:: keipdúnkur atla bollasonar ::

:: velkomin :: bollason[hja]gmail.com :: plotusafn (gamalt) ::
[::..tenglar..::]
:: bolladóttir [>]
:: brissó [>]
:: tobbi túkall [>]
:: pjotr-beikon [>]
:: oddur [>]
:: halastjarnan erla [>]
:: steini teague [>]
:: kalli (aka sverrir) [>]
:: bragi málefnalegi [>]
:: heklurnar [>]
:: sandra sello [>]
:: dagga [>]
:: orri tomasson [>]
:: atli vidar [>]
:: doddeh [>]
:: doktor sindri [>]
:: daily photo [>]
:: ragga sturlada [>]
:: baldur.april.is [>]
:: alma [>]
:: stígur lýgur [>]
:: krummi [>]
:: heilagur hrafn [>]
:: dagar puka [>]
:: the big jko [>]
:: sólveig helgabarn [>]
:: kpt. kata litla [>]
:: sólberg [>]
:: steindór [>]
:: kommóðan [>]
:: biggi [>]
:: frikki [>]
:: herra garðar [>]
:: steinþór helgi [>]
[::..gamalt..::]
12/01/2002 - 01/01/2003 01/01/2003 - 02/01/2003 03/01/2003 - 04/01/2003 04/01/2003 - 05/01/2003 05/01/2003 - 06/01/2003 06/01/2003 - 07/01/2003 07/01/2003 - 08/01/2003 08/01/2003 - 09/01/2003 09/01/2003 - 10/01/2003 10/01/2003 - 11/01/2003 11/01/2003 - 12/01/2003 12/01/2003 - 01/01/2004 01/01/2004 - 02/01/2004 02/01/2004 - 03/01/2004 03/01/2004 - 04/01/2004 04/01/2004 - 05/01/2004 05/01/2004 - 06/01/2004 06/01/2004 - 07/01/2004 07/01/2004 - 08/01/2004 08/01/2004 - 09/01/2004 09/01/2004 - 10/01/2004 10/01/2004 - 11/01/2004 11/01/2004 - 12/01/2004 12/01/2004 - 01/01/2005 01/01/2005 - 02/01/2005 02/01/2005 - 03/01/2005 03/01/2005 - 04/01/2005 04/01/2005 - 05/01/2005 05/01/2005 - 06/01/2005 06/01/2005 - 07/01/2005 07/01/2005 - 08/01/2005 08/01/2005 - 09/01/2005 09/01/2005 - 10/01/2005 10/01/2005 - 11/01/2005 11/01/2005 - 12/01/2005 12/01/2005 - 01/01/2006 01/01/2006 - 02/01/2006 02/01/2006 - 03/01/2006 03/01/2006 - 04/01/2006 04/01/2006 - 05/01/2006 05/01/2006 - 06/01/2006 06/01/2006 - 07/01/2006 11/01/2006 - 12/01/2006 12/01/2006 - 01/01/2007 01/01/2007 - 02/01/2007 02/01/2007 - 03/01/2007 03/01/2007 - 04/01/2007 04/01/2007 - 05/01/2007 05/01/2007 - 06/01/2007 06/01/2007 - 07/01/2007 07/01/2007 - 08/01/2007 10/01/2007 - 11/01/2007 11/01/2007 - 12/01/2007 12/01/2007 - 01/01/2008 01/01/2008 - 02/01/2008 02/01/2008 - 03/01/2008 03/01/2008 - 04/01/2008 04/01/2008 - 05/01/2008 05/01/2008 - 06/01/2008 06/01/2008 - 07/01/2008 08/01/2008 - 09/01/2008 09/01/2008 - 10/01/2008 01/01/2009 - 02/01/2009 02/01/2009 - 03/01/2009 04/01/2009 - 05/01/2009 12/01/2009 - 01/01/2010

:: þriðjudagur, júní 29, 2004 ::

