálfa klukkustund, en þá neitaði hraðbankinn að taka við kortinu okkar, sennilega því það var útlent. Vonbrigði. Allavega, Leó fær að hringja hjá einhverri konu og hringir í mömmu sína til að fá pin-númerið á kreditkortinu sem hann var með í láni. Að því loknu fer hann aftur í hraðbanka-biðröðina, og er þá í svona þrjá tíma. Hraðbankinn neitaði að veita honum úttekt af útlendu kreditkorti. Þegar þarna er komið erum við ekki búnir að borða í meira en sólarhring. Stelpurnar gefa okkur Pepperami (svona Pepperonistautur í plasti) og Snickers og við dílum við hálffertuga fólkið um að við fáum að eiga restina af matnum þeirra þegar þau fara. Þau skildu bara eftir einhverja tómatsósu og steiktan lauk og eitthvað drasl. Eftir dáldinn tíma og ótrúlega svengd göngum við útaf hátíðarsvæðinu og í næsta bæ. Þar komumst við loksins í hraðbanka, tökum út pening og förum í verslunarkeðjuna Sainsbury's. Þar kaupum við okkur heilmörg baguette, kassa af Smirnoff ICE og smurost og eitthvað fleira. Setjumst síðan út og hámum þetta í okkur á nótæm. Djöfuls gleði var það maður. Endurnærðir (og endurdrukknir af öllum þessum vodkablöndum) höldum við aftur inn á svæðið og sjáum fleiri bönd, meiri músík. Mjög góð hátíð, við sáum m.a.: White Stripes, Weezer, Aphex Twin, Luke Vibert, Strokes, Prodigy, ...And You Will Know Us By The Trail of Dead, Jon Spencer Blues Explosion, A Hundred Reasons, Cooper Temple Clause, Foo Fighters, Pulp, Offspring, Slipknot (já, þeir voru jafnlélegir og maður ímyndar sér), Jane's Addiction, Cornershop, Sparta (minnir mig) og að sjálfsögðu Guns'n'Roses (eða handhafa nafnsins, Axl Rose + a bunch of loosers). Gott festival. Seinasta kvöldið var svo ein allsherjar bruni, ég gleymi því seint þegar ég fór á klósettið, en það var búið að læsa því og ég spurði tvo menn með mólótov-kokkteil hvað væri eiginlega í gangi. Þeir vissu það ekki. Við sofnuðum þessa seinustu nótt við söng lögregluþyrlna og óeirða.

:: Atli 12:06 [+] :: ::
...

Skandall að sjálfsögu að ég hafi gleymt að minnast á það að snemma á föstudagskvöldið síðasta fór ég ásamt Grétari í sánu. Þannig er mál með vexti að Grétar á það til að hringja í félaga sína og lokka þá með sér inn í vesturbæ og taka þá með sér í stórkostlega sánu sem þar er, en aðstaðan er öll hin besta. Þarna eru menn ýmist í fötum eða án fata, og koma saman til að slaka á og ræða málin. Þessi sána er alvöru stöff, þannig er lítil sem engin gufa í herberginu, einungis gífurlegur hiti. Maður verður ekki jafn lúinn og eftir venjulegt gufubað, meira bara svona ferskur. Þarna sátum við semsagt og spjölluðum (með hléum þó) í tæpar tvær klst. og hafði ég gaman af. Ég mæli með sánunni í Vesturbæjarlaug.

:: Atli 19:43 [+] :: ::
...

Þessi próf geta alveg farið með mann. Ég hef aldrei þjáðst af prófkvíða eða áhyggjum tengdum prófum, en ég hef heldur aldrei verið svona ótrúlega yfirvegaður og rólegur varðandi próf. T.d. stillti ég vekjaraklukkuna á 9 í morgun, ætlaði að taka þennan dag með trompi. Ég fór framúr kl. 12, eða þremur tímum seinna.
Í gærkvöldi var ég næstum dáinn úr leiðindum, efnafræðin var að gera útaf við mig. Helgin var samt ágæt, á föstudagskvöld drukkum við Orri gin saman og ræddum málin í rúmar sex klst. Á laugardagskvöld sá ég kvikmyndina Minority Report, en það hef ég aldrei gert áður. Skemmst er frá því að segja að mér fannst hún frábær og á hún fullt erindi inná topp 5 lista ársins 2002. Að því loknu leigði ég myndina Top Secret („I don't really speak German...“ „Oh, that's alright, I know a little German, he's sitting right over there...“) Þessu fer að ljúka - þrjú próf á þrem dögum - og svo er þetta búið. (leiðrétting: þá taka við próf í FÍH)
•••
Plötur prófanna:
Moog Cookbook: Ye Olde Space Band
The Strokes: Room on Fire
The Rapture: Echoes
Interpol: Turn on the Bright Lights
Belle & Sebastian: Dear Catastrophe Waitress
Monolithic Minds 2
Logical Progression
Blue Skied An' Clear
Super Furry Animals: Radiator, Rings Around the World
George Harrison: All Things Must Pass
The Notwist: Neon Golden
Pink Floyd: Piper at the Gates of Dawn
múm: Please Smile My Noise Bleed
o.fl...

