:: keipdúnkur atla bollasonar ::

:: mánudagur, september 19, 2005 ::

Allir lesa núna. Hann orðar svo vel það sem svo mörg okkar eru að hugsa.

:: Atli 20:36 [+] :: ::
...

Hver er með Belle & Sebastian DVD diskinn minn?

Plötur
Animal Collective: Sung Tongs
Flís: Vottur
Brian Wilson: SMiLE
Camera Obscura: Underachievers Please Try Harder

:: Atli 19:07 [+] :: ::
...

Í gær var ég staddur á Sirkus fremur árla kvölds. Ég var að tala við Svölu og bróður minn um það hversu spúkí það væri þegar að dyravörðurinn færi úr dyrunum, því að dyrnar á Sirkus eru læstar bæði að innan og utan. Við vorum sammála um að ef út brytist eldur inni á staðnum og dyravörðurinn væri víðs fjarri gæti stórslys hlotist af. Ég bætti við: „Auk þess held ég að það sé ekki spurning um hvort, heldur hvenær það kvikni í Sirkus“.

Bróðir minn hringdi í mig fyrir svona hálftíma og sagði mér að það hefði komið upp eldur á Sirkus í dag. Ég og Svala löbbuðum niður eftir og sáum slökkviliðsbílana að hverfa á brott. Skemmdirnar virtust ekki stórvægilegar, mestar eftir reyk og vatn. Það kviknaði í klæðningunni utan á húsinu, og mér var tjáð að sennilega væri um að ræða íkveikju.

Skrítnar þessar tilviljanir maður.

(Skoða mynd)

:: Atli 19:10 [+] :: ::
...

Þetta er 400. færslan sem ég rita á keipdúnkinn. Hún fjallar um það hversu gaman það var á Franz Ferdinand tónleikunum í gær og hvernig ég náði loks tali af bassaleikaranum Bob Hardy, sem ég var búinn að vera í tölvupóstsamskiptum við. Því miður tjáði hann mér það að hljómsveitin verði búin að gefa yfirgefa landið í kvöld og af þeim sökum mun hún ekki geta leikið í partíi í Bjarmalandi 4. Það er synd, því þeir sýndu það og sönnuðu í gær að maður þarf ekki að gera mikið til þess að setja kraftmikið rokksjóv á svið.

Plata
Franz Ferdinand: Franz Ferdinand

:: Atli 12:32 [+] :: ::
...

Þó að ég hafi ekki enn heyrt frá Franz Ferdinand með hvort þeir ætli að spila heima hjá mér annað kvöld, þá held ég enn í vonina. Það er allavega ekki óhætt að blása neitt af fyrr en um sjöleytið á morgun... En ég er á leiðinni á tónleikana í kvöld. Er eitthvað fyrirpartí? Nenniði þá að bjóða mér? Djöfull er líka nýja lagið þeirra „Do You Want To?“ gott. Ekkert breakthrough, bara skemmtilegur partíslagari. Ég er að pæla í að hlusta bara á Franz Ferdinand í dag svo að ég verði massíft með á nótunum í kvöld.

Annars var Orri félagi minn að kveðja mig fyrir augnabliki síðan. Hann heldur til Kanada seinna í dag og kemur aftur einhverntímann næsta sumar. Háskólaborgin Ottawa verður hans hýsill næsta árið, en þar hyggst hann leggja stund á hjúkrunarfærðinám ásamt einhverju öðru skemmtilegu. Það verður skrítið að vera án Orra, enda er það maður sem ég get yfirleitt stólað á þegar mig langar að drekka bjór með einhverjum. Vinir mínir nær og fjær! Þetta þýðir að þið verðið að taka við þeirri ábyrgð sem hefur hvílt á herðum Orra hingað til: verið sífellt viðbúnir símtali frá mér.

Þetta er líka síðasti dagurinn minn í Grapevine búðinni, en ég held áfram að vinna hjá kvikmyndahátíðinni með skólanum, en hann hefst einmitt á mánudaginn. Ég hlakka til, enda kúrsar einsog feminískar bókmenntarannsóknir, stefnur í bókmenntafræði, ljósmyndir og texti og þýskar kvikmyndir 1975-2005 ekkert slor.

Sá raftónleika á Ellefunni í gær. Djöfull er íslenska bandið Plat fáránlega gott. Ég var alveg hrifinn af plötunni þeirra Compulsion en hún kemst ekki í hálfkvisti við live-stöffið þeirra. Það var svo mikið að gerast alltaf, og þeir náðu svo góðum balans milli hávaða og blíðra tóna að menn einsog Squarepusher og Four Tet mega fara að gæta sín.

Plötur
M83: Dead Cities, Red Seas & Lost Ghosts
Micheal Jackson: Off the Wall
Mu: Afro Finger and Gel
Yes: The Yes Album, Fragile
DJ Shadow: Endtroducing....
Jóhann Jóhannsson: Englabörn

:: Atli 12:16 [+] :: ::
...