Ég ligg, alveg fáránlega slakur á því, uppí rúmi hjá mér. Ég hlýt að teljast mjög ferskur, því ég er nýkominn úr sturtu, nýkominn heim úr vinnunni og er að hlusta á Led Zeppelin. Ástæðan fyrir því er nýbirtur listi Pitchforkmedia yfir 100 bestu plötur áttunda áratugarins, en hann hlýtur að teljast skyldulesning fyrir alla sanna tónlistaráhugamenn.
Ástæðan hins vegar fyrir þeim langa tíma sem hefur liðið frá síðustu færslu er ókunn. Mig hefur einfaldlega ekki gripið löngunin til þess að blogga - og fátt er leiðinlegra og andlausara en blogg sem er einvörðungu ritað af skyldurækni, ekki satt?
•••
Einhver Lesandi fór þess á leit við mig að ég lýsti hefðbundnum vinnudegi hjá mér. Það er lítið mál. Ef um er að ræða dag þar sem ég er með fræðslu, þá vakna ég yfirleitt nokkuð snemma, því hingað til hafa fræðslurnar átt sér stað í öðrum bæjarfélögum en Reykjavík. Síðan er ekið á staðinn og krakkarnir sem á að fræða kannaðir. Þeim er síðan skipt í hópa (yfirleitt af handahófi) og því næst er farið í upphitunarleiki. Þegar krakkarnir eru farnir að hlæja og hreyfa sig þá setjumst við niður og gerum tilraun til að kynnast þeim stuttlega með því að heyra hverju þau hafa áhuga á o.s.frv. Í framhaldi af því ræðum við við þau um sjálfsmynd einstaklingsins og ábyrgðina sem hver verður að taka á eigin lífi. Síðan ræðum við um hvað sem krakkarnir vilja; fordóma, vímuefni, kynlíf, geðraskanir o.fl. Umræðurnar eru þó reglulega brotnar upp með leikjum, margir hverjir sem hafa tilgang og/eða boðskap tengdan umræðuefnunum.
Ef ég á hins vegar ekki að fara í fræðslu þann daginn þá sinni ég öðrum erindum Jafningjafræðslunnar niður í Hinu húsi. Sl. daga hefur t.d. verið mjög vinsælt að skipuleggja götuhátíð Jafningjafræðslunnar sem átti að fara fram sl. laugardag, en var frestað sökum hvassviðris. Hún verður nk. fimmtudag, fyrsta júlí, milli kl. 16 og 18, og þar munu koma fram ýmsar hljómsveitir, t.a.m. Dáðadrengir, Mammút og Ragnheiður Gröndal. Þarna verður líka ókeypis nammi og smokkar og meira húllum hæ.
•••
Í gærkvöldi sá ég Eternal Sunshine of the Spotless Mind - aftur. Hún var alveg jafn góð, sennilega betri, í seinna skiptið.
•••
Ég lenti í mesta hryllingi lífs míns (eða þannig) á sunnudaginn. Þannig var mál með vexti að mér bauðst að kaupa miða til Kaupmannahafnar á tíuþúsund krónur, fram og tilbaka. Þarna sá ég í hendi mér tækifæri til þess að drífa mig á Hróarskeldu, enda heillaði line-uppið mig umtalsvert. Þess vegna bað ég yfirmann minn, Ingibjörgu, um frí í nokkra daga. Hún var frekar tæp á því en sagðist þó ætla að skoða málið. Um hádegisbil á sunnudeginum er hún búin að sjá út að hún megi missa mig í nokkra daga og reynir að hringja í mig. Ég, sem hafði farið í fámennt en góðmennt og skemmtilegt partí til tvíburanna kvöldið áður og gleymt símanum mínum heima, vissi ekki til þess því ég hafði farið heim til Svölu um nóttina. Það var ekki fyrr en um kl. fimm sem ég sé að Ingibjörg hefur verið að reyna að ná á mig. Ég hringi snöggvast til baka og hún tilkynnir mér að ég megi fara ef ég vilji. Ég dríf mig þá að hringja í konuna sem bauð mér þetta ódýra fargjald en hún tjáir mér að seinustu fimm sætin hafi farið í dag (sunnudag). Þá féll ég saman. Ef ég hefði bara munað eftir símanum mínum, eða ekki gist hjá Svölu, þá væri ég núna í góðu yfirlæti á tjaldstæðinu við Hróarskeldu í félagi við svona 25 félaga mína. En nei...hér sit ég hálfnakinn í rúminu og blogga...