:: Atli 15:39 [+] :: ::
...

Ég fór að ráðum bróður míns og tók próf á pólitíska áttavitanum og kom svona út. Næstum því alveg einsog Gandhi. Mæli með þessu sjitti, tekur svona 5 mín.
•••
Blogg án kommentakerfis er ekki nema hálft blogg. Þessu er beint til Balla Kri, Skítsins, Bróður míns og Nafna míns Viðars (nei, þetta spjalldæmi til vinstri er ekki jafngildi þess).
Annars blöskrar mér hár gæðastandard á bloggi Atla Viðars og Orra Tómassonar. Ég hef ekki lesið þessi blogg nógu mikið, en vonandi verður breyting þar á, þau eru hin ágætasta skemmtun. Atli Viðar kemur mér sífellt á óvart, ég held við gætum orðið góðir vinir ef þannig lægi við, áhugasvið okkar eru um margt afar sambærileg.

:: Atli 23:26 [+] :: ::
...

Í niðurlagi dóms Morgunblaðsins um nýútkomna ævisögu alkahólistans og fegurðardrottningarinnar Lindu Pétursdóttur, Linda: ljós og skuggar, stendur eftirfarandi: „En það sem eftir situr er hin sæmilegasta saga um fyllerí á frægum Íslendingi“. Þetta fannst mér tilefni til hláturs, þó á kostnað aumingja Lindu. Næstum því hráslagalegt af hálfu rýnandans. Svipað og veðrið úti núna.
•••
Hvað er málið með stelpur og hesta? Hestar eru stór, illa lyktandi og fnæsandi dýr með risatittlinga. Flestar stelpur fram eftir öllum aldri hrifnar af þessum fararskjótum, finnst fátt skemmtilegra en að fara á hestbak og pæla í gangtegundum. Þær hanga oní hesthúsi og dreymir um að einhverntímann verði þær nógu ríkar til að eignast hest. Þær sem koma af betri heimilum fá kannski einsog eitt folald í fermingargjöf. Flestar stelpur vaxa nú uppúr þessu ógeði, ætli þetta nái ekki hámarki í svona 9. eða 10. bekk, en svo eru þær sem ílengjast og neita að láta hestaáhugann sigla sína leið. Það þykir mér sérkennilegt.
•••
Minnið mig á hvaða plötur + bíó komu/munu koma út í ár.

:: Atli 18:47 [+] :: ::
...

The Matrix Revolutions er versta mynd sem ég hef séð í bíó síðan ég sá, ég veit ekki einusinni hvað, Air Bud 2? Það er allavega fyrsta myndin í sama flokki sem ég man eftir. Hún var allavega hræðileg, önnur myndin var slök, en komst ekki í hálfkvisti við þessa. Ég veit þetta er full seint í rassinn gripið („hehehe...,“ tókst honum að rymja út úr sér í bland við stunur), en sleppið því að sjá hana (þe. Matrix) ef þið mögulega getið.
•••

„Hefði ég efni á að gefa öllum íslendíngum tannbursta, mundi ég gera þjóðinni meira gagn en þótt ég skrifaði handa henni ódauðleg ljóð. En nú hef ég ekki efni á að kaupa hundrað þúsund tannbursta, og bið menn að afsaka það. Ég verð að láta nægja að skrifa bók.“

Svona kemst Halldór Laxness að orði í niðurlagi 4. kafla Alþýðubókarinnar. Stórskemmtilegt alveg.
•••
Í dag er víst akkúrat eitt ár liðið frá því að ég hóf bloggun á þessu veffangi. Áður hafði ég bloggað í þrjá mánuði á atlib.blogspot.com. Reyndar er bara ein færsla í desember 2002, ein í janúar 2003, engin í febrúar, og svo fer þetta að rúlla í lok mars. Margir virðast eiga ársafmæli þessa dagana, og margir eru líka að byrja þessa dagana - eitthvað jólatrend.

:: Atli 11:23 [+] :: ::
...