:: keipdúnkur atla bollasonar ::

:: fimmtudagur, júlí 21, 2005 ::

Farinn til Frakklands. Býst ekki við að geta bloggað þaðan svo þið eruð miklu betur sett með nýja bloggið hennar Sunnu þar sem hún segir frá ævintýrum sínum í Kína (hún er í alvörunni í Kína).

Plötur
Jagúar: Hello Somebody!
Madvillain: Madvillainy
Hölt hóra: Love me like you elskar mig
Air: Talkie Walkie
Mugison: Mugimama
múm: Loksins erum við engin

:: Atli 18:15 [+] :: ::
...

Þegar ég var svona sjö átta ára gamall sat ég inni í eldhúsi með elsta bróður mínum, Einari, en hann hefur þá væntanlega verið tuttuguogeins. Við vorum í leik sem gekk út á það að nefna bílategundir. Hverja bílategund mátti bara nefna einu sinni. Leikurinn hafði gengið nokkuð lengi, en þá nefni ég „Karate”. Einar samþykkti ekki að það væri bílategund og svaraði snarlega „Júdó”. Leikurinn hafði tekið nýja stefnu, svo ég svaraði „box”...

Auðvitað vissi ég að sjálfsvarnarlistin karate væri ekki nafn á bíl, en öðru máli gegndi um hvernig bera ætti fram Daihatsu „Charade”.

:: Atli 17:40 [+] :: ::
...

Þú veist að Reykjavík er orðin stórborg...

...þegar það eru indíánar með panflautur og playback á Lækjartorgi.

Plötur
LCD Soundsystem
Joy Division: Substance

:: Atli 16:09 [+] :: ::
...

Ég er búinn að eiga ótrúlega skemmtilegt kvöld úti á lífinu með besta vini mínum og klukkan er farin að ganga sex eða sjö að morgni. Í stað þess að taka leigubíl heim að dyrum ákveðum við annaðhvort að ganga eða taka leigubíl að hverfismörkunum. Á himninum eru bleiklitir hnoðrar og við tölum um hvað við ætlum að gera á morgun - fara niður á Austurvöll eða slaka á í garðinum. Þegar svefninn sigrar loksins ómar besta lag kvöldsins í höfðinu og bros færist yfir andlitið.

Í mínum huga snýst allt sumarið um þetta augnablik eða stemmningu.

Plötur
Sufjan Stevens: Illinois
Erlend Øye: DJ Kicks
Postal Service: Give Up
Camera Obscura:
The Hives: Your New Favourite Band
Photek: Modus Operandi
Shining: In the Kingdom of Kitsch You Will be a Monster
Pink Floyd: Meddle

:: Atli 09:27 [+] :: ::
...

Hvað er málið með mávana? Á laugardagsmorgun voru svona 200 mávar á Lækjartorgi. Etir því sem ég ferðaðist um bæinn og líða tók á daginn, tók ég eftir því að öll borgin var umkringd mávum. Á Bústaðaveginum mátti ég þakka fyrir að keyra ekki á mávana sem flugu yfir bílunum. Í Hafnarfirði létu þeir illa - sveimuðu um með tvírætt bros á vör. Þeir hringsóluðu yfir bílastæði í Breiðholtinu. Og í gærkvöldi var alveg jafn mikið af djöfulsins mávum í bænum. Ég var búinn að heyra um fjölgun máva - en þetta er meira einsog takeover. Mér er ekki um sel, ég hef séð Fugla Hitchcocks.

Öllum sem hafa látið sjá sig á tónleikum síðastliðinna daga er margþakkað - þetta hefði ekki tekist svona vel án ykkar hjálpar.

:: Atli 13:33 [+] :: ::
...

Ef þið mættuð ekki síðast þá er þetta tíminn til að bæta upp fyrir það. Ef þið mættuð er þetta tíminn til að endurlifa það. Við erum líka að spila á Bar 11 á fimmtudaginn ásamt Jan Mayen.

(Ég veit að það er frekar cheap að breyta blogginu sínu í auglýsingamiðstöð fyrir eigin tónleika - en þetta er bara það helsta sem er að gerast hjá mér þessa dagana. Komið og upplifið það með mér.)

:: Atli 00:15 [+] :: ::
...

Tónleikarnir í gærkvöldi heppnuðust bara rosalega vel. Mætingin var góð, við vorum í roknastuði, og nær allt virtist ganga upp. Í lokalaginu (fyrir uppklapp nb.) var komið svo mikið rokk í okkur að ég steypti Junóinum mínum fram af sviðinu og kláraði tónleikana með hljóðnema að vopni og síðan Nordleadinn hans Leós. Fólk virtist allavega vera að fíla okkur og það er alltaf ótrúlega góð tilfinning.

Þess fyrir utan er ég bara búinn að vera ógeðslega upptekinn, í vinnunum tíu tíma á dag og að vinna með einni hljómsveit eða annarri á hverju kvöldi. Frekar erfitt að kvarta samt - þetta eru allt saman ótrúlega skemmtileg störf.

Ég held til Frakklands með fjölskyldu minni eftir tvær vikur. Við munum dvelja í gamalli myllu ásamt tveimur öðrum íslenskum fjölskyldum. Ég sé fram á fullkomna afslöppun og talsverða víndrykkju að ógleymdri sólböðun. Slíkt afslappelsi er nauðsynlegt, sérstaklega í ljósi þess að Innipúkinn verður í fullum gangi þegar ég kem heim og ekki gefur hann mikið tilefni til þess að taka því rólega.

Plötur
Belle & Sebastian: Boy With the Arab Strap
Interpol: Turn on the Bright Lights
DFA Compilation #2
Sufjan Stevens: Illinois

:: Atli 18:28 [+] :: ::
...

NORTÓN OG HÖLT HÓRA BJÓÐA Í PARTÍ...

...á Grand Rokk, föstudaginn 8. júlí klukkan 22. Frítt inn. Húllumhæi lofað.

:: Atli 00:42 [+] :: ::
...