Plötur er ómögulegt að telja upp allt aftur til síðustu færslu, en svona allra síðustu daga erum við að tala um:
Air: Talkie Walkie:
Led Zeppelin: II, III og IV
Beastie Boys: Licensed To Ill
Unicorns: Who Will Cut Our Hair When We're Gone?
TV on the Radio: Young Liars
Velvet Underground: Loaded
Franz Ferdinand
Nuyorican Soul
Yes: Fragile

:: Atli 17:06 [+] :: ::
...
:: föstudagur, júní 18, 2004 ::
Einhver albesta bloggfærsla mín er af djammreynslu í miðbænum sem ég átti fyrir tveim sumrum síðan. Hún hefur birst á mörgum stöðum, ég sendi hana t.d. inn í Beneventum og þar birtist hún, talsvert breytt, sem greinin Blogga, blogga, blogga. Addi Bé, sem er gaur úr Blesugrófarkrúinu (var uppá sitt besta anno 1996), og nú útskrifaður Verzlingur endurbirti það svo að hluta á sínu eigin bloggi nýlega, því að þar var talað um hann sjálfan. Einmitt í þeim hluta tala ég um reynslu sem ég varð fyrir mjög ungur að árum. Ég og fyrrum besti vinur minn Atli Kristófer (hvern ég hitti einmitt aðfaranótt 17. júní í félagi við tvö systkina sinna - ég sé mig, Sverri, og Brynhildi í anda á djamminu saman...) höfðum krotað óyrði um vin okkar á hús í Grundarlandi. Umræddur Addi Bé og félagar hans koma á svæðið
og skipa okkur að stroka þetta út. Hóta að lemja okkur annars. Við þorum ekki öðru og byrjum að stroka út, stjarfir af hræðslu, alveg þangað til að þeir eru úr augsýn. Í framhaldi af þessu kölluðum við þessa stráka the Eraser guys, enda vorum við svo klárir í ensku. (Atli Bollason, 2002)
Þessi upprifjun á sér öll saman mjög ómerkilegar ástæður. Ég fór í félagi við Svölu, kærustuna mína, að sjá kvikmyndina Eternal Sunshine of the Spotless Mind í vikunni, og þar er lítill hópur manna einmitt nefndur þessu nafni, the Eraser Guys. Mér fannst þetta allavega pinkulítið merkilegt. Annars var þessi mynd alveg frábær og ég mæli með henni fyrir alla sem fíla gott bíó.
***
Þá eru Nortón komnir í sumarfrí eftir fjölmenna tónleika á Ellefunni í gærkvöldi. Kári heldur til Kúbu á sunnudaginn. Það þykir mér mjög leiðinlegt, því mér finnst í fyrsta skipti einsog fólk sé virkilega að fíla okkur - Freyr Eyjólfsson á Rás 2 missti sig náttúrulega yfir okkur síðustu helgi, bauð okkur öllum í glas - oft -og vinum okkar líka, og sagði að við værum uppáhaldshljómsveitin hans. Það kitlaði mann dálítið. Skiljanlega.
***
Ég auglýsi hér með eftir fyrsta flokks partíi í heimahúsi. Það mætti halda að vegna þess að nú séu flestir vinir manns loksins komnir með aldur til að hljóta inngöngu á skemmtistaði, þá þurfi ekkert að halda partí lengur. Þetta er háalvarlegur misskilningur, og ef hann verður ekki leiðréttur von bráðar þá má túlka þessi orð sem bón um að kunningjar mínir sem eru yngri að árum komi mér til bjargar og ég fái símtöl þess efnis að mér sé boðið í partí. Partí af sama kalíber og nýafstaðið afmæli Tyrfings Tyrfingssonar væri ekki leiðinlegt. Það kitlaði mann líka dálítið. Skiljanlega.

Plötur seinustu daga eru svo margar að ég man þær ekki allar, en hér er svona smá rundown:
Outkast: The Love Below
Franz Ferdinand
The Rapture: Echoes
Unicorns: WWCOHWWG?
Strokes: Room on Fire
M83: Dead Cities, Red Seas & Lost Ghosts
Blue Break Beats, volume one
TVotR: Young Liars
Isan: Lucky Cat
Prefuse 73: Extinguished: Outtakes

:: Atli 21:01 [+] :: ::
...
:: miðvikudagur, júní 16, 2004 ::
Mér er sagt að ég sé mjög líkur einhverjum Johnny "Fairplay". Stenst það?
•••
Nortón á Ellefunni annað kvöld. Ég býst við slatta af fólki, svo þetta er kjörið til að hrista sig aðeins og hita upp fyrir helgina.

