:: keipdúnkur atla bollasonar ::

:: miðvikudagur, febrúar 25, 2004 ::

Lagningadagar hefjast á morgun (í dag). Það þýðir að venjuleg kennsla er aflögð og upp tekin námskeið ýmis í staðinn. T.d. hygg ég á fyrirlestur hjá Samma í Jagúar um fönktónlist kl. 11 og kvikmyndafyrirlestur með Skara skrípó kl 12. Ég spila með hljómsveitinni Dixon (áður SAAB) á kaffihúsi Lagningadaga kl. 14 og aftur um kvöldið á Ellefunni ásamt sveitunum The Gimmicks, ótrúlega svölu koverbandi; og Sound of Music, sem ég hef aldrei heyrt í. Á fimmtudaginn kíki ég sennilega á fyrirlestur Kents tækjavarðar sem ber heitið What am I doing in Iceland? og hlýði á Arnar Eggert segja frá heimspekinni í Simpsons. Þá hef ég lokið mætingaskyldu minni og ríflega það. Mjög nice, jafnvel sweet.
Ekki svo sweet er hinsvegar sú staðreynd að lögreglan hafi stöðvað mig núna rétt áðan þar sem ég var að aka heim frá Svölu. Málið er að nýlega voru gerðar breytingar á götunni hennar í Hafnarfirði, þannig að til að komast út á stofnbrautina þarf að aka nokkra vegalengd. Mun auðveldara er þó að svindla sér ofurlítið, aka móti einstefnu eitt augnablik, og spara þannig mikið erfiði. Þessu var löggan sem sá mig að störfum ekki sammála. Helvísk. Vonandi þarf ég bara ekki að borga neitt...yeah right...

:: Atli 01:22 [+] :: ::
...

Þá er kallinn búinn að vera í London. Það var helvíti gott. Labbað á daginn og drukkið á kvöldin. Ég gekk um Soho og Notting Hill og Camden Town og Tate Modern og British Museum og Abbey Road og Piccadilly og Seven Sisters og fleira. Yfirlýstur tilgangur ferðarinnar var að fara á Air tónleika á miðvikudagskvöldinu. Skemmst er frá því að segja að það voru rosalega skemmtilegir tónleikar, mest af nýju plötunni og 10.000 Hz Legend (sem er geysilega vanmetin plata) sem var bara af hinu góða. Moon Safari fékk mest pláss í uppklappinu, þá heyrðust Sexy Boy og fyrsta lagið (sem heitir eitthvað á frönsku) kláraði kvöldið á eftirminnilegan hátt. Eitt lag af Virgin Suicides flaut með og annað af EP-safninu þeirra. Þeir voru með tvo hjálparkokka á sviðinu; hljómborðsleikara og trommu/bassaleikara. Einhver NYC hljómsveit sem bar nafnið Joy Zipper hitaði upp tónleikagestum til mikilla leiðinda, þetta var hræðilegt band. Kvöldið áður villtumst við hálfpartinn inn á tónleika með Blonde Redhead ásamt TV on the Radio. Þetta voru líka rosalegir tónleikar og gáfu Air ekkert eftir - náttúrulega meira rokk. Sérstaklega var gaman að hitta strákana úr TVotR aftur og heyra hvað þeim hefur farið rosalega mikið fram síðan í október. Við ætluðum að fara á tónleika með The Vines á fimmtudeginum, en það var uppselt. Við héldum okkur hin kvöldin á ýmsum börum, gjarnan í Camden Town; en líka í Soho og Austur-London, við Underground stöðina Old Street. Við enduðum þar fyrsta kvöldið eftir að hafa séð þrjá gaura með sítt hár og í trendy jökkum og spurðum hvort við mættum ekki bara hanga með þeim - þeir voru mjög ánægðir með það. Einn þeirra leit mjög svipað út og Hrafnkell rauði en annar var nákvæm eftirmynd Bjöllans. Sá þriðji leit út eins og flóttamaður frá Kosovo. Mjög nice náungar. Það var mikið stuð að fljúga út, í Leifsstöð hitti ég álíka marga og á venjulegum skóladegi, þarna voru m.a.: Daði og Börkur úr Jagúar, Pétur Beikon, Bent og kærasta, Eiki og Elín, Arnar Eggert, Finnur úr Sílíkon, Breki og Omminn o.fl. Einnig hittum við Sólveigu í London, en hún hefur alið manninn í Finnlandi upp á síðkastið. Við gistum í íbúð rúmlegra fertugrar listakonu í N-London, og var það mjög þægilegt, alltaf kaldur Carling í ísskápnum og Franz Ferdinand á fóninum. Já, ég keypti fullt af plötum, en vil eiginlega ekki tala um það, ég eyddi alltof alltof alltof miklum peningi í þessari ferð og sé fram á að vera mjög fátækur næstu vikur/mánuði.
•••
SAAB spilaði víst tvisvar meðan ég var úti. Þeir slepptu lögunum þar sem ég er í aðalhlutverki. Sem betur fer sagði Högni að það hefði vantað smá Atla í sjóvið hjá þeim, svo ég er ekki algjörlega gagnslaus. Sjúkk. En við spilum víst aftur í næstu viku á Ellefunni, stay tuned. Einnig mun sveitin Nortón spila á Ellefunni í mars (nei, við erum ekki dauðir/hættir). Nortón munu líka leika í tvítugsafmæli Kára nk. laugardag.
•••
Við rústuðum FG í skemmtilegri Morfís keppni sl. föstudag, einsog þið vitið sennilega flest. Ég var mjög ánægður með okkar hlut í þessari keppni og sé fram á bjarta Morfístíma. Eða hvað? FB töpuðu öllum að óvörum fyrir MA, svo það er mikil spenna í gangi. VÍ og MA mætast (VÍMA?) og verða MA að teljast sigurstranglegri þar sem þeim tókst að leggja sigurstranglegasta lið keppninnar. En einsog oft hefur komið fram er ekkert öruggt í hinum stóra og harða heimi ræðukeppnanna.
Bragi Páll, úr liði FB, hefur verið rekinn úr FB og hótað kærum eftir ummæli um einhvern kennara í FB. Þetta finnst mér mjög einkennilegt mál, vissi ekki að svona gæti gerst. Aðstoðarskólastjórinn virðist því miður ekki geta hjálpað honum núna útá það að hann sé svo mælskur.
•••
Lagningardagar framundan, mér til mikillar gleði. Árshátíðin líka. Ég er mjög spenntur fyrir þessari árshátíð, en eftir fjárútlát síðustu viku veit ég ekki hvað verður, ég get ekki borgað með góðri samvisku borgað 7000 kr. + áfengi... Og hver vill vera með mér í herbergi? Og er ekki uppselt í gistingu?