:: Atli 18:51 [+] :: ::
...
:: föstudagur, júní 11, 2004 ::
Rosalega góð vinnuvika senn á enda. Hljómskálagarðurinn hefur verið nýttur geysivel, næg ástæða til, sólin hefur skinið einsog ég veit ekki hvað, og garðurinn verst nýtta svæði borgarinnar (að flugvallarsvæðinu undanskildu). Ég hef aukið á brúnkustig mitt. Fór í sund í dag með sæg fólks sem á það allt sameiginlegt að vera mjög indælt. Það fannst mér mjög gaman - og vildi að þessi hópur gæti orðið samrýmdari og starfað betur í smærri einingum. En kannski er ég fyrst og fremst að tala fyrir sjálfan mig.
Mamma og Pabbi sáu Paul McCartney troða upp í gærkvöldi. Það hlýtur að teljast feitt.
Ég vil hvetja ykkur, margfalt, til þess að sjá Nortón á a) GrandRokk á laugardaginn, b) einhverju kaffihúsi í Hafnarfirði á sunnudaginn og c) Ellefunni á 17. júní.
Ég er hæstánægður með umræðurnar sem spunnust eftir löngu færsluna hér að neðan. Ég hef aldrei fengið fleiri en 60 kóment (hvað þá 20), svo þetta er alveg frábært.
Óskum henni Svölu minni til hamingju með að hafa bombast inn í Myndlistarskólann í Reykjavík án teljandi vandræða. Þetta er snillingur sem við erum að tala um.

Plötur
Album Leaf: One Day I'll Be On Time
Velvet Underground: Loaded
Slowblow: Nói Albinói
Sofandi: Ugly Demos

:: Atli 00:35 [+] :: ::
...
:: þriðjudagur, júní 08, 2004 ::
Þið vitið öll hversu gaman ég hef af því að deila ást minni á hinum og þessum listaverkum með ykkur, og nú er enn á ný komið að slíku. Ég var að ljúka við að horfa á kvikmyndina Buffalo 66, en þetta er eitthvað albesta kvikmyndaverk sem ég man eftir. Geysilega falleg og grátbrosleg ástarsaga sem malar flest annað sem er í boði. Einlægnin drýpur af hverjum ramma.
Nú er ég náttla búinn að hækka væntingarnar alltof mikið svo það er óumflýjanlegt að þið verðið fyrir vonbrigðum, svo ég tek allt saman tilbaka. Þetta var ömurleg mynd. Og mig langar ekkert til að vera einsog Vincent Gallo, þó hann hafi skrifað hana, leikstýrt og leikið aðalhlutverkið, samið og flutt tónlistina, gefi út plötur hjá Warp, hanni geisladiska, komi fram í tónlistarmyndböndum og lifi samkvæmislífi með súperstjörnum á borð við Jack White og P. Diddy. Ekki neitt. Þetta er örugglega hræðilegt líf.

Plötur
Sonic Youth: Washing Machine
Sonic Youth: Murray Street
(í tilefni af útkomu Sonic Nurse)

:: Atli 01:12 [+] :: ::
...
:: sunnudagur, júní 06, 2004 ::
Það hafa spunnist mjög líflegar umræður í kóment-þræði síðustu færslu, og ég hvet fólk til að taka þátt. Ég þurfti meiraðsegja að hluta eitt kómentið mitt í þrjá hluta, því mér var tilkynnt að þúsund orð væru hámarkið.
Annars nýtti ég helgina í það að vera í kringum vini mína. Ég og Orri tókum smá sóló á föstudagskvöldið, en á laugardagskvöldið, eftir góðan rúnt í bænum með meðnorturum mínum og stuttmyndakeppni GrandRokk, kíkti ég heim til píanóleikarans Ólafs Elíassonar. Þar voru samankomnir karlar á öllum aldri til þess að leika spilið Diplomacy, en það er landfræðilegur stríðsleikur, sambærilegur við Risk, en samt allt öðruvísi. Ég og Grétar mynduðum teymi. Þetta var mjög áhugavert, en um eittleytið kíkti ég á tónleika á GrandRokk. Ég lagðist svo til svefns um kl. 6 í morgun.
Ég held að Logi Karlsson sé að elta mig, en ég er búinn að hitta hann þrjá daga í röð víðsvegar um bæ. Fyrst útí háskóla (þar sem ég innritaði mig í almenna bókmenntafræði...), svo á Kaffibarnum og í dag hitti ég hann í sundi. Dularfullt. Eða ekki.