:: Atli 14:30 [+] :: ::
...

Var að koma heim af MH-SULLinu. SAAB rokkuðu pleisið ekki síður en Ísidor, sem ég stend enn fastur á að sé besta rokkhljómsveit Íslendinga. Tímor Mínus voru einnig með skemmtilegar pælingar. Annað sá ég nú varla; því ég var upptekinn við að semja um umræðuefni. Jájájá...MH og FG mætast í hátíðarsal MH föstudaginn 13. febrúar nk. kl. 18:00 og umræðuefnið er: Listamenn eru aumingjar sem nenna ekki að vinna og mælum við á móti fullyrðingunni. Ég hvet alla unnendur mælskulistar til að láta sjá sig.
Ég hef semsagt ekkert verið heima hjá mér í dag fyrr en nú, og slíkt fer alltaf dáldið illa með mig. Ég er þreyttur og stefni á rúmið. En mig langar geðveikt til að fara á Kapítal og sjá Steve Beckett, stofnanda Warp Records snúa plötum, en ég bara meika það ekki. Mig langar geðveikt í innflutningspartí hjá Rut, en ég bara meika það ekki. Vakna snemma í fyrramálið og svona...Minn helsti veikleiki er að ég læt alltaf pirra mig geðveikt þegar ég get ekki verið einhversstaðar, þegar ég veit af fólki einhversstaðar að skemmta sér meðan ég er kannski sofandi eða heima eða að gera eitthvað leiðinlegt. Ég þoli það ekki.

:: Atli 00:30 [+] :: ::
...

Ég var að pissa og þvagið lyktaði einsog pulsa með öllu. Skrítið.

:: Atli 01:04 [+] :: ::
...

Hey, það er allavega styttra síðan ég ritaði síðast en Skíturinn.
(Silla:) Ég er búinn að uppfæra plötusafns-listann minn, en á því var nokkur vanþörf. Eins og við var að búast hefur hann lengst heil ósköp. Skoðið hann með því að smella hér eða á tengilinn efst á síðunni. (Og já, mér finnst hann flottari en listinn hans Péturs Beikons...)
Þá ætla ég að fá að væla:
Ég er ógeðslega upptekinn og það er geðveikt erfitt og kærastan mín er í útlöndum og ég á geðveikt lítinn pening o.s.frv. o.s.frv. o.s.frv.
Nja, ég hef það ágætt, þessa vika er samt algjör slátrun. Ég fer í próf í eðlisfræði og efnafræði á morgun - annað sem gildir 20% lokaeinkunnar. Á fimmtudaginn fer ég í spænskupróf og á að skila heimadæmum í öðrum eðlisfræðiáfanga. Þá þarf ég líka að semja um umræðuefni við FG, en sú keppni fer fram 13. febrúar. Auk þess þarf ég að vera uppí Fellaskóla á hverjum degi að þjálfa ræðuliðið þar; og á hverju kvöldi þarf ég að æfa með hljómsveitinni SAAB sem mun leika á MH-SULLi næsta föstudag. En ég kvarta ekki.
Afsaka lágan standard á þessu bloggi - vonandi gefst mér tími á næstunni til að rita bókmenntafræðilegt stórvirki.

:: Atli 22:23 [+] :: ::
...