Plötur
Super Furry Animals: Guerilla
The Rutles
Belle & Sebastian: The Boy With The Arab Strap
Love: Forever Changes
John Coltrane: A Love Supreme
Mugison: Lonely Mountain
Prefuse 73: Extinguished: Outtakes
The Strokes: Room on Fire

:: Atli 18:42 [+] :: ::
...
:: fimmtudagur, júní 03, 2004 ::
(Varúð! Þessi færsla er nokkuð löng. Ég mæli með því að hún verði hlutuð huglægt og lesin á þrem dögum, sem þrjár aðskildar færslur - til þess að viðhalda athygli og almennum ferskleika.)
•••
Djöfulsins. Pælið í þessu: Ég er í vinnunni og það er einhver maður að reyna að ná á mig af mikilli áfergju í miðjum fyrirlestri, svo ég get ekki svarað. Þegar ég hringi svo í númerið að vinnu lokinni kemur í ljós að þetta var hjá lögreglunni í Reykjavík. Ég kannast ekki við að þekkja neinn sem þar vinnur og er ansi hissa. Stuttu síðar nær móðir mín á mig og tjáir mér að það hafi verið tekinn fastur maður í Kringlunni fyrir smáþjófnað - það væri nú ekki í frásögur færandi nema vegna þess að á manninum fannst bankaávísun upp á 25.000 kr., stíluð á mig. Óli frændi minn gaf mér einmitt svona ávísun í stúdentsgjöf og ég tók nokkuð að ókyrrast. Ég hef samband við lögregluþjónana sem höfðu haft af manninum og segi þeim að ég kannist ekkert við að hafa látið þessa ávísun af hendi og mér sé nokkuð órótt því seinast þegar ég hafi séð hana hafi hún verið í mínu eigin herbergi - örugg. Þegar ég kem heim uppgötva ég að allur sá peningur sem ég fékk í stúdentsgjöf, þónokkur upphæð, er horfinn. Ég tilkynni lögreglunni það. Þegar við í fjölskyldunni bíðum þess að lögreglan komi og taki af mér skýrslu og kanni aðstæður veltum við því fyrir okkur hvað hafi gerst, því þessi peningur var það eina sem vantaði í íbúðina. Við getum okkur þess til að maðurinn hafi teygt sig inn um opinn glugga á herberginu mínu og þreifað fyrir sér, fundið umslögin og haft á brott. Við kíkjum út í garð, til þess að kanna hversu sennileg þessi kenning er, og viti menn, þar sjáum við að troðið hefur verið á grasi undir glugganum og í beðinu liggja umslögin öll - galtóm. Þetta sýnum við lögreglunni, tveimur lögregluþjónum, einum rannsóknarlögreglumanni og einum frá tæknideild lögreglunnar. Þeir tjá okkur að tryggingar eigi oft erfitt með að bæta reiðufé. Andskotinn. Og ef glæpurinn sannast á glæpamanninn (Pétur Inga Pétursson, fæddan 1981), þá er vissulega hægt að setja fram bótakröfu, en líkurnar á því að síbrotamaður geti reitt upphæðina fram eru óverulegar og ég ætti ekki að gera mér vonir um að ég fái peningana endurgreidda. Helvítis. Þetta finnst mér ótrúlegt. Maður er bara rændur, og maður er bara rændur. Ekkert hægt að gera. Mér finnst þetta oft svipað með líkamsárásir, maður er laminn og maður er bara laminn og ekkert þannig séð hægt að gera í því, hinn gæjinn þarf kannski að borga 20.000 kr. og síðan lemur hann þig meira. Þetta var allavega mjög ljótur blettur á annars fallegum degi og í raun er það mjög óhuggulegt að hugsa til þess að einhver hafi hreinlega rekið höndina inn um gluggann því hann var ólæstur og það voru gjafir í glugganum, og óhræddur haft eigur mínar með sér á burt. Oj. Auk þess var þetta umtalsvert fjárhagslegt tap.
•••
Ég er hæstánægður með ákvörðun forseta Íslands um að skrifa ekki undir ógeðslegt fjölmiðlafrumvarp Davíðs Oddssonar. Þetta var söguleg ákvörðun, og kannski í fyrsta og eina skiptið sem forsetinn beitir þessu valdi sínu. Einnig er áhugavert að ef lögunum verður hafnað í þjóðaratkvæðagreiðslu, þá jafngildir það vantraustsyfirlýsingu á ríkisstjórnina og þá hlýtur að þurfa að rjúfa þing og boða til kosninga. Þá ættu stjórnarflokkarnir að komast frá og nýjir og betri (hrokalausari og minna valdasjúkir) dagar að taka við. Þetta er sannkallaður hvalreki fyrir áhugamenn um stjórnmál.
Heimskir sjálfstæðismenn sem verja allt sem heilagur Davíð skipar fyrir um munu halda því fram að persónulegt mat forsetans eigi ekki að standa í vegi fyrir vilja þingsins (vilja þjóðarinnar). En það sem Ólafur, sem ég er svo ánægður með, gerir svo vel, er að hann tekur ekki afstöðu til frumvarpsins sjálfs, og er þ.a.l. ekki vanhæfur til þess að fjalla um það. Hann skynjar hreinlega ósamstöðu í þjóðfélaginu og skýtur því þar með til þjóðaratkvæðagreiðslu. Þetta þýðir ekki að hann hafni lögunum - heldur að hann telji betra að þjóðin ákveði sjálf, án afskipta ráðamanna, hvort hún vilji setja svona prívatreglur handa forsætisráðherra á förum.
•••
Jafningjafræðslan er rosa skemmtileg. Mjög indæll hópur og mikið stuð og mikið gaman. Þetta vekur mann til umhugsunar um ýmislegt. Fjörugar umræður. Ég tel hiklaust að ég komi bættari maður út úr þessu. Og ríkari. Sérstaklega þar sem ég var rændur í dag. En samt ekkert svo ríkur (vond borgun).
•••
Síðustu daga hef ég gert nokkuð af kvikmyndaáhorfi. Treilerar og plott myndarinnar The Day After Tomorrow (eða einsog einhverjir snillingar nefndu hana á íslensku; Ekki á morgun, heldur hinn...) heillaði mig. Ég vissi að um væri að ræða svona amerískan blokkbuster, en mig grunaði að meira væri í hana spunnið. Þegar fréttist af jákvæðum dómum (ég tek yfirleitt mikið mark á dómum...en það er efni í heila færslu á lengd við alla hluta þessarar) varð ég enn spenntari. Svo ég dreif mig. Og sé ekki eftir því. Þetta er mikil rússíbanareið, tæknibrellurnar ótrúlega flottar, hörmungarnar umhugsunarverðar, skeytingarleysi stjórnvalda kunnulegt og spennan í hámarki. Myndin er laus við patríótismann, væmnina og one-lænerana sem einkenndu t.d. Independence Day. Og ég vil að þið vitið að ég horfi yfirleitt bara á listrænar myndir. En þið vitið það örugglega hvortsemer.
Síðan sá ég tvær myndir, báðar í þriðja skiptið. En það var í góðu lagi því þær eru báðar andskoti góðar. Mjög sambærilegar, og virka í raun mjög vel saman, því umfjöllunarefnin eru alls ekki ólík. Þó önnur gerist á áttunda áratugnum og hin á níunda, þá lýsa þær báðar lífi high-school nema í úthverfum bandarískrar borgar og leggja rosalega mikið upp úr stemmningu - að ná andanum sem ríkir á umfjöllunartímanum. Ég er viss um að þeir sem „voru uppi“ á þessum árum (annars vegar 8. og hinsvegar 9. áratugnum) ná mjög vel að tengja sig við stemmninguna sem er dregin upp í þessum myndum. Einnig eru báðar myndirnar sveipaðar mikilli dulúð - sérstaklega aðalpersónurnar. Tónlist er nokkuð stór faktor í báðum myndunum.
Er einhver búinn að sjá út hvaða myndir þetta eru?
Hmmm...
The Virgin Suicides og Donnie Darko. Þetta eru veislur fyrir augað og hugann, og batna bara eftir því sem maður sér þær oftar. Ég er eiginlega meira fyrir þessa fyrrnefndu (þó ekki nema væri fyrir óyfirstíganlega fegurð Kirsten Dunst), þó sú síðarnefnda sé líka í sérflokki. Áhugasömum er bent á að sérstakt directors cut af Donnie Darko var frumsýnt á kvikmyndahátíð í Seattle 29. maí sl. Það er örugglega áhugavert.

Plötur
The Notwist: Neon Golden
Rather Interesting: Brown
The Unicorns: Who Will Cut Our Hair When We're Gone?
Miles Davis: Sketches of Spain
Prefuse 73: Extinguished: Outtakes

:: Atli 00:29 [+] :: ::
...

This page is powered by Blogger. Isn't yours?
:: gestir ::
Weblog Commenting by HaloScan.com